你對人好，人對你好

erict

　　最近返夜班，重新上路，希望再踏入正軌，上班所見所聞，有感而發。

　　返咗四日工，眼底下盡見人生百態，包括新一代後生仔的眾生相。小弟初來報到，投入新工作，當然不敢怠慢，日日守時，返凌晨三點，未到兩點九或兩點十，成個人已經楝喺度。而因為工作性質，多數要包括返星期日（星期六午夜之後的星期日）。也許我幾日來守時，工作尚算已有七八成上手，阿頭叫我六月份可以休星期日凌晨，到了七月再排放假。也許......這就是你對人好，人對你好。因為，守時只是最低最低的工作要求，因為，小學生也知道遲到會被罰企，見家長等等，原則上如你不守時，即是連小學生都不如。

　　這或可說明你的作為，你對工作的承擔，人家對你的信任，真的不可以亂來，特別是品格如守時，否則，你幾叻都死，因為人哋就係唔信你，你可以拉閘，共勉之。

John.Wick

守時是必需的, 很多人都知, 但係都係睇番你既工作性質, 如果同大客傾生意, 不但必需守時, 還要最少早一小時到現場準備一切, 但是如果你只係一般既打工仔, 尤其係香港工作既一眾平民, 普通寫字樓工, 如果唔係日日遲到, 一個月遲一兩日到, 都係情有可原, 甚或乎有d公司設立一個月可遲到不超過120分鐘就唔會收warning既規例, or 遲到幾多分鐘就遲番幾點收工, 始終計你遲唔遲到係老板點去看您既看法, 正所謂欲加之罪, 何患無辭...要治你罪, 要唔信你, 又豈止是遲到理由咁簡單!!!

John.Wick

最後我想講下作為員工為何會在上班時遲到問題, 如果你本身對您自身既工作充滿誠懇, 一定會預早半小時以上番到公司, 並準備一切, 然後認真工作, 假若你對工作產生厭惡, or 對公司,同事,上司任何野令你煩擾, 你就會無心工作, 從而得過且過, 經常遲到也不為過...相信做過打工仔一段時間的你會明白的...haha!!

leungtinyan

工作是要表現你的價值，睇下你想要咩lo,作風無得騙的，人家不是白痴。

陳柱民

我們應該向博士學習。

博士幾年來，打風落雨，家事國事，總在星期四準時開咪，從無缺席。

這也是一種「定」吧。