禍港實錄: 林忌揭正苦疑放寬強國特權車左軚車亂港

hkvcdso

很定收左回佣、廉處唔查又分在餅仔、特首唔理、身有屎、又比大陸老屈錢、又比的工程掠水香港財多招白蟻木蚤、
香港大丸號遲早完？

CarmenNg

hkvcdso 發表於 2014-12-8 15:39
很定收左回佣、廉處唔查又分在餅仔、特首唔理、身有屎、又比大陸老屈錢、又比的工程掠水香港財多招白蟻木蚤 ...

昨晚汪明荃的女皇的盛宴,嘉賓之一是李麗娟,她是港英時期的高官,曾任麥理浩秘書,與行政及立法會開會,她說當時的委任議員主要是控制政府撥款開支,不會亂來.

君不見建制派在高鐵事上不理民意,召批上馬,真是禍港黑手.

WGK

離L晒譜.....

CarmenNg

政府揈你幾多錢　睇回顧易廣告雜誌  
   
http://hk.apple.nextmedia.com/news/art/20141230/18985923 (視頻)

一年過去，大家有無發現自己戶口少了錢呢？沒有！那你便大錯特錯了。因為特區政府已經靜悄悄幫你們把錢「揈掉」。先有貴絕全球的高鐵，暫時報價715億，超支65億。另外，機場第三跑道未興建已超支，由原本預算1362億元，大增至超過2000億元。

大家要多謝誰，當然是為政府保駕護航的建制派。六月，立法會財委會主席吳亮星示範如何粗暴剪布，強行通過東北發展3.4億元前期撥款。三堆一爐亦在建制派護航下，只剩石鼓洲焚化爐未通過。

同樣未能「通過」的是西營盤站，西港島綫本月28日通車，但由於西營盤站未完工，港鐵決定飛站，初期只停港大及堅尼地城兩站。港鐵今年算是多事之年，四月又在沙中綫土瓜灣站掘到宋代古井，最後決定拆走重建。

被拆走的還有一眾小店，唯一麵家、八月照相館、家樂坊盛傳變身H&M，還有其他小店，換來的是地產霸權及極高樓價。小市民為求一片瓦遮頭，連遠至大澳的居屋天利苑亦成為搶手貨。

動新聞帶大家一同回顧本年的「揈錢」實錄！  

soho888

鬥穿櫃台，香港底子厚，仲可以頂多2-30年！

CarmenNg

【港人現以260倍市價買東江水，源於緩解國企財困】
《附錄》買東江水8年來枉付50億！

〔看清以下事實〕：香港政府於2006年提交予「立法會」的文件亦證實，『每次東江水有大工程，港府均會提供貸款。更表示若果購水的成本低於預計水平，將會影響粵方的財政狀況，及債務重組方案的還款承諾。』

2008年10月28日在香港「立法會發展事務委員會」的一份《關於東江水供應的檔案》顯示:『香港用水量沒有顯著的增加，使香港水塘儲水充足，出現水塘滿溢的情況，在1998年至2003年期間已把約值30億港元的多餘東江水排入大海。』這事件引發「傳媒大幅報導」，稱此舉為「倒錢下海」。《維基解密》亦踢爆，『2009年粵西大旱，香港卻天天倒水入海，港府建議減少供水以紓解國內旱情，但當時遭粵方「婉拒」。』

【1975年，香港已擁有全世界規模最大的海水化淡廠】
曾幾何時，香港的水務工程曾傲視全球。1957年，香港首創利用海水沖廁，至今仍是全球唯一全面使用海水沖廁的城市。1968年，全球首個於海中興建的水庫「船灣淡水湖」落成，獨步世界。1978年，第二個海中淡水庫「萬宜水庫」建成。1975年，全世界規模最大的海水化淡廠，樂安排海水化淡廠投入運作，年產8,000萬立方米淡水。

不得不提，現在負責香港供水的是國企「粵海投資」（下稱粵投），擁有對香港供水專營權30年，由2000年算起，還剩下16年。1998年金融風暴時，粵投面臨財困，中央向粵投「注入」香港供水業務，此舉不但令它浴火重生，還因此成為優質企業，股價長升不跌，2012年，供水業務為它貢獻了52%利潤。

【比馬來西亞售予新加坡的水價貴逾200倍】
事實上，香港處於亞熱帶區，降雨量比北京、上海等地多數倍！香港除了有25個水塘和水庫之外（未計算私人水塘在內），還早在1975年已有「樂安排海水化淡廠」運作，現在其成本已下降約95%，而且工廠早已北移，沒有再不斷增購東江水這個必要。如果按2010年實際輸入6.81億立方米未經處理的東江水計算，實際水價為每立方米3.36港元，比馬來西亞售予新加坡的水價（每千英制加侖0.03馬幣）已經是「貴逾200倍」。因此，香港人也不想買那些「東江屎水」！

chenteipeng

點睇又浪費又唔合乎經濟。

係怕得罪呀爺，定又係枱底數收呢?

相信又係明知錯，做錯咁就啱了。

CarmenNg

單車新館多甩漏 多少公帑付東流    文: 功夫茶

奧運金牌得主李麗珊有句名言︰「香港運動員唔係垃圾。」冇錯嘞，港產運動員喺國際賽事屢獲殊榮，梗係唔係垃圾喇，不過咁，港產官僚就唔同喇，話就話推廣體育，但做嘢甩甩漏漏，笑話多多，直頭係垃圾中嘅垃圾。

係咁嘅。為提升單車運動員水平同埋推廣單車運動，港府耗資超過十一億元，喺將軍澳興建咗一座有世界級單車賽道嘅單車館，舊年四月底至開張，點知十一月就因為賽道木板不平，要封館三個月進行「優化工程」。唔使問阿貴，大拿拿四百二十萬元嘅工程費用，當然又係納稅人埋單，加上工程期間其他體育設施暫停使用，場租又唔見三十幾萬。有立法會議員就講得啱嘞，如果當局做好驗收工作，就唔會搞成咁。

話時話，單車館啟用不足一年，保養期仲未過，工程費唔係應該由承建商負責嘅咩？

即係咁，發展單車運動無可厚非，問題係專業運動員始終係少數，唔係個個都係黃金寶或者李慧詩，如果普羅大眾享用唔到設施，當局係咪應該檢討吓資源點分配呢？呢嗱，單車館啟用以嚟累計開放約三千小時，只有五百多小時有人使用，你話係咪浪費資源吖？鬼咩，普通市民根本用唔到專業嘅單車賽道，有咩法子唔長期養蚊吖。

好嘞，專業單車道市民就話用唔到啫，單車館對出嘅公園佔地超過五公頃，草坪、人工湖、兒童遊樂場一應俱全，一家大細單車遊總可以喇啩？唔好意思，原來場內嚴禁踩單車喎，問你服未。

咁就好笑嘞，單車館公園居然唔准踩單車，正如泳池唔准游水咁，仲有冇再荒謬啲呀。大拿拿十幾億元嘅工程，甩皮甩骨唔在講，市民更加得物無所用，淪為大白象，你話納稅人係咪冤過竇娥吖？

講起大白象工程，其實單車館只係小兒科咋。今時今日基建工程，唔係延誤超支就係溶溶爛爛，好似造價達八十億元嘅啟德郵輪碼頭咁吖，啟用以來醜聞多多，蝦碌不斷，每次打風例牌淪為澤國，配套設施到依家仲係天殘地缺。仲有西九文化區，洗濕咗個頭騎虎難下，最後仲分分鐘爛尾收場，市民都唔知搵邊個算帳。

港產官僚大事做唔到，小事做唔好，連興建單車館都搞出個大頭佛，真係唔到你唔服。功夫茶有個建議，反正丟空，不如物盡其用，畀班官僚一顯身手，喺鑊形單車道鍊番轉好過啦！

CarmenNg

未曾動工已超支 體育園淪大白象

本港基建工程甩漏多多，問題叢生，特別係延誤超支，更加係家常便飯，市民早已見怪不怪。勢估唔到嘅係，家陣居然發展到「未動工，先超支」，真係唔到你唔服。

話說立法會尋日討論啟德體育園區最新進展，民政事務局話喎，受內外因素影響，項目將會延誤九個月，預計要到年中立法會工務小組及財委會通過撥款後，下半年至可以展開前期工程。唔使問阿貴，工程滯後，造價梗係水漲船高啦，當局最新估價係二百五十億元，足足比原本估算嘅一百八十億元多一大橛。你知喇，家陣反對派政客阻撓施政無所不用其極，工程可唔可以如期獲得撥款，實在令人懷疑，萬一好似創科局咁受到阻滯，最後埋單計數可能遠遠唔止二百五十億元o架。

話時話，今時今日港府拖拉成風，基建延誤超支已唔係新聞，準時落成先至係新聞。呢，港珠澳大橋、西九文化區、高鐵呢類大型項目固然不在話下，連原本計劃同非政府機構合作興建嘅青年宿舍，同樣一拖再拖，其中上環項目更要拖到一八年至落成。所以話啫，旨意港產官僚解決房屋問題，為青年人提供安居之所，真係蚊都瞓蛇都死。

講番啟德體育園，其實體育界人士早喺十年前已提出，期間一度傳出政府有意將園區改建房屋，引發體育界強烈反彈，當局先至唔敢亂嚟。最離譜嘅係，項目十畫未有一撇，淨係委聘營運顧問已涉及四千萬元，納稅人未見官先打三十大板，簡直係冤哉枉也。

本來呢，遲到好過冇到，興建體育園係體育界嘅心願，亦係港府嘅承諾，最怕當局經營管理不善，最終淪為大白象，咁就弄巧反拙喇。係人都知，本港體育運動唔算普及，呢類大型體育設施符唔符合成本效益，實在令人懷疑。例如紅館咁，如果唔係租畀人開演唱會，怕且早就執笠咯。又例如耗資十一億元嘅將軍澳單車館，話就話係畀專業運動員集訓同比賽嘅，結果使用率不足兩成，加上當局對工程無監無管，驗收求求其其，結果開張半年就要封館三個月進行「優化工程」，四百幾萬元費用又係納稅人埋單。唉，基建工程唔係超支就係得物無所用，呢度浪費幾十億，嗰度唔見幾百億，識印銀紙都唔掂啦。

始終都係嗰句，港產官僚食嘢唔做嘢，做嘢打爛嘢，興建體育園究竟係好事定係壞事，根本冇人知。正如有人話齋，與其好大喜功，不如集中精力解決民生問題好過啦！

CarmenNg

選出去年最嘥公帑三甲

港府仍未能糾正「大花筒」的陋習。107動力昨公布二○一四年十大浪費公帑事件選舉，逾八成半參與評選的受訪者認為，政府向十八區區議會各撥款一億元發展地區重點項目，為去年浪費公帑之冠，第二位是三條鐵路線包括西港島線、南港島線及高鐵香港段工程合共超支百億元，得票率也高達八成。107動力稱，傳媒積極揭發類似事件，有助提高港府運用公帑的透明度。

107動力於去年十二月以問卷形式訪問組織會員，收回六百五十二份有效問卷，他們從十八則浪費公帑的候選新聞，選出十則最關注的新聞。除十八區區議會各得一億元發展地區重點項目及新鐵路嚴重超支外，三條海底隧道分流計劃擱置，浪費七百萬元研究經費，也有近八成得票率，躋身三甲。召集人何民傑稱，傳媒有助提高市民對公帑運用的關注，令公眾監察公帑是否用得其所，保障納稅人血汗錢。