好人好事 -小小分享

chriswong

https://www.youtube.com/watch?v=NRA82G06Ckk&list=PL5Y6U8rRKls0S_6bLiH_Kxq_MWZndt8ee

2017年8月10日 好人好事後感

今集也想講講後感
突然對博士過往的開示及工作有點啟發。
先講YOUTUBE留言，記得博士講過用批判和捉人錯處嘅心態去睇或聽博士嘅講話，會學唔到嘢，錯過左學習嘅機會。
突然發現哩班人就係哩類人，正所謂今集提到的講講寫寫嘅人，可能佢地唔知天羅地網宗旨係帶給網友們心靈健康、身體健康和搵錢。
政治和經濟只是提供另一層面嘅思考方法，如今集提到閱讀，從歷史背景睇作者寫作動機，可以從唔同嘅角度睇同一件事物。
博士所開示嘅方法和行門係要實行、要做和要講求效果，齋聽齋睇唔做，只會揣測睇唔到實相，只能流於概念層面。如博士受吾等尊敬的人，在YOUTUBE被路人甲乙丙的閒言，若是以前可能會有些執著、憤怒或怨恨，但一直修祝福文入錢箱和捐錢，果種慎嘅感覺真係會慢慢放下。如有網友睇開瑪欣德尊者視頻的話，克服慎恨要修習慈心，哩個就係博士所說嘅事可括理的功夫。

博士做嘉賓嘅怪談，自己就睇左幾次，記得上次自己發現嘅功夫係聆聲知吉凶。
今次發現博士其實運用純科學角度去分析及處理，其實不外乎心靈及身體，但關鍵在於觀察到生活習慣細節和緊貼社會資訊，而聽眾們主要原因是恐懼。運用緣起法，用果去推出個因。唔係用民間習俗漢傳佛教嘅招式去驅鬼，而係活用到佛學嘅智慧技巧地令聽眾們偏離迷信和活得健康。所以說是現世佛、連卡佛，一點都無錯。
可能近排翻睇” 智慧生活啟示-心歸何處”，裡面一句”學佛: 得俗世資糧，行出世抱負”。博士就行左幾十年喇，自己真係有排學。

chriswong

我都分享一下，唔係見到容網友分享，差點忘記精彩花絮!

2017年12月7日好人好事花絮-Grand Slam Moscow 2017 Final

本身唔識睇拉丁舞，唔知點計分。但睇完第一輪SAMBA己覺得7號摩爾多瓦的選手歌曲選擇恰當、舞姿設計細膩、合拍、緊湊、有交流和身體柔軟動作靈活。最重要係前蘇聯的分裂小國，博士講過共產國家唔會俾機會外來人黎攞彩嘅。拎到2,3名已經好威。最後結果冠軍當然係7號摩爾多瓦、第2係152 俄羅斯組合及第3係9號德國組合。小國撼嬴大國吸引名媛富豪請教練，俄國拎第2又不失威風，總覺得係精心部署。7號及152號拎第1,2名係實至名歸，齋睇排舞設計和合拍度已經突出，重要特別收放自如，停著嘅時機及姿勢特別亮麗。而德國選手我睇嬴在穩陣、機械式嘅演出和女方嘅小跳步和轉身亦非常出色。匈牙利唔知係咪輸件衫度，整件黑天鵝，取笑人地俄國嘅天鵝湖。法國男女舞者的獨自表演(SOLO)太多，無左雙人舞嘅味道，節奏亦唔夠緊湊。59 俄羅斯選手中規中矩冇乜特別耀眼嘅技巧。總括黎講賽果合理。