見工留意! 小心個人資料外泄, 中咗招都唔知, 仲烏下烏下.

Lambert

某日接到電話通知見工, 到了見工大廈樓下, 例牌睇睇[水牌], 望一望見工嘅公司名, 奇怪, 話某全層, 但唔同名嘅? 上到去有個後生仔接見, 再望一望間公司名, 又唔同樓下[水牌], 即時有啲可疑! 跟住坐喺間房(仔)填寫自己嘅個人資料履歷, 寫寫下有啲唔同路, 1.申請表嘅公司名又唔係登係網頁上嗰間; 2.申請表要填寫家庭資料...父/母, 配偶, 子女, 兄弟/姊妹...咁多人嘅姓名, 年齡, I.D.卡及職業.(政府人口調查咩?), 3.有關利益聲明 - 呢樣最奇怪, 問有無出任其他公司之董事! 4.社區及民康活動(問過去1年).
一見到要俾埋以上嘅資料, 即時講[山唷啦嗱]即走.
回想坐低時, 當個後生仔問影印身份証時, (留意到佢手上攞住個[COPY]原子印) 因為記得係仲未入職後時, 係無需影印身份証. 但顧主可以問申請人攞出嚟望望.
希望以上嘅經歷, 提一提要搵嘢做嘅人小心小心, 由其是又有好多剛畢業啲學生仔/女, 或就嚟搵暑期工/長工時請要特別留意!