20170613 郭博士: 公告開心特獎遊戲

erict

　　玩過一輪，長期對住手機，眼都花。

　　如大家玩得耐，要考慮護眼。

郭兆明博士 - 保健 - 明目妙法
https://www.youtube.com/watch?v=75Q36BxAujM

erict

　　小弟玩過一輪，估計要做到兩點或有可能有高分：
一，最後至尊結牌，小弟玩過一舖成百六分。
二，估計要由頭LEAD到尾加上大牌例如寶子或至尊結尾至可能有高分。

　　另外，估計要可能連續贏五六十舖至有機會去到四五百分，目前小弟最高就係至尊結尾果舖。

erict

　　目前算係個人最威水係呢舖。

erict

容燥兒 發表於 2017-6-25 06:35
Erict網友：

我都想請教，如何打到160分咁多。

　　非常好彩。有一舖遇上超靚牌，又剛剛食到個形勢，類似記憶中係雙天一地一人至尊加一兩隻細牌，就晒副牌出，至做到，非常好彩！

erict

　　再加上係之前連贏大約十一二舖加上撞到有超靚牌至做到。

erict

　　小小分享。
　　如果想取得高分：
一，我發現如果令其中一家乾炒，電腦計算會有較高分。如果乾炒兩家，更高分。相反，如果你結到牌而其他三家都有一楝或以上，會低分甚至分數或會比之前一樣。
二，正如之前發現，如果結牌係天九，地八，人七，鵝五，甚至寶子及至尊，又配合其中一家甚至兩家乾炒，更高分。

erict

chriswong 發表於 2017-6-30 18:01
我玩就只留意到細雞及至尊先有加倍數。

　　如冇記錯的話，尾牌大雞擒細雞，擒正賠四倍。

erict

　　約三連庄，乾炒一家，有五楝，40分。
　　約四連庄，乾炒一家，有六楝，55分。

　　第一舖贏，有三楝，其他三家都有楝，我至尊結牌，20分。

erict

　　忽發奇想，其實Dr好有心。個人估計，佢係非常含蓄的借用玩天九，非常轉接告訴你如何應付發展一日千里的世界變化，特別係AI這層面。

erict

　　個多星期玩天九我見：

一，實用攻防戰－－要兼顧文武子平衡又要贏到最後一擊，非常不容易。要知道以一對三，人家比你多三倍兵力，如何力挽狂瀾，要步步為營，一行錯，玩完。玩天九，一行錯，隨時可以重頭來過；人生，一行錯，可能不知道何年何月才有機會捲土重來。

二，似是陰陽之道－－玩天九時，想到有時處事做人，也應有兩套功夫，特別係對別人。硬橋硬馬，嘢嘢都show手瓜，如果對方唔受，硬碰硬，盞嗌交收場；反之，溫柔一點，靈活一點，每每有奇功。特別係遇上對方明知受軟不受硬，而你又正所謂托咩都唔識轉膊，雙方面隨時反面之餘，你做的事情又冇果效，晒時間心機。

三，互動式沙盤堆演－－唔好睇少呢八隻牌，每行一步，對方都有三份牌對付你。你每行一步，似乎程式內都有辦法令你行錯牌。感覺上程式好似金鐘罩咁，但一定有罩門搵到，係我過去個多星期觀察到，當然我冇辦法證明是真是假。但似乎有幾個情況似乎係咁。

　　退一萬步睇，似乎程式知道你有咩牌，出過咩牌，而程式三份牌合力鍊贏你。所以，不斷出牌之時，看似無關，其實可能因應你出牌而互動。

　　最後一點，我觀察到程式可能預設咗每次出牌，不論是文子或武子，一定要出最大果隻牌，即係冇留招。例如你出地，如果其中一份程式牌有天，一定要出天。所以，如果依此路數而又係真的話，或者可以為大家增加勝算。