天羅地網

標題: 搞不清狀況的後果 [打印本頁]

作者: erict 時間: 2017-3-12 23:43
標題: 搞不清狀況的後果
本帖最後由 erict 於 2017-3-13 01:25 編輯

　　以為得上任皇帝信任，就自覺是與眾不同；得公主垂青，就以為可以一登龍門；有公主撐腰，以為可以更上一層樓；即使外間爆料，足以動搖皇室威信，以為有女皇照得起，事情會過去；女皇特意安排公關之行，極力做好形象工程，以為就此甩難；出外做show，還不知收歛，意氣風發，一展靚仔醒目又俊朗形象；不分庄閒，北愛爾蘭之行，全程掩蓋女皇鋒芒；女皇也是人，特別是女人，被下屬掩蓋鋒芒，畫面盡是妹仔大過主人婆；最大鑊就係在機上竟然不分尊卑，直稱女皇乳名Lilibet，恃熟賣熟。

　　終於，女皇主動調派Peter外放布魯塞爾，即是另類放逐。詭異之處是，明明想幫你，但你不分庄閒，完全不知道有高下尊卑之分。幫你是人情，不幫你是道理。有好東西給你，你不珍惜，還好笑到由你來步步進迫，包括主動搵女皇吹水，仲叫已登位的女皇做Lilibet？呢D叫做唔醒爬。

　　如果呢單嘢係史實，阿Peter Townsend又識中文，睇過楊修之死，明白鋒芒絕對不能太露，明白見好就收，明白皇權尊卑，就算天塌下來，女皇一定同你力撐。家陣你完全搞不清楚狀況，女皇出到面撐你，你仲扮晒嘢，爭在未拍膊頭果隻，呢舖你仲唔釘？大佬，咁唔識做人，人哋給你滴水之恩，你非但不湧以泉報，仲以為係take it for granted，中文即係老馮果隻？喂，唔係掛？你貴姓呀？

　　王冠第六集，正正就係最好的做人或打工仔必看的一集，簡直係搵食聖經。出嚟搵食，人哋幫你真係人情，係你執贏，唔係必然；人哋唔幫你，因為唔係前世爭你，亦係道理。

　　誠意介紹王冠第六集。

http://8drama.com/183130/

作者: erict 時間: 2017-3-12 23:58
本帖最後由 erict 於 2017-3-13 01:27 編輯

　　深深明白郭博士之前有講，幫人即是幫自己。女皇面對家庭有事，也知道要救火，一力承擔。

　　Margaret遇上困難，只管騎馬發洩，非要吐一口烏氣不可；女皇遇上事情時，冷靜處理，足證當年King George選繼任人，沒有選錯。

　　女皇決定另類放逐Peter Townsend，其實是保護Margaret，因為自從叫女皇一聲Lilibet開始，女皇也許感到Peter Townsend不分尊卑，做人不知分寸，遲早會再出事。女皇這樣做，九成九是顧存大局。

　　女皇幫Peter Townsend解決問題，Peter又竟然因此而再放縱，撈官場咁多年都不知分寸，這人非常危險，難成大事。

　　最好笑係臨到被另類放逐時，還稱女皇大總管為Tommy，扮friend，死多二錢。即係話，呢條友自己死喺邊都未知。

　　做人不知分寸，真係可以好大鑊。

作者: 容燥兒 時間: 2017-3-13 00:39
謝謝erict網友的好電影推介。

作者: erict 時間: 2017-3-13 01:24
　　稍稍劇透，片尾至係畫龍點睛，足見導演及編劇功力深厚。

　　周末，Philip親王同老友出去Men's Club玩，並跟女皇說只是男人一起吹水。按道理，周六應是family day。女皇沒有說什麼，看著他出去，但眼神懷疑。如加入少少思考，男人老狗一齊吹水，無女人吹咩水呢？再配合之前Philip親王對某女待應的眼神，這就是不說之說。

　　或者因為女皇知道從不同事件中，知悉Philip親王知分寸，打從登位時跪下就知。或者女皇也明白圍死城池必有拼死反撲之理，所以，留一缺口，即係吊頸都要透吓氣，因為女皇可能都明白到那是逢場作慶，係零食，唔係正餐。

歡迎光臨天羅地網 (http://139.162.60.118/)