對郭博士推介棋局的小小分享

容燥兒

真係要分享以下棋局,我捉了兩個多月都解不開的棋局。玩的次數超過二百盤。

誰不知剛才無心之下就破局,而突破位是我想也沒想過的。解開了,有說不出的喜悅。

雖然在人眼中,可能是很低水平的層次,但能靠自己解開謎團,原來是有種有錢買不到的滿足感。

容燥兒

在 YouTube 上觀看「郭博士-對大陸記錄片,厲害了!我的國下架的評論(2018-04-27)」
https://youtu.be/7Xa8OJ_e_E4

容燥兒

上星期聽郭博士講,中國偷人技術,同比人裝佢偷芯片技術的時候感覺唔太太。可能司空見慣,覺得人之常情,大媽國唔死就有鬼。

今日再翻聽呢段,萍果手機設廠你地方製造,賺你錢,重要裝你彈弓。我突然腦彈出呢盤著數十足,食硬人嘅布局。殊不知係進退兩難的局面。

巳拆解4。50次,都未拆解到謎團。
可想而知,我哋大媽國人材濟濟,睇怕呢次咁樣比人一芯奪命。真係超級重傷。

容燥兒

今日巧撞位哥仔同學,一齊食飯吹水。
言談間,我展示以下棋局比佢。

誰不知一鋪比佢解到。我就玩咗三,四十局。
我都好驚奇。

同呢位同學傾談中,問到對郭博士覺得邊盤棋局難捉。佢將果盤九五至尊嘅五步殺棋,同道士同宋太祖的一段故事講到津津有味。

搞到我要專心留意果盤棋。

容燥兒

在 YouTube 上觀看「象棋江湖殘局 五步定華山（九五之尊）」
https://youtu.be/4b4-oVx-V6c

最近手頭捉過幾盤車炮馬都齊的局,一輪搶攻都吹人唔脹之後,比人將死,無救駕之力。

睇到呢盤一隻馬可以單天保至尊,真係嘖嘖稱奇。黑子9隻棋,又有炮又有雙仕。重要有雙卒。
紅子稍等多陣,都係比人絕殺。

誰不知,可以在特定範圍中,控制全局,全部咪郁。
當今時局,暫時揾唔到對應局面,可以咁樣做到。

而且聽返個故事,老人同宋太祖由平局開始捉,捉到呢個局面先講賭注。即係老人本身將棋術用到應世都揮灑自如。

今日先諗緊處理一件事情,都重係十五十六,舉棋不定。而自己仍係見步行步之中。
對呢種布局,知道自己仍相差十萬八千里。

容燥兒

呢盤棋真係想分享下,應該玩咗有一百盤左右。

睇佈局有5隻車,炮,馬又高中低線全部騎哂。以為實食無痴牙。點知可以比人剝到一隻棋都無剩。

玩到剛剛先靈感到,保住到4隻棋唔使死,保持一個殺局。發現到,只要齊齊唔好過某一條線,可以逼死隻老將。真係今日值得慶賀嘅喜事。

容燥兒

https://www.youtube.com/watch?v=TvDfqulJy38&index=10&list=PL5Y6U8rRKls2B3EiIdYbR9IaweRqCdTGF
红方是有经验的老手，象棋友想半天才会懂，炮兵妙棋实乃高超

這盤棋真的要很用心看到最後,因為紅黑雙方已經去到拉鋸局面.

黑方守的一方又堅毅無比,紅方其實在頭的十幾步,是很難看出能攻破黑方的防護網.
看了紅方用炮又中路殺入,又到左邊殺入,都費了很大心思.
而紅兵在前面只能時作炮台時作開路,但整個過程中,無論黑方老將和象都隨時能把他置諸死地,
只要這時紅兵一個唔該,比人ko,就紅方得一隻炮,整盤局勢就可以改寫.

所以,整盤棋.由頭到尾也是看到喘不過氣來

容燥兒

https://www.youtube.com/watch?v= ... RqCdTGF&index=9 双马赛跑，江湖象棋残局破解，争分夺秒

這盤棋,雙方都有馬一隻,唯有兵卒和位置不同。

而黑馬巳經其實幾步後就可以絕殺紅方老將,誰知紅方用一隻馬,就由抵擋黑馬,徐徐地轉危為機。

由本來防守的位置,將黑馬逼回過河,轉成了有進攻的優勢。令到本來將要敗的局面,在幾步後形勢逆轉。這個倒是平時很少見到。

由於紅方有兵在花心和帥在底線封路,就令到殺局得以出現,絕殺黑方。

引用旁述的一句話,這真是一步妙棋。

而發現郭博士最近幾星期所展出的是殺棋,是險中求勝,需要有觀察力和忍耐力以及定力才能完成的殺著。

容燥兒

在 YouTube 上觀看「炮马立功，功高盖主，精彩象棋残局破解集粹，目空一切」
https://youtu.be/w6rXxPdC2k0

這盤棋,兩隻黑子離紅帥不遠,近乎實食無痴牙。睇局面,炮又無炮台,馬飛都未必飛得切去救駕。

殊不知,整局棋,可以睇到馬炮快速拆除危機之餘,又可以回馬槍地反將返黑子。
呢個真係要眼定心定手定先做得出。

整個過程,都睇到透不過氣來,尤其是黑子雙卒,入到九宮格中,如果不是炮馬的影响力。紅帥已經收檔。萬不能比到佢化險為宜,安心再進行進攻。

睇完先知咩叫炮馬立功。

容燥兒

本帖最後由 容燥兒 於 2018-6-4 15:34 編輯

在 YouTube 上觀看「三兵闹士，解除封锁，精彩象棋残局每天更新，收获不一样的精品」
https://youtu.be/jiA903Jlleo

這盤棋看了3。4次,才看得懂,因為用國語旁述的關係,對局面誤解了少許。

在黑子九宮格外的三隻子,可以發揮暗渡陳倉的功用,不能小觀。
棋局開始示範了,如果以為紅兵沒有用處,就成了打後必敗局面。

所以旁述在第二示範,就在頭兩步中,讓一隻紅卒,火燒西環尾,搞個亂檔先。在當時時空,作用不大。因為對對面炮仍未見到攻勢開展。

直到走幾步後,就發現了,早走了的紅兵,已經佔了優勢,瓦解了危機。令局勢得以和局。

套用旁述的話,相當精彩。
在最近輸到嘔血的幾盤殘局中,早著先機,洞測走勢。是必要條件,在輸到嘔向的過程中,知道自己仍是眼見一步,算一步,相當唔掂。

仍未能睇清全局,有待改進和學習。
開始在棋局中,把危機拆除的樂趣和成功感。
但嘔血和搞盡腦汁的時間亦相當多。