北京市推共有產權住宅

panic_lau

請教博士及網友，認為呢招對解決香港住房問題行吾行得通？https://m.facebook.com/story.php?story_fbid=716894895169248&id=186040714921338

【設租售限制】
【北京市推共有產權住宅】

北京市住建委就「共有產權住宅」，公開收集意見。

在新計劃中，市民和政府共同持有房產的單位，這種房屋的價格會和市價一樣，只不過部份價格由政府來承擔，並由雙方買樓所付的金額來計算房產比例。

方案只限於有北京戶籍但沒有樓的人士。

當局會對租賃和出售設下條件，方案還提出，今後新入市銷售的項目，都將執行新的共有產權住房規定。

＃有線新聞　＃北京　有線中國組　＃共有產權　＃住宅　＃戶籍

erict

　　個人認為，剩係講產權，已經好麻煩。一來講大陸所謂產權，不如講拳頭個拳，大把丁子戶，有辦你睇。拳頭大果個話事，再加埋地方勢力一個人說了算，有時，上情不能下達，真係有好多灰色地帶。

　　即使搞掂晒以上問題，都係有好大機會口同鼻拗。因為，一唔啱瓦，要兩個人一起簽約至有效。講緊以百萬計資產，世上有一種人專門玩鬥氣，為拗而拗，係唔簽名你點先？奈佢咩何？再講，如果去到拗，始終都係去到對上拳頭問題。一百萬樓，蝕賣七十（有七十已經執贏），賣比某君，原來係打籠通，再轉售百四。如果唔賣，又可能會有香港某個牌頭，可能係春秋戰國時代用火牛陣起家果個姓氏玩嘢，到時你點搞？又放蛇，又裝修，又成日有三幾個公仔佬日日兇神惡煞楝喺門口，點算？

　　香港都尚且如此，向北望，我就唔樂觀喇。

容燥兒

當然好。

上大人肯指林鄭推行，都算德政。
起碼啲人有返做人樂趣先。

如果餐餐為五百尺地做人，真係慘過死。