人人有工開

erict

　　曾聽Dr講，將十九區各地某些空置地方，限時限刻騰空出來，任由各市民擺賣。只在合情合理又不阻交通及潛在各危險事的情況下，人人都可使用。

　　今天，喜見胡官實行此策，在墟市節，為小市民提供多一個搵食空間，誠然是樂事。

　　好多年前，聽過光明頂，陶傑講：點解英國咁多人才？要金融有金融；英國賽馬更是全球重要場地之一，一場賽馬，牽涉以億美元計投注，英超英甲更不在話下，一場波分分鐘以十億歐羅計。另一邊廂，要正經有正經，牛劍兩大學府，舉世聞名，包括大陸香港高官，無不拍膊頭打關係，企圖將子女入讀英國名牌大學。要古怪有古怪，英國有不少另類樂隊，例如愛爾蘭The Cranberries，以獨特唱腔見稱，嚟到香港，王菲抄到足，改編Dreams為夢中人，擺上大枱，一炮而紅。凡此種種，足證如果係一澤活水，不斷流動，人人有工開，對人對己一定係好事。不過，如果遇上綠林好漢搲封利是仔，呢點就真係要諗諗。不過，問題不大。

　　如果民間有不少高手，哪怕係心口碎大石，甚至類似以前在廟街見到擺一個疑似虎爪，賣虎骨木瓜酒亦得。只要擺檔之人心存正氣，正派，憑其手藝，一定有出頭天。即使無，搵餐晏仔亦可以。

　　當大細超日日講官到無求膽自大；當鬍鬚仔千計萬計，千算萬算，算埋算埋阿婆阿公生果金；當果個亡口日日掛住改slogan，胡官已擺出可行又惠及七百萬人的方案，邊個堅係做實事，睇得非常清楚。

https://www.facebook.com/wookwok ... 690/?type=3&theater

容燥兒

睇到最後果段，我真係諗到。

幾多人都係靠街邊擺賣，挨大對仔女。
重有果個係一個修羅場，培育幾多商場好手。

宜家封哂啲人揾食空間，同埋又釘死咗香港人輕鬆同娛樂的地方。無癮。
所以真係要嘔返啲地方出黎比人可以自食其力，發揮創意先得。

但我強調，要唔好搞到人。
因為太過份，真係我連回家的路都無。
塞死哂了，所以留返多少路比人行下好呢