精人出口，笨人出手

erict

　　果兩條扮港獨友仔一個斷正，睇個相成個馬騮頭咁，諗都諗到係古惑友，仲有類似牛津定劍橋收你讀個短期課程，D死鬼佬驚你唔死，另類因為搞事有獎，真係陰毒；另一個搜到直版銀紙53萬加偉哥等等，仲據說剛剛大學都好似唔知畢業未，住service apartment，講緊兩三皮一個月，又唔係自己有生意大賺之類，稍為用個腦諗吓都會問，錢從何來？佢兩個就未判，而家呢三個後生仔先判三碌。

　　另一邊廂，某冷貓光頭佬一句讓磚頭飛，成班友照跟。你有你讓磚頭飛，佢選完輸咗幾乎環遊世界去旅行，不知幾疏乎，而家就轉牌頭運動救港喎。呢條反白眼，耍兩片咀皮，你班友就領晒嘢。有事呀？四個大字喇，彈開D，唔識你，你有事關我叉事咩？

　　如是因，如是果。有去過參與暴動，自然會找數；但大好青年，比人哄兩哄，就係咁，個案底跟你一世......唯有講句，小心做人。出來社會做事，諗清諗楚至行動，唔好做笨人。呢三條友真係慘，真係以前即使行古惑，衰咗都有些少安家費幫補吓，雖然D安家費有無比人打斧頭就係另一件事。但而家搞到咁，一有事，成班所謂同路人個個時運高，同上次果個四眼仔一樣，叫天不應，叫地不聞，在另一層面睇，真係慘。

　　回想起王冠第六集果個瑪嘉烈公主，同佢哋一樣，比人哄兩哄，讚你兩句，再加一加同概女僧的同，就做咗笨人出手。世間太多呢種陰濕友，真係要小心，否則真係死咗都唔知點死，由頭輸到落腳。好多人都完全唔了解：苦口，其實係良藥。

erict

Perry 發表於 2017-3-17 16:12
可能太無聊煲得太多劇，或者戯，古惑仔電影，上腦了，自以爲人強馬壯，
蒙了面，做坏事情就抓不到，邪惡， ...

　　如果真係睇好多戲，點可能唔睇色戒？

　　話說點果幾個大學生深入偽政府，比果個唔知咩主任洗腦一番。而一見事敗，個主任在戲院走先，最好閃果一個。而果五六個大學生，特別係留意一臉戇直嘅王力宏，一直信以為真，而唔係先評估形勢再伺機而動，害死自己都算，仲害死埋對佢有意嘅王佳芝。唔先考慮自己係咪有實力而能成功，最後出事，呢D可能就係保護不了別人，亦保護不了自己。

　　而家你睇，當日講到七情上面果個唔知咩主住，似唔似又係當日講到七情上面個冷貓光頭佬？一有事，光頭佬去旅行疏乎，遊山玩水；你有事？拿拿聲彈開啦，關我鬼事咩？咪阻住阿叔呢期運動救港。

Perry

可能太無聊煲得太多劇，或者戯，古惑仔電影，上腦了，自以爲人強馬壯，
蒙了面，做坏事情就抓不到，邪惡，天真，愚蠢。 現在該要醒覺了。