如果馬會開盤，重槌林鄭

erict

alexwush 發表於 2017-3-25 19:58
做善事應該擴大，歡迎網友賭side bet，唔好做堂邊鶴(不過堅持博士做球證先開波) ...

　　我又玩。但小弟無咩銀兩，我賭薯或胡官片贏。如果薯片或胡官輸，我捐$108去東華三院。

　　數學上三分二機會贏面，民意方面全城盡屌妖娥，經濟上如果妖娥贏，國際評級極可能再調低香港級數。純賭三方面，可能一人一票都驚各方面因素，帳面損失以千億計。

　　如果我輸，有講有做，即捐$108再PO上網，速磅，唔會兩頭望。

erict

　　真係唔知邊個滲沙紙老點薯片佬搞呢D。大陸佬靠呢樣嘢起家，民意呢兩個字比任何人都清楚。薯片佬又當真嚟玩。

　　雖然我對薯片佬非常麻麻，但對比妖娥，真係兩害取其輕，但薯片佬條team有D人一下就係天真嬌，一下就係滲沙紙。

http://hk.apple.nextmedia.com/news/art/20170325/19969684

erict

　　博士講得啱。同一鼻孔出氣，即使入閘被拋棄，仍然衰衰咁跟隨路線。佢如果當日入到閘又贏到，你仲大X鑊。

http://ce2017.appledaily.com.hk/articles/1_56479253

erict

　　願賭服輸，有講有做，即捐。其實有留意的話，無可能係雙冠軍，呢$108我捐梗。薯片佬做，果抽荔枝千絲萬縷；胡官做，根據博士講，無大氣，亦未必會搵到大陸笨七，香港經濟方面未必有好轉，可能住屋方面或會令草根市民有樓可住；而家呢個，更加唔使講。

　　呢$108已經化咗，化香港所有有善心的人捐，希望大家自求多福。

　　不過，我非常相信，如有日日唸祝福文，日日行善，懂初中數學，又或者識多兩錢雞腸，香港地，有幾個舞台幾乎日日可以比你發揮，就係睇吓你有無觀察力，擺到明係ATM。

erict

　　事後檢討，薯片佬撈官場三十幾年，經歷港英及中國兩大政治圈，係天真定係無讀歷史？

　　當年共產黨就係得到大量農民支持，再激起各地農民，所謂農村包圍城市，處處有動作。原理上，上周五搞大會，斷估唔會即慶，快極都要有三幾日籌備掛？係佢天真到而家真係搞英美式選舉？還是有個九流師爺皮比塊蕉皮跣佢？

　　你call到幾千人去中環，呢個畫面是否似曾相識？係咪好似兩年前九月二十八號？

　　可能，如果唔係搞呢科嘢，一人一票仲會有機會比你做，但你呢舖call到友，以為而家喺澳門玩德州撲克，晒籌碼？

　　呢期真係用屠龍刀切生果。個個大陸佬嚟香港，次次都有十九幾尺咁高嘅水馬，你一上車，萬人擁戴？

　　另一可能，佢一早知輸咗，出到最後一招遊街，晒籌碼，比個signal上面，我有香港市民支持架？無論邊一點都死。

　　薯片佬真係無讀熟中國歷史書兼天真。但點都大概睇過不少大陸歷史劇例如康熙帝國或雍正皇朝掛？咁天真嘅？