工作前途的抉擇（望郭博士及網友請教）

wu_peace

* 給所有搵工者的溫馨提示：

見工面試後，若遲遲未接到任何受聘或落選的通知，也應主動禮貌地致電查詢一下結果，以免像focuswise兄此次的失之交臂！

Goonerstar

今晚與幾位老闆/ 專業高層級朋友飯局，席間閒聊起你個故事，一半人話你要諗清諗楚，唔好隨便得失人衰個跺。 "...咁大間公司咁多賤人點會咁易比你發到圍丫傻仔，千金難買好老闆呀(如果佢係)..."； 另一半話駛Q諗咁多，反正點都要得失其中一個，"...走咁大段冤枉路都比翻個機會你，蘇州過後無艇搭呀傻仔，自摸八番都唔食咩？ 公司仔撈幾個月先發覺唔走人又好有義氣呀! 咪傻啦，咩環境呀..."。 眼住班友講到d老土韓劇三角戀：究竟揀佢愛你多d但訂左婚既somebody，定係你深愛既宋慧喬？ 廠佬M都心水清，"...似乎唔係A定B，係衰心軟面皮薄又怕難為情，自尋煩惱。 我趕唔切船期出貨，衰左咪打比個客解話差唔多囉，好碎料。 飲茶灌水耍個，整多盒半島嘉麟樓乜都夠喇，打工仔咋？ 個苦主聽落都幾顧家，問下老婆相量下仲實際，條路點行都好以後一條心一齊打拼就得喇...."。

有得揀都要煩，做人就係咁得意。 點都好，諗太多反而不妙，食得咸魚抵得渴。 你都好誠懇，所以有咁多人樂意分享意見，唔同角度但好中肯。 keep住呢種態度解話，兩位老細都唔會難為你既，放心喇。

漢賢

我好幾年前都大約試過係咁，我同第二間（債務風險管理，計債務風險）講，我應承咗第一間（水務公司，份工要研究幾時換地下水管），我唔係太想break promise，除非你加多我十萬一年啦（因為其實我係底過市價起碼十萬），咁我容易解釋，結果佢真係加咗，咁我同第一間講，咁第一間都好明白，都唔駛再點解釋，不過我係第二間都做得好唔開心，但我又學到好多，所以好多事情好難講，重要睇同人夾唔夾

不過我係外國，國情或有不同，只作參考一下

Kevin

我也是過來人, 2005年考到牌, 算是師兄, 以我聽了博士咁多節目, 及當面請教過他很多工作問題, 其實眼前你2份工隨便你喜歡一份都可以做, 因為機會時時有, 當你有野做緊時, 時機成熟, 又會去再找其他機會, 到時可能有5-6個OFFER, 你現在只是選擇AUDIT 與COMMERCIAL的出路, 這與你的選擇有關, 我當年決心走出AUDIT FIELD, 出去上市公司做, INHOUSE的會計, 捱幾年就可以任你在其他上市公司轉來轉去, 無論工廠, 地產, 電子, 製衣我都做過。我認為你已行了最正確的一步, 就是努力考到牌, 這已經是比其他人好好多。何況我很多朋友考了十幾年都未考到牌, 一樣有穩定的工作。香港是全世界最健全的金融體系地方之一, 你不仇沒工作, 現在只有4萬個會計師, 香港點只4萬間公司, 所以學博士話齋, 什麼都要做。你現在其實是有選擇下煩惱。所以你喜歡哪一份就做那一份工就對了

Kevin

在AUDIT FIRM出去做上市公司, 第一時間很難坐正的, 因為你冇COMMERCIAL 的經驗。

所以我提議你把心一橫, 轉去做上市公司的會計, 無論高中的位都要做, 上市公司人工不會比會計師樓差。 因為我知道你的問題, 現時在你眼中只有AUDIT FIRM與會計服務公司的世界, 沒有經歷過其他環境, 想當年小弟又去大陸, 台灣的機械工廠,紡織廠, 地盤 踎過, 你以為做會計只係坐在寫字樓? 以現時香港的稅制怎樣利用澳門地方來避稅, 你們在會計師樓都學不到。所以要學博士講, 盡量虛心學習, 不要怕蝕底, 有工作就全心全意做, 有機會就再找。 如講博士那套學問來配合你會計的專業, 就是多念祝福文, 多做慈善, 心量大了就能觀察多角度的環境, 到時你會覺得機會處處, 所以做會計千萬不要鎖住自己的眼光, 就是學博士說的, 不要著相。

focuswise

wu_peace 發表於 2016-8-9 00:44
* 給所有搵工者的溫馨提示：
見工面試後，若遲遲未接到任何受聘或落選的通知，也應主動禮貌地致電查詢一 ...

多謝wu_peace
其實interview之後3,4日，我有send follow-up email俾audit老闆。
3,4日後，係jobsdb個website，我見那間audit firm再出同一個recruitment post。按以往揾工經驗，如果見完你，之後再出recruitment post，即表示你己經落選了。
我於是send 個thank you letter俾佢，話雖然唔係你preferred candidate，但都多謝佢花時間同我面試。
隨後，他email覆我是一個good candidate，但公司要due process揀人手，再出recruitment post是想加大pool of choice，如有result會通知我。
我回覆話多謝佢這番話，並請求他無論請或不請我，都可email通知我。
但過了4,5日，全無消息。而係jobsdb個website，間audit firm第三次出同一個recruitment post。
我心想，之前話我係good candidate/pool of choice，多數都係客氣說話，是捥拒之意。
所以，我便去找其他工作。之後發生的事，便是我那post所述。

focuswise

Goonerstar 發表於 2016-8-9 02:33
今晚與幾位老闆/ 專業高層級朋友飯局，席間閒聊起你個故事，一半人話你要諗清諗楚，唔好隨便得失人衰個跺。 ...

多謝Goonerstar
冇錯，"有得揀都要煩，做人就係咁得意"。哈，做人真矛盾。
無論結果如何，有你地肯花時間睇我篇文，又用心俾意見，小弟十分開心，舒解不少內心的愁緒！

wozhuce

focuswise 發表於 2016-8-9 14:57
多謝wu_peace
其實interview之後3,4日，我有send follow-up email俾audit老闆。
3,4日後，係jobsdb個websi ...

focuswise兄

先謝謝您的分享。

我曾經“穩工”有個這洋的經歷。我在壹家咨詢公司面試，入到初試，培訓壹個星期之後感覺不合這自己，於是退出。期間認識了壹個同洋入到初試的人，交換電話號碼。

大概過了兩個星期，公司人事部打電話來再次邀請，大概說了“我們不需要找優秀的人，但要找合這的人，您就是這洋的人”類似說話來換留。當時我沒有答應說再考慮，隨後打電話給該同事，他說在我退出後不久也走了。那麼，我當時清楚了，因為新入職初試做我職位的人差不多走了，人事部唯有打電話找回之前的人鉤通，希望能有人來公司幫手。

雖然我的情況跟您不同，結合我的經歷和您所說，我認為對方壹開始沒有選擇您而另選他人（當然並不是說您能力不夠）。可能後來別人發生“變卦”之類原因，不在那公司工作，就再來邀請您，至於對方老板說面試後沒有留意到您的應聘信息，這個有所保留了。

您現時工作的公司，或者工作方向不是您所願，但從老板的招聘意願來說明顯要強過第壹間，再根據focuswise兄的履歷，有可能在該公司日後擔任要職，而您的意向似乎傾向第壹間公司。

總括來講，如果講日後上位和老板對您的重視程度，感覺您現時工作的地方比較占優勢。但如果講個人職業意願和工作方向，感覺第壹間公司系“您杯茶”，上位機會可能少點，但會令到您在該行業會越來越資深。

哪間公司好，哪間公司壞我好難比到意見，排除個人的情感因素和您訂下的承諾，以上就系我認為focuswise兄在兩間公司發展的趨勢。不知是否正確，但希望能給您慘考。

kytsui

轉多幾分工，就不會咁難決擇。