天羅地網

標題: 木方、玉刮痧板、按摩機 - 用後報告 [打印本頁]

作者: 郭輝 時間: 2015-9-16 14:47
標題: 木方、玉刮痧板、按摩機 - 用後報告
母親大人自幾年前登「六」後，行動上開始有些不便，其中可以知道嘅成因有兩點: 一) 以往嘅工作十分操勞，冇話可以成日坐低果種；二) 有跌親嘅舊患。

然而母親大人嘅性格偏向倔強，有病痛時，大都會獨自求醫，通常也沒有向家人表露任何痛苦嘅狀態或訴說什麼。更不幸嘅係，家裡面嘅成員，包括本人都好像看慣了母親大人那種行動不便嘅動作，甚至乎傾向那種「年紀大，機器總會有d壞」嘅觀念。所以，當知道她有間唔中睇醫生、食下消炎藥、搽下藥膏，便沒有上心留意她的病情走勢。

去年年尾，參加了郭博士辦嘅木方班課程，當日報讀嘅動機，都只係為了學多一技旁身，亦沒有抱著什麼志願去參加，更沒有諗過自己會有能力醫到什麼人。

然而無常事往往會不經意係生活中出現。今年五月中一個與家人嘅飯局中，察覺到母親大人面色上有種說不出嘅難睇，飯後經過一番查問後, 才得知她的雙腳都出現了骨刺症狀。

在收集一些資料及請教了一位前輩的意見後，本人便嘗試用木方、玉刮痧板、按摩機替母親大人做起推拿。大概由六月初開始，便每星期會回家兩次。及後也上了康富天地，瀏覽了用玉刮痧板美容方法，也就替她刮埋頭部與臉部。有時候, 也會順手幫父親大人推一推，當然也有叫他們聽話勤做平甩功及拍腳功保健。

其間，又碰巧聽到郭博士於好人好事節目中提及有一些專治骨剌藥，於是再到萬福再取一取經也順道實習一下木方。坦白說，本人從未替人做過什麼推拿，起初都未能拿捏到力度、手勢與姿勢，所以亦請教在場一些師兄師姊的心得，糾正了一些技巧。

斗轉星移，時間去到今星期一Lunch，抽空致電母親大人扮下孝順問候下兼吹水，對話中她竟然跟我說: 「昨天開始已沒有食過消炎藥﹗」呢一句話雖然微不足道，但心裡面真係令本人感到相當鼓舞﹗

當然，我十分理解母親大人距離康復仍有一大段路，但最起碼，知道木方這一套方程式是一種非常有效的治療﹗而我每次也會用手機替母親大人拍下一些照片作紀錄。上星期日，我整理好比佢睇番佢自己嘅轉變，佢都當堂嚇左一跳﹗然後係咁笑

Anyway，本人及本人母親均十分感激郭博士能授與這套木方方法及其他保健功課給大家，亦十分感謝方先生於早期提供對症方法及之後其他嘅實用知識﹗亦在此對網友們呼籲一下，細心觀察身邊的人，尤其是雙親，因為他們有病時往往唔會話比你知。你的一個小觀察，好有可能會及時將一個問題，避免再發展至一個不可挽救的地步。

順祝大家身體健康!

b4after.jpg (736.49 KB, 下載次數: 59)

作者: Fungwingsing 時間: 2015-9-16 16:38
好人好事,謝謝分享.

作者: ustmark 時間: 2015-9-16 17:18
有圖有真相!

作者: winto 時間: 2015-9-17 01:14
I can share happiness with you. Hope Auntie will get well soon.

作者: 郭輝 時間: 2015-9-17 08:12

winto 發表於 2015-9-17 01:14
I can share happiness with you. Hope Auntie will get well soon.

Many thanks, Winto!

作者: awah 時間: 2015-9-17 23:32
謝謝分享.

歡迎光臨天羅地網 (http://139.162.60.118/)