天羅地網

標題: 腦筋急轉彎(政治題)2015-7-22 [打印本頁]

作者: 容燥兒 時間: 2015-7-22 12:49
標題: 腦筋急轉彎(政治題)2015-7-22
本帖最後由容燥兒於 2015-7-22 13:23 編輯

劉江華任民政局長　張雲正任公務員事務局長 - 東網即時 - http://hk.on.cc/hk/bkn/cnt/news/ ... 0721_00822_001.html

曾德成同鄧國威兩人(被)辭職，
劉江華同張雲正有得紥職。
內裏有咩玄機，請網友們動動腦筋。

作答方面不宜長篇大論。
答案將於星期四2015-7-23節目內揭曉。

作者: 賴鎮華 時間: 2015-7-22 13:31
劉江華一臉蝠相..

張雲正一對蛇眼..

呢次真係蛇鼠一窩齊齊裝(彈弓).. 香港市民同政府工作人員都遭殃..

曾德成面相乃牛皮四格, 雖然平融但唔做野好過做錯野.
張雲正一雙八字眉只能當老好人, 邊夠跟梁班子D毒策.. 下台係遲早...

作者: peterau 時間: 2015-7-22 13:38
本帖最後由 peterau 於 2015-7-22 13:40 編輯

內裏有咩玄機

共產黨開始清場，清走土共。想搵錢，加入共產黨的，請快啲，呀爺選擇新人。公務員制度會變好，因為張雲正是公務員，現在是內行人管內行人。

作者: 神輝 時間: 2015-7-22 13:57
一丘之貉

作者: Kevin 時間: 2015-7-22 14:00
梁振英見完張德江，當然被張德江鬧佢管治香港不力，沒有做好青年工作和公務員工作，故此在雨傘運動大批年青人出嚟參與，而公務員不是暗中同情，就是靠邊站沒有落力為梁振英站台。

梁振英被張德江省完一餐後，自然要搵人出氣兼卸膊，於是交出曾德成和鄧國威這兩顆人頭，以示向張德江問責。

作者: 賴鎮華 時間: 2015-7-22 14:08

賴鎮華發表於 2015-7-22 13:31
劉江華一臉蝠相..

張雲正一對蛇眼..

內裏玄機係CY 又可向上交差係民政(管市民工作)和公務員呢D阿頭(唔係自己友)做唔到野撐政改..
另外又可安自己人上台..一箭雙鵰..

作者: CalvinKan2013 時間: 2015-7-22 14:48
何謂玄機？

升呢兩個廢物又聽話，孭鑊又得！將來可以做犧牲品

年輕人可以加入民建聯，可以搵錢又可以用菩提心去幫助人

作者: panic_lau 時間: 2015-7-22 15:36
本帖最後由 panic_lau 於 2015-7-22 16:02 編輯

劉江華先生是目前香港政壇唯一一個經歷由中學教師 ->區議員(地區工作)->民主派(港同盟（民主黨前身）->建制派 ->問責高官, 做埋行政長官都米話冇可能!

紥職係為左比民主派/年青人的睇, 行正路大把前途. 行錯路識轉身都可以, 學野啦!

张云正既經歷有好多都係關於商務的: 1998年8月至2001年10月出任香港驻新加坡经济贸易办事处处长，2001年10月至2006年6月出任工务局副局长（后改称环境运输及工务局副秘书长（工务）），2006年7月至2009年9月出任保险业监理专员。2009年9月至2011年9月出任邮政署署长。

紥職可能你想將商業運作模式引進公務員體系, 提高效率! 另一方面, 可能為左係公務員體系度捉鬼(反貪)

作者: Fungwingsing 時間: 2015-7-22 15:48
劉江華系過度人物，遲早下台。

作者: minglau 時間: 2015-7-22 16:16
要他們做衰野
等下任特首開刀升威信

作者: cwcheung24 時間: 2015-7-22 16:43
政府可能有大風暴，兩位識途老馬可能預先鉸腳走人......加上曾德成阿哥玩埋今屆又唔玩，個個提早退休睇下可唔可以做番個政協仔。

作者: chrisX9 時間: 2015-7-22 17:05
高官問責，架構重組，跟住七國咁亂，最後呀爺接手。

作者: tonglingchung 時間: 2015-7-22 19:10
曾德成任內雖少做也, 但做的都是浪費金錢之事, 現在社會上大多數怨氣來自年輕人, 曾德成工作未能緩解年輕人怨氣, 故被炒魷。劉江華由副局長升至正局長, 明升實質暗降, 中央要追究之前政改唔通過的責任, 順便要劉江華做炮灰, 之後強推Dirty Job。鄧國斌落台是因佢未能管好公務員, 未能壓制公務員，以致政策陽奉阴違, 拖政府後腿。以張雲正一個商人模式去管理公務員，除左想提升政府部門工作效率, 另一個原因是想引入私營機構管理模式, 改組公務員架構, 壓制公務員。另外曾鄧兩人相信是中央問責香港政府, 而政府交這二人人頭去抒解中央怒氣的犠牲者而已。

作者: alexwush 時間: 2015-7-22 19:39
本帖最後由 alexwush 於 2015-7-22 19:41 編輯

屌罅星，兩個都就退休，傾掂數，殺雞儆猴而已

作者: kytsui 時間: 2015-7-22 20:09
要襯托689還有一點有能力。

作者: 陳永新 時間: 2015-7-22 20:09
爛蘋果由佢爛落去，先可以到時機熟時一手丟左個爛蘋果。由報導指，被退休的兩位唔係689自己友。而689 自己過去三年已證明自己友同擦鞋仔完全唔掂，個個重貪得無厭，想cap 水。中共如博士上集提到，已深知國家危機是貪腐，所以一定唔會認同而家689的行為。而家自己友入晒閣，等到佢地以為可以無法無天，到時一收網，證據確鑿，可以留一著，之後順應民意，鏟起現時的港澳系統。

作者: wwkin 時間: 2015-7-22 23:22
劉江華紥職阿爺換尿壺招聘廣告
張雲正紥職夾實公務員

作者: andylee 時間: 2015-7-23 00:44
曾德成同鄧國威兩人(被)辭職，
劉江華同張雲正有得紥職。

試答: 梁先生已開始競選工程, 加強控制民政事務局及公務員系統的資源, 用來支援建制地區及立會選舉, 去補政改之獲
另一方面是殺敵, 及證明自己權力仍在
但有利亦有弊, 如換了人工作也做不好, 那就更難獲得連任了

作者: Chiupityu 時間: 2015-7-23 10:44
換民政局和公務員事務局局長只是北京對港事務的一步棋。
民政局局長改變是防止有人利用公帑進行有利建制派選舉的各種活動(賄選)
公務員事務局局長換人是方便北京對一些失職公務員降職或免職。防止有人勾結商界或外國勢力利益輸送。

作者: ustmark 時間: 2015-7-23 18:15
梁振英仲有能力換人，張德江仲可以掌控港澳

作者: bingo23 時間: 2015-7-23 20:09
土共裡，新愛國與舊愛國的鬥爭

歡迎光臨天羅地網 (http://139.162.60.118/)