我真係見過乜乜乜！

yinkk

由好鬥陸捌玖開辦的「角力書院」，雖一再被踢爆涉偽造文件，令博士生提前畢業，吸引無數客仔，至少17名警務人員涉嫌知法犯法，透過「角力」報讀文學藝術系，期一改黑警之負面形象。
陸院長還靈機一觸，搞「創科」，「創立新學科」，令報讀者更有興趣，他掠水更易。日前與創科顧問，外號「陽萎雄」之雄伯「孖咇」出席論壇，雄伯乃資深藝術家，向以「口水功」馳名，擅於吹水還有一招舔口水為手機開鎖技驚四座。
「我想鼓勵大家，做第八藝術，我同嗰啲專家，哦，係艷星，有邊個見過狄娜？未呀可……」雄伯一臉甜蜜，無限亢奮地用右手指一指自己鼻哥：「我見過！我仲見過余莎莉、劉雅英、陳萍、艾蒂、胡錦、彭丹，我真係見過！第八藝術真正有兩大優勢，一個尺碼，一個平台，即係牀……」
吹水唔抹嘴，陸院長小器，豈容馬仔功高蓋主？即時拍拍他大腿示意收聲：「狄娜佢哋見唔到呢，好遺憾！不過我遲啲會請葉子楣食飯，再約你哋飲茶──」
客仔見此「創科」咁out咁老餅，心知老千扯貓尾賺回佣，所以不肯落叠，臨走挑機：「兩位耆英，我哋想見橘梨紗、櫻井步、白石茉利奈、波多野結衣，有冇料到？」



李碧華

容燥兒

波多野結衣
行過地鐵，某商場show有請佢做電玩推廣。
可能㘣到文中果位仁兄，少少夢想。

政府，好明顯變咗罪犯治港。
抽水揾著數，賺錢。同儲錢著草。
香港人，自求多褔。