20170920 郭博士: 徵求「打病魔」手遊改進意見

erict

　　或可考慮以中國歷史夾雜各種食療方法。

　　例如：以三國志為藍本，演化少少例如真三國無雙之類。曹操有偏頭痛，搵華陀；董卓日食夜食，肥屍大隻，身邊謀臣用偏方減肥；趙雲單鎗匹馬入險境，百萬軍中救阿斗，滿身傷痕，用類似雲南白藥，跌打酒各類（藥名可能係錯，只作例子）療傷；周愉小氣，見孔明嘢嘢估到佢諗咩，氣急敗壞，小喬整碗廿四味下火等等。

　　重點係以各種家傳戶曉的故事，類似滲入民間偏方治百病偏方，加上各種方法自醫，例如企樓梯級十分鐘，可通小腿經絡，套用在劉備顛沛流離，敗走時關懷士兵，生怕疲勞過度而提供方法自醫。

　　以上只是一例，我相信用人人熟悉的中國歷史故事，包括民間野史及小說如水滸傳等等為先鋒，再加入一些有用又人人皆知的涼茶之類，一步一步帶出不少偏方及正確方法，玩家一路玩，日日玩，點都學到多少嘢。反正都係返工又打，地鐵又打，行路都打，連拍拖都打，打都打得物有所值，有得著先。

erict

　　神農大軍或可考慮用天九格食格，又可以例如三隻病魔一齊來，但要對付都要有次序，例如要解濕，再解熱。

　　藥之培植的可發揮性頗高。曾問過稍稍認識中藥的人，似乎係中醫用藥方以相容為先，再以不同配方及用藥輕重，達致乘數效應。或可以套用在此遊戲，因為要種植物，天氣，雨水，農夫賣力度，害蟲等等都相信有數，例如芽菜仔七日可收成食得，當中要日夜淋水。整到隻隻藥都有不同嘅方程式出來，咁就有趣味，因為可以挑動人人都有的征服心及雄心。例如：

f (x) = 3a - b + 7c + 10
x = 芽菜
a = 季節，或可用作節令
b = 冬季。可能芽菜不太適宜在冬季種
c = 日，七日起貨
10 = 常數，即是日夜各淋一次水，二五得一十。

　　即是說，如果個玩家搵到條formula而套用到，可以在最慳水慳力之下有豐盛收成，再利用類似Pokemon之類以群組方式互相通訊，種得好可以在朋友面前威威食雞，呢下有機會發大個接觸面。

　　大致上以群組方式為起點企劃遊戲有機會攞到乘數效應，即是西方所謂神奇數字－－1, 4, 9, 16, 25, 36, 49, 64, 81, 100, 121......其實係由一至十一的二次方。

erict

　　其實可以用一些方法綜合各遊戲，一來使之有連續性，二來假設是打病魔為例，士兵敗陣有傷，可以另一個遊戲學回來的醫療方法等等。

　　如果可以籌劃到連貫性遊戲，一來玩家可以在遊戲中學到一些簡單又實用醫學，二來又可以在遊戲當中訓練到群組等等的團體精神，共同做好一件事，實在係一舉幾得。