20161229郭博士開示【給年輕人的提示】

erict

　　確是好主意。一來做任何都有成本，特別是交易成本，十萬銀買間屋，一來有自己安樂窩，而家陣係咁意租間樓都要起碼八九千，劏房平極都要三四千。二來如果一個唔該拆樓，又可以馬上打尖排公屋，對比而家好多新移民來港密麻麻排隊，用十皮嘢成本，合法打尖，可守可攻（雖然不算是有大志的方案，但純以策略計算，卻是奇兵一路，短中取長）。三來，個人一定，不會企在浮沙之上，心裡就非常踏實，起碼唔會心荒荒，籌謀事情都可以長遠一點，不是朝種樹，晚收割。
　　如果地方大一點，又可以試做之前介紹的A4紙種芽菜之類，利己利人，同樓上樓下打好關係，惠澤下社群，因為，始終有一點風險，就係如有人告發，要拆樓，處理人際關係，互惠互利始終係最好的潤滑油。而昨天博士的止學，就是求之以和，大家一團和氣，而樓上樓下又唔係有過節，大家一人讓一步，相信可達至和諧。即使來一個萬一，唯有入住公屋，整體上都唔見有蝕底。

　　說出天台屋的我見及分析，不在於看到天台屋之可為，而是博士帶出天台屋之事，學到一點看事情，處理及埋尾，實在得益不少，多謝博士。