反思旺角暴亂背後

wai_1430

我係度諗, 尋晚會否有 "大量人士" 刻意打電話到食環署投訴有人擺檔阻街, 到食環署執勤時, 這些人士可順理成章地搵到藉口攪事 ~  

superman

小販怒斥本土派借他們過橋
【on.cc 東網專訊】 旺角凌晨經歷暴亂後，晚上約8時，再有小販開檔，現場為旺角山東街附近一條横巷，約有六至七名小販推車仔開檔，販賣熟食，附近有警員巡邏，但未有干涉。一位不願上鏡的小販黃先生表示，「本土派淨係識搞搞震！」，他怒斥本土派搞亂檔，只是借他們「過橋」，阻礙他們做生意。另一位小販蘇先生指，本土派事前並無與他們商量，又認為他們意念出發點是好的，可是太激進。(路過)

Goonerstar

我都好緬懷後生時老廟榕樹頭，上環大蹋地人頭湧湧的熱鬧日子。 N年前我都做過市政局，即使英國佬年代，policy都係流動小販死一個少一個牌，自然淘汰。 而無牌熟食小販都係無運行，不過傾向你識做時我亦識做，當然亦有個別趕絕例子。而大時大節一般理論上唔好咁過份就側側膊比餐飯仔你地食下。有牌小販係有規定邊度做乜野，無牌尤其賣熟食被管制亦無可口非。

隨著時代變遷，香港越來越富裕，學歷越來越高，工種選擇多左。 做小販主要係唔怕捱中老年同新移民，驕生慣養/ 幸福係必然新一代唔會做，甚至嫌佢地烏漕同阻街。 無王管流動小販被取締絕對應該，尤其做熟食。 我同意樓上網友，流動小販無疑要管理，新加坡管制更加嚴厲，但政府應該同時創做多點謀生空間給低下階層，例如善用政府街市或其他地方，以廉價租金支持佢地搵食。

但呢件事完全睇唔到有善心愛心，公義成份。 擺明係借故生事，齊自製架生，用大聲公講到明話選舉遊行唔夠幾多人唔駛通知你，未開始衝突已經起勢飛樽飛雜物向警察，跟住主動衝擊。 其後深夜湧現群眾完全有備而來，有幾個場口要不是有攝記途人主動相救，明顯會打死不幸被孤立警察。 此事件跟佔中完全兩回事，唔講係香港還以為以巴衝突，也太恐怖了吧。 689/ 中聯辦/ 建制派呢d垃圾當然係天殺，一單小事幹故意攪大，更放縱發展至如此地步，無疑是製造子彈set波比政府做野 ! 如alex兄所講屬實以後大家更加無運行。

香港房地產官商勾結，炒高民生必需品無人去圍誠哥貪曾；accumulator係四叔發明爆左煲無人圍佢。 而家人地肚滿腸肥，襪都著唔到，仲施施然散貨撤資，或者千億金孫百日豪宴，你死你地事。一個拜佛，一個學道.... 呢個係乜野世界？

alexwush

http://hk.on.cc/hk/bkn/cnt/news/20160209/bkn-20160209173941787-0209_00822_001.html
【on.cc東網專訊】 旺角暴亂過後，有組織及網友繼續在網上吹雞，趁今晚舉行新春煙花匯演再次發起行動上街搞事，形容:「尖東今晚放煙花，需要大量警力維持秩序，所以要食魚旦(蛋)，今晚係好機會。」表明行動目標是「捉警察」、「打記者」，更列出多點緊急動員的注意事項，提醒有關人士在行動中要有「足夠裝備」、「記得遮面」、「以武制暴」等，直指大眾市民點睇已經毫不重要，他們根本不需要市民認同云云。

WhatsApp則流傳今晚行動的15點注意事項，提醒參與行動的人士「唔好將任何光環比任何組織住，會出事」。而在行動中穿過的一切衣物用具，亦要全面銷毀，「所有影片必須Backup(備份)」。有關WhatsApp更提及在旺角暴亂中，「今次有試捉差佬，但未成功」、「燃燒汽車失敗」更指有記者現場幫警察，因此今晚行動會「捉警察」、「打記者」；建制派亦成為目標，「民建聯Banner係拎黎(嚟)燒」。

想迫老解出動?

superman

以上幾篇文章話就話遣責使用暴力，但都係一句起，兩句止! 其實將主要責任推俾其他人，博士都話年青人千祈不要參與犯法行為，會唔會現時年青人讀書多了，但更多經常上網通宵打機，打到讀書係多咗，但個人仲蠢x咗呢？（路過）

大樹人

今次都未等博郭大師開題，巳經好好反應。

真係第一次見。

係咪要安個題，

如果你係香港政府，點樣為呢件事埋尾呢?

大樹人

今日同人傾開計，吹水咁答人。

話政府，有三分一係無間道，三分一到係做嘢嘅人，三份一係頂住人做嘢嘅人。

咁香港咪仆哂街囉。

呢啲情況，唔難見，一間公司都有咁㗎比率。

如果唔係，小販咁㗎傳統慣例，係本土香港人都知唔使理啦。有咩道理唔比人放假，落去趕佢走呢。

Joelee

多謝佔中3妖，犯民及公敵黨「非暴力示威」的大話理論，教壞青年的惡果 。
相反香港愈衰愈亂，台灣更怕中國收回，金主開心，黑金政棍就發大財，
大壯棍還可為暴徒申請法援慢慢打官司，每場30多萬，發達啦 ! 傻瓜們，沖啊，殺啊，
我犯民及公敵黨就發啊 ! 等天收 !

伺尋喜樂

呢場暴動先唔好講呢單野背後係乜野人所為，同埋意圖係乜野。

我淨係記得九七回歸前，小販管理隊一般都唔會係年初一二三返工。小販在呢幾日擺到成行成市，十分熱鬧。而呢幾日都唔會有市民商戶投訴阻街，因為這幾日人人都知道係新年普天同慶既日子，比人發下新年財，大家開心下，有何不妥?

但回歸之後，尤其係近一兩年，食環署好似上左身甘。不只剛剛過去的聖誕節在尖沙咀海旁集齊人馬，拉賣聖誕節燈飾的小販。連農曆新年食環署都無得放假，要到大小公共屋村拉小販。搞到前線食環員工無得過新年，我地市民又無哂過年氣氛，更加比一啲存心想破壞香港的人有機可乘，大年初一搞返場暴動。

社會係需要一些空間比人轉身，而唔係下下跟規矩跟到盡，連少少轉灣餘地都無。

其實食環署在旺角花園道市政大廈不是有很多街市鋪位空置嗎，為什麼不在農曆年間租給人做臨市新春攤位呢?仲有波鞋街隔離個旺角球場呢?點解唔比人入紙申請擺下年宵呢?(雖然個場係康文署既。)

可見宜家的政府人員淨係識跟條文做野，條例容許小販管理隊拉小販，於是就乘大兩倍人手，新年流流逐條屋村拉小販，以為甘就叫做到野。

希望各位在香港的政府官員，拿出自己的良心。香港呢個地方養育你地成長，你地唔係因為想月月準時出糧而對一些矯枉過正的政策視若無睹吧?

Goonerstar

此事並非表面睇咁簡單，不需要時空識咁高智慧，用一般sense合不合理來看都會發覺警方/ 搞事者兩邊都好大問題。

年初一晚？旺角九反之地？藉口幫小販所以要用這種低級盲動/ 無理衝突/ 為選舉遊行？實在講不過去!

所謂本土的郁民藍衫軍黃洋達等等之不之所謂講都無謂講。但其支解泛民，騎劫民主之動機能力算是成功的。 只怪泛民無料到，香港人的政治頭腦質素也不過如此。為小販發聲支援？你信以後同一批人會為他們用合理方法持續幫忙嗎？ 衝突開了個頭，其後的發展，撇除食花生無聊友，腦殘"本土"支持者/ 廢青之外，好有可能就是受薪古惑仔/ 蒙面做事刀手。 其做事手法/ 狠勁不是一般大專學生/ 廢青會做能做的。對警察往死裡打？放火？別講笑喇。背後金主是誰？人民幣？那邊的？why？

最初朗豪坊的對峙，警方人手部署好有問題，頭重腳輕，撞散激怒那幾十個人之後，what next？其他位置對應的人力手法並不能驅趕制止任何人，反而令當值的警員處於極其難看的處景，亦令局面看來很失控。是有關當局需要這種鏡頭嗎？如果誠哥/四叔/太古大班/嘉道理大宅等被這種形式對付，你猜警方十分鐘內會有幾多人力何種武力對付？

現在689連任機會大增。 建制派班垃圾大條道理立於道德高地之上，下屆立會選舉又打高幾章。這事件太juicy，李波等人事件將被淡。以後警方不論做任何事都可以正牌升級，像美國警方粗暴對待平民的事指日可待..... 此反智事件最大得益是誰？看來通過23條也為時不遠了。 已有很多人認為這是一件偽旗行動 (false flag)，哇木宰羊 (我唔知道)，但有人這樣想法是頗合理。

台灣大選民進黨大勝有黃安幫忙，看來香港這邊也有...