回看巴菲特飯局 你不可不知道的是每次一有中國富豪畀錢同巴菲特食飯，總會問一句，咁多錢同「股神」食飯，值得嗎？
日前大連天神娛樂公司董事長朱曄以234萬美元（約1,813萬港元），拍得與「股神」畢菲特（Warren Buffett）共晉慈善午餐，好多人話好唔值得，而其他人就批評，呢位富豪係暴發戶。
可見到而家，依然有不少人，對與股神共晉飯局所帶來的效益抱有幻想，以為食餐飯，就可以成為「股神」，或者花成千萬去買個消息，到底值唔值…
（網絡圖片：大連天神娛樂公司董事長朱曄與巴菲特食飯現場。）
首先，飯局目的只係慈善，巴菲特有項不成文規定，唔會邊食飯邊講個股，即係無「冧巴」，甚至邊啲地方值得投資，佢都唔會透露半句。
另外，過去投得飯局嘅中國創業家，其實都唔係食完飯之後先獲得空前成功的，而係剛剛相反，通常都係，先成功，再投飯局錦上添花。
二零零六年，曾經一手打造小霸王、步步高嘅企業家段永平，以62萬美元嘅天價中標，比零五年嘅35萬美元，足足多咗一倍。當時段永平已經係中國電子消費界嘅風雲人物，二零零一年，佢喺美國，全倉買入網易，到零三年網易股價曝漲到70蚊美元，當時就更加成為了美國投資界嘅「段菲特」。
（網絡圖片：巴菲特與趙丹陽 。）
二零零八年， 中國私募基金教父趙丹陽，用211萬美元，相等於當時逾1400萬元人仔，得與巴菲特剧扒。其實，當年一月，趙丹陽剛剛解散咗隻15億的私募基金，退出A股，話睇到熊市降臨。
後來幾年嘅事，大家都知道，巴菲特同比爾蓋茨，合作搞慈善，仲話希望去中國遊說班富豪捐錢，慈善風打到嚟…至於投資，就只係相中過隻比亞迪。
巴菲特飯局，由二零零五年嘅35萬美元成交，增加至今年嘅234萬美元，增加五點七倍，跑贏恒指九條街，更加令到唔少中國人趨之若鶩。巴菲特有無喺飯局上授之以漁？似乎根本唔係飯局嘅目的。
巴菲特自己，一早講心得係靠讀書、實戰、眼光訓練得來，巴菲特甚至勸人多讀書少用信用卡，話：「如果18歲或者20歲時就借了錢，那我可能已經破產。」而事實上曾經同巴菲特食過飯嘅段永平都公開講過，自己一直以來嘅投資哲學，係從巴菲特嘅書中學到的，由此更加說明了，真正要學嘅，根本唔需要花咁多錢去食餐飯。
值唔值得？老土一句，錢要用得其所而已。
別以為今時今日，同巴菲特食飯，可以有做show效果，因為一餐飯過千萬人仔，只會被傳媒大做文章，被批評為暴發戶。 食飯嘅人，本身可能都只係想見見名人或一直以來自己崇拜嘅偶像，完一完自己心中嘅「價值」。
開飯嘅意義，因人而異。
難怪有內地散戶曾經講過，啲創業家與其想花錢同巴菲特食飯，不如幾十蚊食個便飯，省下的時間多讀書多睇文章、數據，才是「股神」教落的價值投資。
（綜合報導）
發表於 2015-9-14 16:19:18
收藏
