宇宙膠劇西遊記得番20點收視

alexwush

[backcolor=rgba(255, 255, 255, 0)]宇宙膠劇《西遊記》同埋宇宙最高翻播率節目之一嘅《我和殭屍有個約會》，上星期正式埋牙，一場8點半黃金時間嘅收視戰正式開始。

猶記得亞視高層早前造晒勢，好有霸氣咁話打馬騮，好喇﹗打鑼打鼓之後又點呢？收視最實際，上星期開戰首天，《殭屍》以卵擊石，以1點收視（約6萬4千人次），硬撼大台強國版《西遊記》嘅23點（約149萬人次）。

今日亦公佈咗過去一星期收視戰績，大台嗰套《膠遊記》，上個星期平均收視僅20點(約130萬人次)，呢個成績喺大台嚟講，當然係差啦！

咁另一邊《殭屍》又點呢？其實又唔係好得去邊，似乎《殭屍》打馬騮策略失敗咗喎﹗

事關《殭屍》成個禮拜平均收視，僅維持1點（約6萬4千人次），因為上個星期一至五，8點半至到9點半呢段時間，竟然keep住1點收視，冇升亦冇跌，做咗成個禮拜「收視1哥」。

其實亞視又唔使灰心，因為以過住成績嚟諗，冇出現0點收視，算好好囉﹗