天羅地網

標題: 研究及討論關於犯太歲既問題 [打印本頁]

作者: alendice 時間: 2014-11-9 20:47
標題: 研究及討論關於犯太歲既問題
到底犯太歲同十二生肖係迷信定有科學依據？字面上係中國傳統，迷信詞彙，但詞彙背後，會唔會有失傳既依據？
曾有人用科學角度解釋太歲，是木星對地球磁場影響既力，話因為木星係太陽系最大力量既星體，其磁波力最大影響力，而人帶磁性，亦有磁場圍繞，地球每年星體周期都有磁波頻改變同木星互相感應，呢個關係，會唔會係每個生肖代表既一套磁波頻而影響人果年既磁場，做成所謂既犯太歲？
另一個問題，如果本命年犯太歲既人係容易出事，咁出生果年所有嬰兒都犯太歲，又唔見得有咩事，外國出生同成長既華人又受唔受影響？再加上人雲亦雲去拜太歲，會唔會只係凝聚個人信念加強心力改變該年不利自身既磁場？我諗緊呢個係咪解釋到有啲人心力唔夠，所以拜左照出事，有啲人心力夠，唔拜都無事，因為我唔明，既然太歲係木星，咁拜既對象係木星？燒既金銀衣紙比邊個收？所以我都唔知到底呢樣係科學定迷信，會唔會原本既習俗有啲知識斷層左？仲有，古代中國人無望遠鏡，點會獲知天上有火星金星木星既存在？基本上古代天文學同星體既記載，似乎存在好多人類失去左既起源知識，單是有系統記載朝代既史書，都有專題詳述天文如何影響該朝發生既事。

歡迎光臨天羅地網 (http://139.162.60.118/)