香港真係好多謝你喇

erict

　　據說在公開場合用粗口罵人可能犯法，如果真係犯法而警察面對此情況，可以執法。香港不是法治社會嗎？警察隨時可以按法例做嘢，犯法者食得咸魚抵得渴。

　　但就不能用呢個做藉口，仲要係七個濕一個，踢波咁踢，仲要有某D傳媒忽然唔見咗段片。而家判咗，就下巴輕輕，話如有幫助，可以捐多少。呢D擺明就係抽水。

　　香港真係多謝你喇，用呢種偽邏輯思維諗嘢。如果跟你個邏輯，早十年巴士阿叔都講你有壓力，我有壓力為先，再有其他弱勢家庭為口奔馳，或有家暴等等，咁樣即係話 人人大有藉口做其他可能犯法的事？如果係咁，阿葉太日日打開份報紙，個個有事你捐十元都捐到你乾塘喇。香港真係好多謝你喇。

http://hk.apple.nextmedia.com/realtime/news/20170218/56321356