洗碗工月薪兩萬！ 貼街招無人應徵 老闆加碼$2,000留舊...

Nelsonlai

月薪兩萬的洗碗「筍工」竟無人問津？東涌有餐廳近半個月貼街招，以月入兩萬招聘外判洗碗工，但終無人應徵，老闆無奈下惟有加薪一成留人。飲食業坦言洗碗工請人越來越難，料中央洗碗工場將成趨勢（見另稿）。





東涌馬灣新村月初出現「外判洗碗工，每月2萬」的矚目街招，記者追查下證實僱主是馬灣新村已經營16年的天廚菜館。老闆娘樊小姐嘆飲食業嚴重欠缺洗碗工，加上現職洗碗夫妻檔疑嫌辛苦打算離職，餐廳遂決定把洗碗工作外判：「畀多幾千蚊都要，起碼我唔使擔心員工休息又要搵人頂。」

以每月工作31日、每天12小時計，天廚以二萬元外判的洗碗工，平均時薪達53.8元，比法定最低工資（30元）高8成。但這2萬薪酬不容易賺，因外判洗碗工屬自僱人士，無就業保障，兼要周中無休，每天洗碗12小時，樊老闆承認一個人未必做得掂：「（外判）勤力的話一個都洗得掂，否則可搵人（如兼職）幫手，總之自己搞掂」。



■食肆人手短缺，除洗碗外，樓面及外賣司機仍空缺。


厭惡工作長期缺人

樊小姐強調已盡量體恤員工及改善洗碗環境，包括已在洗碗房加裝冷氣機，又強調洗碗工毋須幫手拖地或洗廁所，卻招聘仍遇困難，現時菜館尚有樓面及外賣司機空缺，一樣難請人。對貼了街招大半個月仍未有人應徵，她嘆稱「最壞打算是自己洗」，但至昨日菜館仍是請不到人，最終決定加薪2,000元挽留原已決定離職的洗碗工夫妻檔。

樊小姐遇上的請人困難恐只是問題冰山一角，勞工處指去年本港共有7,373個洗碗工空缺，較前年增加一成。


■菜館前年已在洗碗房安裝冷氣，讓員工有更舒適工作環境。


勞工處空缺網頁亦顯示，近日機場有飲食集團以1.6萬元的月薪聘請機場飯堂洗碗工，一周工作6日，每日12小時，需一年經驗，時薪達48元。飲食業界人士稱洗碗工近年一直供應不足加上薪酬持續上升，刺激中央洗碗工場的興起。

合眾人事顧問有限公司總經理蘇偉忠指洗碗達1.6萬至2萬元月薪已算是高人工：「只睇吓人肯唔肯做，現在的人比較錫身，會嫌辛苦。」他估計洗碗工要長期在狹窄環境工作，「屈住喺度，轉身都唔得，常浸住洗潔精對身體不好，重複工序更易令關節勞損」，因此洗碗視為厭惡性工作，令請人格外困難。

goldenma

首先洗碗工好多都有50元時薪，其次外判是公司甚麼都不理，要受判者全包工，即是沒有任何假期福利，也不會理你找幾多人洗。所以兩萬難講一定高薪；在機場兩年保安都萬六，還有福利假期。

暴力原人

兩萬咁少,唔好玩啦~仲要東涌馬灣(最終決定加薪2,000元挽留原已決定離職的洗碗工"""夫妻檔"""")出面12000請1個,有福利假期.
出果$22000外判,個老闆仲扮到幾無奈.如果有人咁戇撚鳩接手你賺撚左啦~

陳柱民

點解咁偏僻一間餐廳，咁多碗碟要洗嘅？咁好生意架咩？

Nelsonlai

我只可以講，東涌馬灣，應該是豪宅區喎！！！

所以咪無人去做洗碗囉！

linolin

兩皮外判?做是31日每日12個鐘?一除番開...一D唔高渦!!東涌都有謙租屋庶!!即系都會有人做啦!! 大家諗一諗两皮野布哂比正虎,當場變公屋富户.我有個師兄响旺角開歺舘,用到70幾蚊一個鐘.個亞叔只同佢做8個鐘,夜晚unun腳再去酒店洗四五粒鐘,已经有两皮幾喇!!佢個街招應該寫15000另加數千小費.相信會好D!! 其實我有D回流番HK開歺飲嘅朋友都同我講有時唔系唔想加比D洗碗,而系牽一發動全身,加完比佢廚房師父又炸型要加!!