2016.2.9 郭博士考考你：旺角的騷亂，是有組織還是散兵游勇

伺尋喜樂

1.旺角的階磚，應該黏了膠水，為何咁容易被人鬆開當武器？
2.佔中期間，都未試過遮記者鏡頭，香港人從不這樣做，這個行為只會在某國家的人才會出現。
3.食環署旺角總部就在花園街市政大廈，為何沒有人上去倒亂？

前年流流香港竟成為別人的戰場，真希望香港也有一個杜月笙把汪壽華拿出來祭旗！

wu_peace

綜觀旺角騷亂之新聞報道及錄影片段，好明顯這事件是有幕後組織與策劃的，

再加上 "群眾之從眾心理" (心理學之羊群效應) 而成功鼓動糾集到一大班有勇無謀、

衝動激進的人起哄，甚至加入戰團，因而助長了規模與聲勢，造就了這場騷亂的爆發。

惡即斬

小子偏向相信,此乃官迫民反, 長期積怨所至, 所以絕大多數是散兵游勇....

所謂的組織, 最初只得本土民主連線..., 也只是如去年一樣幫助小販, 本土民主連線的男子,
以參選權利吹雞召人幫手, 但也不足以動員二百多人, 作游擊反抗... 既是游擊, 進退也沒有法度和
目標, 所以難以說是有組織吧! 就如外國足球暴亂一樣, 打完亂完, 就沒有 what's next... 像是發洩一樣...

但唯一可疑的是, 今次... 中聯扮, 沒有出來說什麼, 只得文燴太公報說膠話... 何以, 強國一方沒有找個高層出來說幾句?? 也沒有公安介入是次事件, 難道全去了拜年?? 難道就是背後的內鬥, 或騙取呀爺資金?? 以亂來取 budget ? 照常理, 放煙花, 中聯扮點都到場卦... 到場點都講幾句卦, 但就乖乖收口...

更奇怪是良景那邊, 又打到初二重打緊.. 好似有人想亂喎..

因此, 局應有人想搞, 借民怨小事化大... 火乘風勢... 可能初初只是小試牛刀... 點知搞大左.. 組織也組織不來... 就似慈禧用左北洋軍費去起宜和院, 諗住玩下, 點知玩到亡國咁..

raymondwong

今次旺角單野背後應該有組織,有一些勢力支持的.
從電視所見,d人帶晒架生,口罩,大時大節都走出來,時空上,好明顯有人號召,有備而來.

但另一邊廂,歲晚食環都嚴厲清理小販,打擊了不少旺角商戶及一些勢力.
想深一層,旺角單野好像有點似是政府「撩交打」,「官逼民反」.
是否有政府高層人士指示要嚴厲清小販？
,意在製造動亂事實,從而轉移市民大眾的議題,
最後達到增加政府強硬執法的理據,同打擊政敵的事實基礎.
之後向北大人拿授權做野.....

......真係越推越覺得香港會有d大事發生.

政治如圍棋局,邊個圍死邊個,真係好難知. 表面無痕,可能已暗藏殺著.

陳永新

我認為係一班是有組織，另一班係散兵游佣。本土行動班人唔似咁有勇氣去同警察開拖，尤其是由桂林街夜市話幫腸粉大王，又話轉戰旺角的梁小麗，只係一個大專講師仔 (有咩事工都無得做)，而本土行動一直以來比我的印象就係講就兇狠，抽水就叻。由班「暴徒」的動態，佢地真係幾兇狠的，有D 的確唔似平時班靚仔作風。係亞皆老街果幕，幾個警察好似比人放左上擂台咁，比人迫到埋角，驚到要開槍。最令我覺得疑惑的是689 今年唔休假，佢平時有無事都走左去，但今次佢無，反應異常迅速。

以上種種，我覺得係似有心人裝無腦人，如果良景邨果單都有黑社會為生計著制服做管理員去清小販場，黑社會為生計一點就著。點解旺角唔可以有黑社會其實為生計，借題發揮「為本土，為市民」打警察，警察可能唔知咁結果，自己比人打鑊甘，但知咁迫一定可以擦槍走火。原本本土果班見上年比人打左獲，重唔抽水打埋一份。咁就正中下懷。

效應係，本土班友事後比人等同黑社會，神憎鬼厭，形象負左分。尼次重可以張佢地連根拔起。同時，班靚仔成日係FACEBOOK 號召。咁網絡23條，真係的23條，張德江系統要鬥爭為綱都能夠全部有事例可循，同市民同中央講數。689 又可以平亂之名，向中央買時間。

kj0002

大家只着重警察與示威者
誰對誰錯,
但沒有指出
最大得益亦是689
分化港人，
借警察之手向阿爺領功
又可鞏固特首地位..

Wilsonchung123

大部分參與者是散兵游勇，被一小撮有組識人士所搧動。

amylau38

台灣是天災。很無奈，很難過。
香港是人禍。更無奈，更痛心。
台灣拾起磚頭為救人, 香港拿著磚頭狂掟人。

Chiupityu

有組織的是政府

從網上得知；早在春節前，食環處和警方已經無理拘捕無牌小販，而網上已有“本土“人發起保護小販行動。高永文更在早前訪問中提到有需要時要執法；所以政府藉高調打擊無牌小販而做成今次事件是政府設的“局“。是有政治目的令人覺得“本土“人士是暴民，打擊本土派名聲

對於所謂“暴民“是散兵冇組織是即興；從他們的裝備上及即場被捕人數可知。
如有組織他們應在警方增援前散去；而且不只是數個起火点而是數倍或數十倍之多。

WilWilQ

同李波事件比較, 特首好快就可以定性事件為動亂, 反應比足球賽決定支持港隊或國家隊更快, 有進步, 贊!
今次事件中聯辦無出黎亂講嘢, 同特首合作無間, 再贊!
立法會多項撥款牽涉到很多大人物嘅利益, 和諧合作通過實在是很迫切, 偏偏市民又唔夠肉緊, 有心促進和諧撥款嘅人早已四出宣傳, 但效果一般, 這次件來得唔遲唔早, 旺角唔係金鐘, 地點唔影響大人物, 細心照顧老細, 叻!
事件表面上只關於民生, 警察服務同個別組織, 同政府管治拉唔上關係, 事情點都燃唔到政府, 更叻!

事件有組織, 又結合到散兵游勇參加, 如此水平嘅活動, 都唔似本地人有能力做啦, 我估係新來港嘅中國專業人士策劃嘅!