2016.2.9 郭博士考考你：旺角的騷亂，是有組織還是散兵游勇

陳永新

我認為係一班是有組織，另一班係散兵游佣。本土行動班人唔似咁有勇氣去同警察開拖，尤其是由桂林街夜市話幫腸粉大王，又話轉戰旺角的梁小麗，只係一個大專講師仔 (有咩事工都無得做)，而本土行動一直以來比我的印象就係講就兇狠，抽水就叻。由班「暴徒」的動態，佢地真係幾兇狠的，有D 的確唔似平時班靚仔作風。係亞皆老街果幕，幾個警察好似比人放左上擂台咁，比人迫到埋角，驚到要開槍。最令我覺得疑惑的是689 今年唔休假，佢平時有無事都走左去，但今次佢無，反應異常迅速。

以上種種，我覺得係似有心人裝無腦人，如果良景邨果單都有黑社會為生計著制服做管理員去清小販場，黑社會為生計一點就著。點解旺角唔可以有黑社會其實為生計，借題發揮「為本土，為市民」打警察，警察可能唔知咁結果，自己比人打鑊甘，但知咁迫一定可以擦槍走火。原本本土果班見上年比人打左獲，重唔抽水打埋一份。咁就正中下懷。

效應係，本土班友事後比人等同黑社會，神憎鬼厭，形象負左分。尼次重可以張佢地連根拔起。同時，班靚仔成日係FACEBOOK 號召。咁網絡23條，真係的23條，張德江系統要鬥爭為綱都能夠全部有事例可循，同市民同中央講數。689 又可以平亂之名，向中央買時間。