反思旺角暴亂背後

Goonerstar

我都好緬懷後生時老廟榕樹頭，上環大蹋地人頭湧湧的熱鬧日子。 N年前我都做過市政局，即使英國佬年代，policy都係流動小販死一個少一個牌，自然淘汰。 而無牌熟食小販都係無運行，不過傾向你識做時我亦識做，當然亦有個別趕絕例子。而大時大節一般理論上唔好咁過份就側側膊比餐飯仔你地食下。有牌小販係有規定邊度做乜野，無牌尤其賣熟食被管制亦無可口非。

隨著時代變遷，香港越來越富裕，學歷越來越高，工種選擇多左。 做小販主要係唔怕捱中老年同新移民，驕生慣養/ 幸福係必然新一代唔會做，甚至嫌佢地烏漕同阻街。 無王管流動小販被取締絕對應該，尤其做熟食。 我同意樓上網友，流動小販無疑要管理，新加坡管制更加嚴厲，但政府應該同時創做多點謀生空間給低下階層，例如善用政府街市或其他地方，以廉價租金支持佢地搵食。

但呢件事完全睇唔到有善心愛心，公義成份。 擺明係借故生事，齊自製架生，用大聲公講到明話選舉遊行唔夠幾多人唔駛通知你，未開始衝突已經起勢飛樽飛雜物向警察，跟住主動衝擊。 其後深夜湧現群眾完全有備而來，有幾個場口要不是有攝記途人主動相救，明顯會打死不幸被孤立警察。 此事件跟佔中完全兩回事，唔講係香港還以為以巴衝突，也太恐怖了吧。 689/ 中聯辦/ 建制派呢d垃圾當然係天殺，一單小事幹故意攪大，更放縱發展至如此地步，無疑是製造子彈set波比政府做野 ! 如alex兄所講屬實以後大家更加無運行。

香港房地產官商勾結，炒高民生必需品無人去圍誠哥貪曾；accumulator係四叔發明爆左煲無人圍佢。 而家人地肚滿腸肥，襪都著唔到，仲施施然散貨撤資，或者千億金孫百日豪宴，你死你地事。一個拜佛，一個學道.... 呢個係乜野世界？

superman

小販怒斥本土派借他們過橋
【on.cc 東網專訊】 旺角凌晨經歷暴亂後，晚上約8時，再有小販開檔，現場為旺角山東街附近一條横巷，約有六至七名小販推車仔開檔，販賣熟食，附近有警員巡邏，但未有干涉。一位不願上鏡的小販黃先生表示，「本土派淨係識搞搞震！」，他怒斥本土派搞亂檔，只是借他們「過橋」，阻礙他們做生意。另一位小販蘇先生指，本土派事前並無與他們商量，又認為他們意念出發點是好的，可是太激進。(路過)

wai_1430

我係度諗, 尋晚會否有 "大量人士" 刻意打電話到食環署投訴有人擺檔阻街, 到食環署執勤時, 這些人士可順理成章地搵到藉口攪事 ~  

Goonerstar

wai_1430 發表於 2016-2-10 01:39
我係度諗, 尋晚會否有 "大量人士" 刻意打電話到食環署投訴有人擺檔阻街, 到食環署執勤時, 這些人士可順理成 ...

有point 喎

goldenma

https://www.facebook.com/bryanyim2854/videos/10209026400763967/

moc

Goonerstar 發表於 2016-2-9 23:16
我都好緬懷後生時老廟榕樹頭，上環大蹋地人頭湧湧的熱鬧日子。 N年前我都做過市政局，即使英國佬年代，poli ...

以前做小販，囉架木頭車，勤力少少，有機會搬大舖，跟住買埋間舖同樓上。好多阿伯同老闆，就係靠買左間舖同樓上發達。

今時今日，比你開返小販，D樓同舖炒到咁貴，點買? 就算你好叻，開POP UP SHOP，一上舖，業主見你賺，租金CAP 到盡。上唔到舖，做小販，流動POP UP，就算你搵到錢，試下去銀行上會，睇下佢會唔會借錢比你?

窮富不均就係因為你老豆、老母有樓，下一代就會越黎越多樓。你無樓，好難。比你上到會，供到仆街，老左又無錢醫病，等死。

moc

我有另一個睇法。唔知會唔會係西環搵人扮本土派，攪亂曬。跟本689 同阿爺講，香港好亂，要多D維穩費。

你信唔信無端端會有咁多磚? D人又會咁熟路入邊度? 一早度定啦。

moc

Goonerstar 發表於 2016-2-9 18:08
此事並非表面睇咁簡單，不需要時空識咁高智慧，用一般sense合不合理來看都會發覺警方/ 搞事者兩邊都好大問 ...

你信唔信無那端端咁多磚???

moc

Joelee 發表於 2016-2-9 19:47
多謝佔中3妖，犯民及公敵黨「非暴力示威」的大話理論，教壞青年的惡果 。
相反香港愈衰愈亂，台灣更怕中國 ...

緊係唔係啦，如果有著數，BENNY TAI 都唔會出黎鳩UP 話暴力，唔係和平理性。之後西環D維穩費就穩袋。今次周融又唔知準備收幾多百萬。

wai_1430

moc 發表於 2016-2-11 17:39
我有另一個睇法。唔知會唔會係西環搵人扮本土派，攪亂曬。跟本689 同阿爺講，香港好亂，要多D維穩費。

你 ...

個人感覺冇咩可能, 按你既推論成立, 而家政府捉左個幾十個暴徒, 當中一定有部人係受西環指使, 到法庭判佢地坐監,  呢班人真係偉大到唔會爆大鑊係受指示做嘢?!