議員用兩皮嘢公帑買皮櫈坐，唔通坐撚完條腰直d - 天羅地網

[backcolor=rgba(255, 255, 255, 0)]立法會議員除咗每個月有八萬多元人工收，每逢買辦公室文儀用具，甚至枱櫈都可獲公帑開數，但當佢哋唔能夠連任，就要將呢批物品歸還畀立法會，公開畀新一屆議員同秘書處職員競投。我哋發現，上屆立法會唔少議員都大花筒「洗腳唔抹腳」，買電腦影音產品唔在講，更有議員豪花兩萬多元買一張皮櫈，唔通坐完腰骨會直啲？有議員甚至連打字機都買，納稅人啲錢真係使得冤枉。

[backcolor=rgba(255, 255, 255, 0)]立法會尋日公布，上屆離任議員需要交出嘅物品，一共有三百九十四項，呢幾百項物品真係「要幾趣、有幾趣」。大家估吓一個議員辦公室究竟有啲咩用公帑買？座枱電腦、手提電腦等硬件設備當然唔少得啦，咁多間議員辦公室總共有成百部電腦咁多。而打印機就成為最貴嘅項目，唔少議員一買就買部兩、三萬元嘅專業級打印機，其中一部仲要約四萬六千元，有咩文件要印得咁專業呢？唔通佢哋兼職開影印舖？

[backcolor=rgba(255, 255, 255, 0)]至於其他物品真係千奇百怪，例如有位好識歎嘅議員就大拿拿用兩萬多元買咗張皮櫈，相反其他議員買嘅櫈都係好平，例如一張高背大班椅都只係千五元，究竟呢張兩萬元「天價椅」有咩功能，真係得嗰位議員至知。亦有議員用咗一萬二千元買個儲物櫃，到底用咩物料做咁巴閉呢？

[backcolor=rgba(255, 255, 255, 0)]不過，最好笑都係有議員連屬「古董」級數嘅打字機都買，雖然只係千多元，但有冇咁嘅需要呢？另有議員用咗七千多元購買工業級嘅大型裁紙機，如果唔講，分分鐘以為佢開工廠添。

沒有更奇怪，只有更奇怪。有議員用四千多元買咗部發電機，甚至有人用六千元買咗個「輕便式活動涼亭」，一睇就知係議員做地區活動時嘅設備，呢啲工具又點算係辦公室開支呢？至於其他物品，包括空氣淨化機、抽濕機、吸塵機、飲水機等都有議員買。雖然佢哋冇得帶走呢啲物品，但物品始終係有折舊嘅，尤其電子產品，結果依家要賤賣，究竟散到幾多倉底貨，相信秘書長陳維安幾苦惱。
[backcolor=rgba(255, 255, 255, 0)]___________________________________________

[backcolor=rgba(255, 255, 255, 0)]立法會公布上屆離任議員需要交出供新一屆議員及秘書處職員競投的物品, 共有394項, 不少議員購置兩、三萬元專業級打印機, 其中竟有約四萬六千元專業級數貨色, 其他還有價值七千多元的大型裁紙機, 價值四千多元的發電機, 價值六千元的輕便式活動涼亭(應是小型的流動帳篷), 還有價值兩萬多元的皮櫈, 價值一萬二千元的儲物櫃,

[backcolor=rgba(255, 255, 255, 0)]皮櫈與儲物櫃說是辦公室用品還可以說的過去, 但議員用這樣的高檔貨是否慷納稅人之慨呢? 令人側目, 至於專業級打印機, 大型裁紙機, 發電機, 流動帳篷等等, 是否正規的辦公室用品及設施成疑, 從表面看來, 已脫離正常辦公室使用設施的範疇, 顯然是政治黨團攪大型活動所需的資源, 議員移花接木, 用公帑購置設備去支援政治黨團的活動, 涉嫌公帑私用, 公器私用,

[backcolor=rgba(255, 255, 255, 0)]審計處是否應查一查立法會議員辨公室文儀用品的開支, 是否有濫用公帑的情形, 撥款制度上又是否有改善的空間,

[backcolor=rgba(255, 255, 255, 0)]議員購置辦公室文儀用具, 原則上應使用在議員辦公室內, 為市民服務設施的開支上, 現今竟"殺出辦公室", 甚至有購置的用品與撥款準則不盡相符的情況出現, 但竟可以獲得撥款, 立法會秘書處變成橡皮圖章, 對議員的撥款申請有求必應, 未能嚴格把關, 是否有失職之嫌? 陳維安這個秘書長是怎樣當的?