天羅地網

標題: 健康問題，手腳出紅疹，痕癢無比 [打印本頁]

作者: alendice 時間: 2014-10-30 10:46
標題: 健康問題，手腳出紅疹，痕癢無比
小弟堂弟同我住，話早兩年手腳開始出現紅疹，起初一兩粒以為蚊咬，到今年初佢公司換地氈，揚起好多塵，之後就懷疑虱咬，開始手腳多左紅點，後來愈來愈多，發覺比蚊咬後會出現多幾點紅點，佢開始覺得唔係虱咬，自己發出嚟，而家佢前臂，小腿都好多痕既小紅點，請教大家知唔知呢啲係咩病，應該睇中醫定西醫？

同飲食，睡眠，生活習慣，年齡有關嗎？

作者: moc 時間: 2014-10-30 17:50
1. 會唔會係公司多塵，皮膚敏感?
2. 會唔會係塵虱，虱咬會有咬孔的。
3. 會唔會去過食自助餐、火煱狂食海鮮? 尤其蝦蟹?
4. 訓得唔好，身體抵抗力差，易感敏，只要天氣一變，會出疹。

如果係自發，一定唔係虱。

好多可能性架喎，點解唔帶佢去萬福搵博士睇睇?

作者: wongtoyuen 時間: 2014-10-31 01:19
我既個人意見,我都生過皮膚病,而且極嚴重,後來睇左好多有關皮膚病既資料
發覺成因大部分同消化系統有關,可能係消化系統有損傷,潰瘍,如胃,指腸等

你親友係咪成日食野好急,而且唔定時?
我首先覺得應該改下佢飲食習慣先,你叫佢食野一淡咬30次先吞,係心入面數夠30下先吞
飲野就含係口數到30先吞落肚,減輕腸胃消化負荷

我都有皮膚病,唔知係咩黎,好似係癬,疹定唔知咩野
但係用呢個方法,慢慢就開始不藥而癒,當然唔係話1個月內,若2-3個月就有明顯改善

作者: alendice 時間: 2014-10-31 10:51
佢份工有時日夜巔倒，食無定時，但以前都係咁，近一兩年先開始咁，佢一直有消化系統問題, 我鼓勵佢近期多左素食，不過有時一放縱飲食，煎炸，火煱，應酬宵夜，又嚴重左

作者: superman 時間: 2014-10-31 16:18
睇中醫

清毒

作者: wongtoyuen 時間: 2014-10-31 18:32
消化系統出問題唔係一朝一夕而成,
所以如果有個觀念認為:以前都係咁，近一兩年先開始咁,應該唔關飲食事,係錯架
正如你不停拗一把間尺,都要一段時間先會斷

應該唔係性病,性病有好明顯既特徵,如
1:性病既皮膚問題會變到好核突,但係唔會痕
2:佢條野應該會有明顯既傷損

最後不建議睇中醫,睇西醫比睇中醫好,除非你有藥方,拎去藥房執藥

作者: moc 時間: 2014-10-31 20:27

alendice 發表於 2014-10-31 10:51
佢份工有時日夜巔倒，食無定時，但以前都係咁，近一兩年先開始咁，佢一直有消化系統問題, 我鼓勵佢近期多左 ...

佢真係要排毒，日夜癲倒好傷。

食野時間，份量，食材都要調節。
盡量避免食好多化學野養0既食物，例如鰻魚、三文魚、蝦，
仲有毒素高0既食物，例如鴨、鵝、紅肉(牛、羊)等。
好多時我發覺男人鍾意食肉，唔食菜同生果，好多問題由此起，
因為排唔到毒，一路積，最後發出黎。

多食蔬菜，食菜少就飲多D鮮搾果汁。

果汁排毒效果唔錯，尤其係檸檬、涼瓜、西芹等，當然要適量。

有機會你真係要帶佢去搵博士請教 Ayurveda 醫學。
睇佢介紹本「健康與回春」好多得著。

生理、機能唔正常，食中藥、西藥都未必醫得好。

作者: 琉璃光 時間: 2014-10-31 22:08
以下純粹分享個人經驗 , 你睇有冇參考作用 .

飲乾淨 , 有營養的水是必要的 . 選擇好的山泉水飲一段時間 .

以前認識一個女孩子 , 因為面上暗瘡 , 護理不當 , 攪到成塊爛面 , 情緒灰到想死 .
後來遇上一個中醫師 , 醫師叫她做一個療程(八次) , 但醫到第四次 , 己經好晒 . 再調理下 ,
塊面又滑又紅潤 . 做美容院代言人都得 .可惜時間太耐 , 我己忘了醫師的名字 .

我試過突然腰痛 , 然後全身難以郁動 , 輕碰我身體 , 都全身痛 .都係兩劑中藥就完全康復 . 兩劑藥 ,
八年前 , 一百二十元 . 其實對到症 , 中藥一樣可以快, 靚 ,正 .

我有過會蔓延的皮膚病 , 痕到暈 . 後來有個做跌打的叫我去浸海水 , 我半信半疑 , 便試浸局部五分鐘 ,
當晚浸過海水的部位 , 有退紅跡象 , 並且唔痕 ,

跟著日日去浸全身 , 唔駛一個禮拜 , 好番晒 .

作者: nmp 時間: 2014-11-1 17:55
你要問自己有無出去尋花問柳，如果有咁係睇西醫驗下有無世紀絕症，無既咁係睇中醫醫斷尾，通常係風熱濕重影響周身濕疹兼痕癢

作者: 張爺爺 時間: 2014-11-1 18:16
俺有一偏方, 兄台大可一試, 如下 -
君可到大小中藥房, 買十元廿元左右的 <六一散大梅片>, 可要求加多些大梅片, 有止痒之用.
<六一散大梅片> 如坊間的爽身粉異同, 可於沐後或需要時抺於皮膚.

成功故然好, 不成功亦只花了幾十元而已!
當然最好帶他一見高人, 乃更妙之舉矣!

歡迎光臨天羅地網 (http://139.162.60.118/)