天羅地網

標題: 4招助你加快儲首期！ [打印本頁]

作者: CarmenNg 時間: 2014-4-11 20:28
標題: 4招助你加快儲首期！

4招助你加快儲首期！作者 TEXT:韋寶

由網絡文章改篇而成嘅短片「公屋．居屋．私樓」之所以熱爆互聯網，係因為呢條片道出咗男生嘅慘況──買樓問題。其實想擁有一層樓，最大嘅問題都係首期，咁到底有咩方法可以令你哋更快儲到呢筆錢呢？

1. 減少聚會

有朋友真係為咗慳錢買樓，差唔多成年都無約過朋友，CG!當然唔鼓勵大家完全斷絕社交生活，但減少約朋友，又或者大家聚會時揀啲平啲嘅餐廳，都係可以儲到錢嘅！

2. 擺酒vs旅行結婚

其實好多人都喺結婚之前掙扎於擺酒定買樓，因為大家嘅儲蓄一旦用咗喺擺酒，就俾唔到首期。當你處於呢個二揀一嘅情況，如果你屋企人唔介意嘅話，就不妨選擇旅行結婚，咁就可以省卻酒席、禮服、租車、化妝等等嘅費用啦。

3. 慳得1蚊得1蚊

唔好以為首期要幾十萬，慳一個幾毫就無補於事，好多人啲錢都係咁樣慳返嚟。大家不妨參考：小小的慳錢大法！

4. 適當投資

唔少人都因為驚投資有風險而選擇唔投資，而低風險嘅投資又嫌太少，所以「費事搞」。其實當你儲咗幾年，啲錢都係得咁多，你就會發現，就算低風險投資所得嘅回報總比零增長好，所以唔好嫌麻煩啊！而低風險投資包括iBond、人民幣定期等。

（關於投資，當然要自己做足功課，同諮詢專家意見啦。）

作者: hhyung 時間: 2014-4-11 21:32
謝謝分享

歡迎光臨天羅地網 (http://139.162.60.118/)