天羅地網

標題: 盡快放棄讀增廣賢文 [打印本頁]

作者: alexwush 時間: 2017-10-17 17:56
標題: 盡快放棄讀增廣賢文
其中幾句說話不可讀.
一切都是命，半點不由人。
命裹有時終須有，命裹無時莫卻求。
都都廢話，命定論，仲使乜怒力，嘥氣

作者: 容燥兒 時間: 2017-10-17 21:14
Alexwush網友:

古代帝王點都有啲愚民政策,
如果寫可以逆天改命,個個造反,想做皇帝都似喎。

作者: alexwush 時間: 2017-10-17 21:54

容燥兒發表於 2017-10-17 21:14
Alexwush網友:

古代帝王點都有啲愚民政策,

止惡行善，慈悲平等，慧觀緣起，無常無我。有邊句係命定？
許冠傑嘅浪子心聲，害咗一代一代嘅香港，大家都要醒下。

作者: 容燥兒 時間: 2017-10-17 22:33
四句偈語中,嗒完真係無。

許冠傑首歌,啱啱聽完先知邊句。

作者: chrisX9 時間: 2017-10-17 22:44
大哥，你幾時都係咁誇撚張架，此乃民間智慧和經驗，古時教人行走江湖，

今時可以搵食走位，吾好扯到去宗教層面，或者，命定論在此係並不適用。

作者: Yul 時間: 2017-10-17 22:51
本帖最後由 Yul 於 2017-10-17 22:53 編輯

自恨枝無葉，莫怨太陽偏。
莫非要將皇帝輪流做，明年到我家編入通勝？

作者: chriswong 時間: 2017-10-17 22:58
若然今世的命是前世帶來的"果"，會不會合理點。
受果報當然是控制不了，只是沒教種善因而已。
不懂種善因，命裡無時當然是強求不了。

作者: monpui 時間: 2017-10-17 23:55
請恕末學多言，增廣賢文這幾句話沒什麼問題，只是不同的角度去理解而矣。
開個玩笑説：「億萬豪宅，不值一碗义燒蛋飯」，現在來說一聽就知道是一句廢話。但這真的不可發生的嗎？時空識，誰說不可能。

作者: erict 時間: 2017-10-18 00:07
本帖最後由 erict 於 2017-10-18 00:09 編輯

　　如果企圖去解釋堵廣賢文其中似乎有些商榷嘅地方，應該全方位考量。

一，整體教育程度：古時我相信八九成人係冇書讀。莫講話識字，開口似乎可以半成文都好少。讀書係奢侈品，要十幾廿年唔做嘢係咁鋤四書五經，基本上係冇可能。所以，將生活智慧放入增廣賢文，作者一定要考慮將字句易入口，甚至當歌仔咁唱。

二，因果論：chriswong兄有些地方我同意，但如果要將一大段因果論對民間解釋，一來一般民眾分分鐘連字都唔識多隻，二來又冇所謂形而上嘅嘢明白，拋出一句咩嚟架就拒絕。情況等於同小學二年級學生講平均偏差係先有平均數，再分四段評估，然後再拉出一條公式計，而小學生連四則運算都未搞掂，等於外星人來到地球同地球人講天王星有個水上樂園好好玩一樣。

三，謀生技術都有分高低：或者作者考慮到受眾來自五湖四海，不同階層，最好係列出中文初級程度嘅用語再闡釋意思，最實際又最有得著。要考慮當時幾乎九成人冇書讀，個個都要搵食（其實而家都一樣，整體上差唔到好遠，因為識字同做人係兩回事），介紹一點生活智慧走江湖，無可無不可。

四，心理及心靈自衛術：要知道由信史以來，中國千幾年都係立立亂，一亂，社會及民間幾乎係冇制度及法治可言。記得Dr講通勝出自唐朝左右，點計冇一千年都八百年，可能當時某些高人集合成書，提供一點心靈及搵食自衛術，流入民間傍身。當時中國唔係好似香港咁，小小七百萬人口有三萬警察（其實而家中國都幾乎一樣，入到農村幾千人口可能只有一個警崗幾條友點點檔）。所以，通勝有可能因時制宜，是管治方式之一，防患未然。

五，深入淺出：如果要將增廣賢文每一句都加入註釋，可能句句都可以寫成千字文。例如命裹有時終須有，命裹無時莫卻求，有可能涉及行事，緩急，甚至因果等等。又例如逢人且說三分話，未可全拋一片心，就極可能係如果亂講嘢，例如自己好有米，就會招來人家眼紅，分分鐘某時某日做你世界，傷害你。如果要講命裹有時終須有，命裹無時莫卻求呢句有問題，逢人且說三分話，未可全拋一片心都有問題，釋放負能量，因為主張即係唔信人，防人。但如果唔識得保護自己，把口唔收又唔得醒目，隨時害死自己一樣。

　　我估計當年出通勝果位仁兄可能有參考印度好多歷史用歌仔唱而冇明文寫下歷史一字一句一樣，原因都相信係普遍人教育程度幾乎係零。而出一本書，甚至幾千字，流入民間，可以防止可能有三四成可預見嘅罪案，成本少，收效大，個個當歌仔唱，由呢一點可以見到當時出呢本書嘅人都幾有腦。

作者: lung 時間: 2017-10-18 05:16
[size=36.0276px]一切不是命，半點得由人。
[size=36.0276px]命裏冇時終須冇，命裏有時莫強拒

作者: Rondey 時間: 2017-10-18 11:01
命定是否等同運定？
命屬先天，運屬人為。你的父母、基因、出生的政治環境、地理環境，無法改變，但如何在此預此的框架下發揮，則屬人為，譬如自暴自棄、或是自力更新，隨波逐流、或是另闢蹊徑。
命裏註定你十年後方才壽終﹐是否現在往你太陽穴連開十槍，你仍能安然無恙？
命是有的，但其力量是否佔人生的主導地位，則端視乎事主是否甘願受其束縛。
若深信命定，人生無可改造，認定一切努力純粹徒然無功，人便會得過且過，不思進取，則命定論會自我應驗預言式地成立。
若深信命定，運卻不定，個人努力、修行亦是其有改造效果，人便會作出嘗試去抗衡命的框架，則命定的影響力轉弱(甚至撥亂反正)。

推薦《了凡四訓》。

作者: Perry 時間: 2017-10-18 12:14
識走7步的當然唔嘥銻這文。
唔識既，讀熟左出黎做人都撞少D板，有何不好？
以遍蓋全去否定它的價值，不太合適。

歡迎光臨天羅地網 (http://139.162.60.118/)