天羅地網

標題: 演藝人中催淚彈！何韻詩:政府瘋了！黃秋生:警方似暴徒 [打印本頁]

作者: Nelsonlai 時間: 2014-9-29 00:57
標題: 演藝人中催淚彈！何韻詩:政府瘋了！黃秋生:警方似暴徒
本帖最後由 Nelsonlai 於 2014-9-29 01:00 編輯

冷血港府漠視市民訴求，昨傍晚警方多次施放催淚彈，以殘暴不仁手法對付佔據馬路的市民，令一向對政治忌憚的藝人，都忍無可忍走出來力挺學生，葛民輝、何韻詩爸爸、歐錦棠、趙碩之、文恩澄昨先後湧到政總撐學生，連身在內地被指是「梁粉」的黃秋生，亦看清政府的真面目，出聲譴責對政府感到羞恥！

一向少提政治的DJ葛民輝，昨着重型裝備look貼相上facebook諷刺港府，用粗口諧音寸爆梁振英：「理露媚……終於肯3:00泡頭喇咩！在此聲明，撈屍唔係佔中，今日唔係去飲，只是做撈屍嘅，點都誓屎保護學生兼講道理，請行動。聲援撐桶蛇，反對不公義，反對西人閂埋門打狗，我們受夠鳥！」自稱「撈屍（老師）」的阿葛，稍後再上載駕車現身灣仔的相片，留言：「桶蛇吻（同學們）揸魷」、「今天唔做，無明天」、「仲諗住上台唱翻首小李飛刀添！」

記者致電問阿葛是否到了現場？他以What's App回覆：「已經突鳥（到了）。」對於警方放催淚彈鎮壓市民，阿葛譏諷：「應該用坦克車。」他表示帶多啦A夢公仔到場，以代表着一個夢，力撐學生的阿葛說：「身為撈屍，已經主動自己一早罷課成個禮拜鳥，喺我嘅雞校BWMNS罷課。」問阿葛有否中催淚彈?他說:「港人的齊心，老人的勇氣，已經夠催淚鳥!」

至於一向敢言的黃秋生，昨身在內地的他先在fb怒駡政府：「Shame！立即釋放學生。」當獲悉警方放催淚彈驅趕示威者，他在電話強烈譴責政府：「佢哋愚蠢傲慢，係暴徒手法，呢啲唔係政府應咁做，一個人有幾多料，呢啲時候就睇到。o依家係到達咗一個爆炸嘅臨界點，再搞落去汽油彈都出嚟，又或者有裝甲車，唔該嗰啲局長唔好再火上加油，要立即收聲。

再搞唔掂就會盡地一鋪，佢哋放催淚彈，群眾要屙屎可解煙霧，其實學生和平示威，再係咁係咪要拉晒啲學生，當佢哋黑社會，唔明政府點解唔釋放黃之鋒去降溫，同埋開放人民廣場。」對於示威人士支持今日罷工、罷課和罷巿，秋生說：「係咁經濟就冧，係社會大勢。」

前晚何韻詩到政總撐學生，昨日輪到何爸爸到現場聲援，阿詩全日緊追事態發展，看到警方放催淚彈後，阿詩在fb怒吼：「這個政府瘋了！這次是故意走到人群中發放催淚彈！市民根本全部舉起雙手沒任何反抗！夠了，停止暴力！」

激動的她更公開要求演藝界挺身：「香港演藝界各位朋友，你們真的還不願意出來講句話嗎？如果你是愛香港的，到了這個時候，請放下自身利益，站出來為香港說句話！」還透露身在外地的黃耀明已在找方法趕回來了，並肩作戰！

龍小菌的經理人邵子風昨晚身處金鐘現場，並受到警方的催淚彈衝擊，他在電話說：「我當時喺好前，警方連放兩次催淚彈，啲煙好勁，中嗰陣幾辛苦，現場指引示威巿民要用濕毛巾，警方用暴力傷害無辜巿民好唔啱。」

趙碩之和文恩澄昨一直留守現場，兩人早穿上雨衣和眼罩保護，文恩澄接受電話訪問說：「前排嘅示威者已經拎住遮預防胡椒噴霧，我哋都聽聞另外兩邊都放催淚彈，現場幾危險。」

同樣身處政總的歐錦棠說：「今日呢班市民做過乜嘢，點解要放催淚彈呀？成件事由學生運動開始，佢哋衝閘，呢樣嘢我唔覺得係啱，但我睇兩件事，乜嘢迫使佢哋咁做？你拉咗人啦，去支援嘅市民喺天橋冇郁過，係邊種挑釁令到人反感？」可覺警方及政府做法過份？

歐錦棠說：「完全過份！我哋行入咗另一個時代，我敢同大家寫包單，大家唔會有以往睇到嘅日子過，我預見會有更多壓制。我到呢一刻冇話撐佔中，我係撐學生，撐學運。」

歡迎光臨天羅地網 (http://139.162.60.118/)