本帖最後由 Nelsonlai 於 2015-1-3 16:05 編輯
警方9.28施放87枚催淚彈，被批評做錯決定，身兼行政會議成員的工聯會榮譽會長鄭耀棠力撐警方無做錯，指施放催淚彈是當時唯一驅散人群的方法，反問：「（警方）冇追殺人吖嘛，係咪？」他又批評學聯發起分期交稅等不合作運動「唔經大腦」。
學聯批評鄭耀棠說法荒謬，反駁是否要見血、死人才算使用過度武力。
鄭耀棠（右）指9.28施放催淚彈是警方唯一驅散人群的方法
特首梁振英早前北上述職，獲國家主席習近平讚揚保持大局穩定，表現獲中央充份肯定。同時身兼港區人大代表的鄭耀棠昨接受《有線電視》訪問時指，中央在佔領運動後，對梁振英更加信賴，梁的管治地位更鞏固，因梁在佔領期間堅定不移沒讓步，符合中央想法：「即係唔使我出手、唔使我出口，你都會咁做，呢啲咪所謂信賴得過嘅人。」
指分期交稅「唔經大腦」
外界批評警方9.28施放催淚彈失策，鄭耀棠卻認為警方沒有做錯，「胡椒噴霧又唔得、呢樣又唔得嗰樣又唔得，唯一可以做嘅就係催淚彈……講得俗啲，（警方）冇追殺人吖嘛，係咪？目的係想驅散人吖嘛，所以我唔認為係錯。」
他反斥學聯號召市民採取分期交稅等不合作運動「唔經大腦」，聲言「我睇唔到政府有壓力喎」，反指此舉只是「玩（政府）員工」，估計不會獲市民響應。他更指中央對否決政改沒所謂，預料會收緊政改第二輪諮詢；對於基本法委員會委員陳弘毅提倡「白票守尾門」，他稱本港選舉從來沒採用量化方式，質疑陳建議若白票佔總票數過半，從頭再選特首是「搵嘢嚟搞」。
學聯常委張秀賢指，9.28當日大部份市民只想和平表達意見，警方完全沒必要使用催淚彈，批評鄭的說法不合邏輯和荒謬，「（鄭）係咪要見血、死人，先叫做過度武力？
佢『追殺』嘅意思，係咪唔只用催淚彈，仲要開槍去殺人?」他強調學聯發起的不合作運動，旨在讓市民表達對政府施政的不滿，警告北京若不重視香港民意，死撐梁振英繼續管治香港，只會激化香港社會矛盾，中央屆時要面對香港出現不能管治的後果。
| 
發表於 2015-1-3 16:03:02
收藏