[求方法]失眠及樓上嘈音，嚴重影響生活及身心安寧

AlanYeung

自從去年開始，樓上新來的鄰居便經常在半夜發出躁音，住在我隔鄰的鄰居也聽到，於是我們打算以和為貴，上去找鄰居好好談一下，怎料他聽到我們覺得滋擾，態度變得囂張，還變本加厲（好明顯係人為的，因為有次夜返，我即管經過佢門口少少罅裝入去，首先聽到每晚一樣既聲，見到就係佢用木椅子有意無意搖來搖去，著住木底鞋行來行去）。

於是我們不論找管理處，警察，係完全無用的，因為佢地唔係立即到，往往一到又靜晒，反而比警察覺得我地玩野，管理處一句話樓層薄，係咁架啦⋯⋯
久而久之，而家因為晚晚比樓上嘈到訓得唔好，精神好差，明明唔夠訓，反而仲失眠，而且愈來愈多失眠，祝福文日日訓前再念都無用，樓上突然幾下Dup野聲，心都離一離，我訓唔好一件事，連母親都係咁⋯⋯

我問過律師同警察朋友，答案都係要搜集証據同証明對我地既影響，我覺得呢條嘈音管制條例係敷衍人的，根本佢講既檢控係好難實踐，上網一睇，原來有好多人都受到呢種滋擾解決唔到，更有FACEBOOK專頁成立反抗樓上噪音，成萬人加入，睇到大家經歷，大部份都係試過晒以上方法唔得，上庭又敗訴，申請禁制令都被對方玩野，有咁多人受呢種自私既人騷擾，竟然無一單成功檢控個案，証明呢條法例廢的，有網友建議用低頻音嚮反擊，但做法就無詳細交待。

想問博士及網友有何妙計處理這種情況？

kytsui

下次上去拍門問侯佢家屋企人就是。法律係在這個情況是無力的。公安都是上一上來然後關人隱事。

而家咁的時勢, 有空學多幾套功夫強身, 好過搵法庭啦。

AlanYeung

近期有上去鬧過，佢死唔開門，仲反而比其他鄰居問我攪咩

hkvcdso

1    要知道上邊有無小朋友或老人家住
2    要知道戶主或各成員有無精神問題
3    是鞋類或家私做成噪音
4    第一次見面已不和
5    果如有能力的就搬家
6    又不想暴力解決的話
只有第2是無法解決的、其餘的都有解決的方法....................

AlanYeung

1    住左兩個三十多歲的夫婦，佢果層既鄰居話佢有2個讀幼稚園小朋友，但近半年無見過
2    應該無，但佢果層既鄰居同我自己本身都聽到佢半夜dup完一輪石仔就開門出黎掉垃圾，次次開門關門都好大聲，一定聽到，鐵閘長期半開，木門長關
3    除左呢兩樣，仲有整跌重野落地既聲，有時重到成間屋都感到震
4    第一次上去拍門，我同鄰居絕對以好言相向，先問佢自己聽唔聽到，佢話無，然後我地話聽到咩聲，佢就賴話可能係佢樓上又話可能係水管，呢句就大話，頭先佢話無，之後又話樓上，樓上有聲佢聽唔到我隔兩層聽到？!跟住又話剛剛訓覺，咩都唔知，但我相信無人會晚晚開住鐵閘訓覺，之後又話可能係水壓喉管冷縮熱漲，同我同層隔離鄰居再重申話聽到佢傳出黎既聲，跟住條友就改口話可能半夜細路嘈，又好囂張咁講，MUD嘈到你地"咩"？咁我試下細聲D "LAW"，靜左兩個鐘，之後又嘈過，之後就警察，管理處，同交惡態度，但佢死唔開門
5    搬到一早搬左
6    知道法律幫唔到，真係有諗過暴力解決，有幾次present前攪到訓唔到真係好火，但諗到返工時佢會對我屋企人報復，又停左，但再無可用方法，我諗我會巔⋯⋯

chrisX9

以彼之道，還施彼身！

佢夜晚先黎嘈，日間一定在睡覺，咁就係呢個時候得閒上去大力拍門求大家互相體諒囉，
同佢講如果吾係大家以後都無得瞓架啦！小弟講下笑啫，萬事以和為貴！

醉客

買個籃球向住天花撞擊!!

cwcheung24

我鄰居都經常在深夜兩三時煮食，我也懷疑他們是否經營街邊的車仔宵夜檔，否則不會半夜三更炒公仔麵咁畸形！若我向房屋處投訴他們濫用公屋，他們必死無疑。

正當我想付諸行動之際，有一晚忘了關電腦，嘈吵的電腦散熱風扇聲反而令我呼呼入睡，不知是否風扇聲轉移了我的注意力，還是因為“風扇”聲是“自己”的物件？既然是“自己”的，那就不怎麼樣煩人了：)正如沒有會討厭自己的鼻旰聲。

又一晚，在床頭用手機播放著馬欣德尊者的講話，竟然又是不知不覺的睡著了，原來別人在床頭低聲說話是很容易令人入睡的，難怪小朋友都愛父母在床邊講故事。

但個人建議不要在睡前聽博士的好人好事，因博士的聲音十分醒腦，只會令各位觀眾更加睡不著：)

hkvcdso

AlanYeung 發表於 2014-12-25 18:00
1    住左兩個三十多歲的夫婦，佢果層既鄰居話佢有2個讀幼稚園小朋友，但近半年無見過
2    應該無，但佢果 ...

解決事件要
1要心平氣和
2要判繼形勢
3自身能力
4暴力同報複是不能解決問題的

從你回復的資料分析得出我的觀點？
1只有兩個小朋友的話、晚上深夜發出噪音的幾會就好微、最主要都是兩個大人？【老人家周事夜晚上洗手問唔多唔小都有噪音發出？甘就無能為力】
2無精神問題、是情就易的解決、次次開門關門都好大聲，你就不要理會他
3仲有整跌重野落地既聲，不是常常發生就不理他、有時重到成間屋都感到震、你有小小浮誇、最主要是你同他見第一次面發生定見面后發生的有好大關鍵？
4你第一次見面對方都有此小讓步的、可能你的語氣和氣氛今到對方反感才會做出的報複行為、而你又叫管理處同報警、重激起對方的報複行為、
5無經濟能力而處身下風的你做事就大意小小、激憤對方以後做事就辣手好多？
6 知道法律幫唔到又怕佢會對我屋企人報復、你又不能使用暴力、為一方法就是和解同認輸？同事改變自已的環境適應對方？
我重有些小見意？

AlanYeung

1·嘈雜聲係黎自兩個大人，無老人家，兩公婆都係三十幾
2.開關門只係小事，砸野先最影響，尤其靜晒果陣突然一下好響似用棍大力打瓷磚既聲
3.講咁多係因為比佢影響好耐，晩晚都有，感到震絕無浮誇，如果你試過身處工廠大廈，上層拉＂即＂車帶比下層既震盪就知震成點
4.我強調我最初態度係以和為貴，對方不妥協我先報警
5·如果第一次談判，以你高見，你會點同佢傾？
6·請問你呢句重點係?