20170613 郭博士: 公告開心特獎遊戲

erict

　　約三連庄，乾炒一家，有五楝，40分。
　　約四連庄，乾炒一家，有六楝，55分。

　　第一舖贏，有三楝，其他三家都有楝，我至尊結牌，20分。

erict

　　忽發奇想，其實Dr好有心。個人估計，佢係非常含蓄的借用玩天九，非常轉接告訴你如何應付發展一日千里的世界變化，特別係AI這層面。

erict

　　個多星期玩天九我見：

一，實用攻防戰－－要兼顧文武子平衡又要贏到最後一擊，非常不容易。要知道以一對三，人家比你多三倍兵力，如何力挽狂瀾，要步步為營，一行錯，玩完。玩天九，一行錯，隨時可以重頭來過；人生，一行錯，可能不知道何年何月才有機會捲土重來。

二，似是陰陽之道－－玩天九時，想到有時處事做人，也應有兩套功夫，特別係對別人。硬橋硬馬，嘢嘢都show手瓜，如果對方唔受，硬碰硬，盞嗌交收場；反之，溫柔一點，靈活一點，每每有奇功。特別係遇上對方明知受軟不受硬，而你又正所謂托咩都唔識轉膊，雙方面隨時反面之餘，你做的事情又冇果效，晒時間心機。

三，互動式沙盤堆演－－唔好睇少呢八隻牌，每行一步，對方都有三份牌對付你。你每行一步，似乎程式內都有辦法令你行錯牌。感覺上程式好似金鐘罩咁，但一定有罩門搵到，係我過去個多星期觀察到，當然我冇辦法證明是真是假。但似乎有幾個情況似乎係咁。

　　退一萬步睇，似乎程式知道你有咩牌，出過咩牌，而程式三份牌合力鍊贏你。所以，不斷出牌之時，看似無關，其實可能因應你出牌而互動。

　　最後一點，我觀察到程式可能預設咗每次出牌，不論是文子或武子，一定要出最大果隻牌，即係冇留招。例如你出地，如果其中一份程式牌有天，一定要出天。所以，如果依此路數而又係真的話，或者可以為大家增加勝算。

sunnysum2008

大家好! 先講句Sorry, 因為真是很久冇留過言。
想改帳號密碼都唔得, 論壇system 話帳號過期...

小弟目前最高分是216分!

有圖有真相...

至尊寶結牌，乘2倍，加上連莊超過9次, 嬴12棟, 12 x 9 x 2 = 216分

天九2個app, 超過9次連莊會鎖死在9倍, 9倍係最盡。

如果有特殊結牌，應該至少再加4倍算分，抄曬三家嬴15棟，15 x 9 x 4 = 540分

不過博士好似擢到40倍, 那局應該嬴了13棟, 520分。

到底天九牌如何計倍率，我都不是太清楚。

如果我玩到超過500分，會寫攻略給大家。

天九2要連莊不難，但要識立於不敗。

sunnysum2008

Offline 玩可以冇廣告彈出

容燥兒

https://youtu.be/tYperaaaO9E

容燥兒

有同學話連霖十幾鋪莊都可以做到。

但講到四大包，又全靚牌就要講彩數。
佢話最後呢個步驟，同個"天"有關咁話。

chriswong

我覺得同部手機有關，哩個係時空識嘅"空"，用安卓系統係打唔到。
要用IPHONE先得，計分同難度都差好遠，有機會不妨試試。

容燥兒

同同學傾開，發現天九遊戲係個好好訓練。

打到五百幾分果個指標，如果玩到，對人生會有好大幫助。

不二非一

郭博士你好,
其實郭博士一開始講小弟就知道用咩方法, 其答案如下:

1) 用4部手機以不同帳户連線對戰
2) 等待一鋪牌, 一方有以拎冧六／細么結牌, 另一方則以高腳七／大么擒住, 勝方分數將以四倍計並由前者包三家。
3) 勝方必然取得一鋪最高分數, 負方亦是一鋪最高負分

注意：
最難是先要熟悉天九的玩法。(幼年時家父曾教過，但現在己全無印象，要重新學起)

其次，仍要時候等待合適牌局來臨 (抱歉小弟正準備考試、又正在工作, 實無暇真正去玩)

其實這遊戲可引伸去其他領域 -- 要赢這些特殊牌，當然可以靠運氣, 但實況是多數有其他參與者的配合(可理解為騙局)
正如在金融市場，莊家訂下目標價位及時間, 亦同時要『幫莊』去配合，令散户落搭，然後一鋪清袋.....
無論你賭術再精，都要明白『十賭十騙』的道理.....

希望小弟講出方法都可攞到個奬
如果唔得，其他受啟發嘅参赛者可否幫手攞個比小弟呢, thank you