20190829郭信差之閒話家常:人做到極無耻不容易

容燥兒

https://www.youtube.com/watch?v=xzvJuve0BuU&feature=youtu.be

man6552000

容燥兒 發表於 2019-8-29 16:16
在 YouTube 上觀看「網友傳來的片段56」
https://youtu.be/EcXmUoO-fSU

不敢質疑呢位教授。
但聴到他的言論非常保守，不像西方人。

再在網上找這位教授的背景，似乎同中國都幾友好。

https://zh.wikipedia.org/wiki/%E ... 7%E9%9B%85%E5%85%8B

https://baike.baidu.com/item/%E9 ... 85%E5%85%8B/8276661

https://www.google.com/search?ei ... QCjYQ4dUDCAo&uact=5


仲有要小心經精心剪接的影片，佢只係俾d佢想你聽到的資訊。

newhello

所謂「求其嗡下都會死人」。除非段錄音的內容有其他證據支持，否則傳出去就是害人。

man6552000

段錄音講同圖片上都唔同公司.

伺尋喜樂

比我做支付平台緊係去到盡啦! 直情好似牛熊証一樣, 發行有限期的虛擬貨幣. 例如一個月期, 三個月期, 半年期和一年期.

若果你用一萬蚊人民幣換一年期的貨幣, 可以當1.1倍駛, 即使一萬蚊變了萬一蚊, 但係你要一年之內駛佢, 否則變成廢紙!

半年期的則有1.2倍. 三個期的有1.5倍. 一個月期的去到1.8倍! 一星期的去到2倍!

但每人每月只限換十萬元人民幣! 而且只能買野, 唔可以套現!

我知道咁做最後會爆煲, 但你唔做, 遲早有人做!

wspaper88

容燥兒 發表於 2019-8-29 16:20
令人心酸眼澀的警員心聲！

問你是義工?

kenji0hk

容燥兒 發表於 2019-8-29 16:20
令人心酸眼澀的警員心聲！

回應公務員Secret 投稿 (投稿時間28/8 5:3)

＜你根本不是警察，或你不配做一名警察＞

尋日睇完一篇對警察處理反修例暴亂既投稿，當中投稿人雖然無明示或暗示自己係一名警察，但由佢既用詞，引用既警例，仿佛係度暗示緊自己既身份。作為80後現職警察，我想對呢名投稿人士既指控作出回應。確切一點黎講，我要指出佢講既野係有幾錯，以正視聽。

*解放軍入城*
作為公務員團隊既一員，警隊當然知道政治中立，亦了解政治問題要政治解決。但係當政治解決當前危機既機會正在不斷下降時，國家既武裝力量依法入場既機會係愈黎愈大。我地無人希望見到呢個情況，因為呢個結果會對國家同香港既國際形勢都會有所打擊。所以警隊一直以黎努力平亂，就係希望比國家信心香港可以有足夠能力應付自六月起一連串暴動事件，減少悲劇發生既可能性。持續兩個多月的戰鬥，警察能不累嗎？如果呢個時候會有國家的幫忙，會不感到欣慰嗎？

*醫院打人*
物以類聚，我唔知你係警察部工作時到底認識左乜野既人，令到你有會理解為警隊中人認同醫院打人既行為。我可以好清晰咁同你講，我認識既人入面無一個同意醫院打人既行為，無人覺得佢係蠢所以落穫而係真正認為佢做既野唔付合一個警察應該有既行為。正如七警事件一樣，我地感到傷心並唔係因為我地認同佢地七個人既做法。我地憤怒係因為佢地係一個咁高壓而且具危險既工作環境，因為被挑釁而衝動犯案，法庭卻無充分考慮呢D因素作為判刑既考慮。你對警察同事睇法既偏頗解讀，令人廢解。

*警察使用武力*
作為警察，每一下既武力使用都需要承擔問責，武力於達成目標後當然要停止，呢個係由新出學堂到就黎咬糧既師傅都一定會知道既宗旨。你話警察制服被捕人之後照打，開槍瞄準頭黎打，我反而想問返你掌握幾多資訊而作出呢個結論？你係咪重停留係2014年違法佔中時示威者手拉手比你圍起慢慢拉果個年代又或者你係咪係靶場打慣唔識郁既靶，令你覺得警察有機會可以無論暴徒點郁都一定會射中Body Mass? 你唔去問警隊開槍或使用武力前暴徒用緊乜而反過來用不全面既片段挑剔同事維持治安既努力，你無野呀？

*示威唔暴力？同事不會受傷？*
簡單回應：你企最前線？你慳點啦！你有無試過6月守立法會龍和道，7月守衛全港不同差館，8月守衛宿舍家園同埋處理係同時期入面不同地區遊行後發生既暴動事件？定還是你係果種相信同事比激光筆射眼無乜野既高人呀？唔知你有無信心企係幾日前荃灣圍EU同事既暴徒前面玩一轉，再大大聲講一次示威唔暴力呢？

*年青暴徒*
你話面對十幾廿歲暴徒我地就要輕手，呢D係咪就係正正你所講既執法不公呢？暴徒裝甲入面如果係五張幾阿叔就要打多幾下，年青人就鍚住佢？從來警察執法只會跟據對家既行為而定，而唔係佢地既背景。就係你地呢D人今時今日年青人做乜都要理解，都要體諒甚至認同，令到佢地覺得呢個世界圍住自己轉，光環永遠隨身。呢D取態係咪健康，又是否我地面對年青人又或者香港新一代應有負責任既做法？

*執法不公*
打擊黑社會係警察咁多年黎既首要工作。白／藍衣人打人事件每一個警察見到都應該阻止。如果你問我，就算我可能只得1 Pair同事，我一樣會擎槍戒備希望可以制止事件。但係呢個既做法僅限於對付只得一邊窮兇極惡既人士。但721甚至之後既荃灣等地，我地見到既係兩邊人士（白衣人同埋暴徒或暴徒支持者）之間既強烈衝突，兩邊都有使用武器而甚至暴徒一方有瘋狂襲擊警察的紀錄。我地作最前線或者前線指揮官，保障市民安危時同時亦對自己或下屬安全負責，更唔好講係屋企等我地收工既老婆仔女。係咁既情況下我地係有足夠警力下先進行干預絕對沒有不妥。同時作為一個警察，我相信所有人都絕對知道地區警力係點樣受到各區發生既暴動而影響。處理日常接CALL工作既人員已經非常有限，要快速reform又談何容易？

*調查*
如果有做個cid都知道係我地人手唔係無限，唔可以所有案件都當老謀（謀殺案）黎查。於是我地會有先後次序，而排序黎講通常最重要既考慮因素就係案件既嚴重性。如果你話政治case就特別努力查，不如你睇下比較下政黨(特別係建制派，如果你認為數字會較為對你既論點有利既話)banner或海報比人刑毀既案件破案率又係唔係比同類既其他案件破案率高？如果唔係請你反省一下。調返轉頭，暴動罪甚至非法藏有大殺傷力炸藥等案件對公共安全同秩序有前所未見既威脅，同時係法庭如一經定罪係隨時可以判監十年或以上，點解警察唔可以全力去調查，偵破同檢控？你問下每一位市民，同六月前相比，佢覺得香港重係唔係一個安全城市，一個可以安居樂業既地方你咪知道點解我地要全力打擊呢D嚴重罪行。案件背後既性質唔係重點，重要係每一單個別案件對香港社會同埋香港市民既影響先係重要既考慮因素。

*警察自身*
無錯，我地近月係有好多DSOA (紀律部隊既加班津貼)，但入面每一分每一秒都係前線或行動支援同事既血汗錢。入面包括受到嚴重（槍，汽油彈，弓箭，腐蝕性液體，刀，鈍器等）受傷既威脅，語言暴力，個人資料外洩（被起底）風險同埋長期體力情緒極限既挑戰。我問十個同事，十個都話寧願唔搵呢D錢。每一個兄弟收工拖住疲累既身軀，返到屋企全家已經訓著左。望住小朋友訓著左既甜睡樣子好想鍚佢一啖，但又驚嘈醒佢地。望住太太，感覺佢呢幾個月真係累透了，心中滿是愧疚。睇一睇手機，自己一家既個人資料地址又比人放哂上網，又要擔心老婆仔女會唔會係工作場所同學校受到欺凌。你同我講白色恐怖？呢D就係白色恐怖啦。

如果撰文人係一名警察部其他Departmental Grade人士，我希望你地更加了解我地工作既背後既理念同埋我地面對既困境先作出一個公平既評價。如果撰文人係一名前／現職警察既話，我會話比你聽，你根本就係警察部呃飯食，連我地做緊乜，點解要咁做完全一慨唔知，活在自己世界。我地唔需要你呢種同事，請你考慮辭職。
提交時間：2019/8/28 下午11:25

erict

容燥兒 發表於 2019-8-29 16:24
Dr.k:越管越多人富起來！
你知道原因嗎⁉⁉

因為冇想單嘢停, 一唔停, 又有機會撈一筆. 音樂唔停, 陸續有來.

伺尋喜樂

無恥的人之所以上到位係因為有一個on9老細。連少少善意批評都唔肯接受！咁下面的人唯扮蠢，叠埋心水揾著水，廢鬼事教精你又要比人鬧。

wwongs

容燥兒 發表於 2019-8-29 16:20
令人心酸眼澀的警員心聲！

不要見怪愛之深、責之切。
歸根究底，香港警隊坐享社會安逸的光景實在太長久，以致應變質素下降、心理質素下降、體能質素每況愈下，又其是高層指揮管理人員近來的表現，簡直是慘不忍睹。
今次的動亂是上天給予警隊的磨練和考驗，不致日漸淪落至懈惰無能。應當及早加強覺醒和自強不息，不要忘記工作對於社會的使命，否則不堪一擊的男子漢何以保家衛國。

請大家振作起來，抖擻精神，正氣長存，所向無敵。