天羅地網

標題: 觀念一改變，成個世界唔同晒 [打印本頁]

作者: erict 時間: 2017-7-20 15:35
標題: 觀念一改變，成個世界唔同晒
　　從玩天九再加入近期在現實世界中打滾，學到的是：

一，唔好睇小你係武子五仔，分分鐘要結牌就係靠呢隻。
二，唔好睇小大細雞講武子係最細咁滯，一合埋，係最大。好多公司所謂掃地阿嬸，唔好當佢哋係下人，呼呼喝喝，佢哋貫穿各部門，可以時常出入大老闆房間。如果有時整杯醒神靚茶又識撈，分分鐘成為大老闆近身或者No. 2。有令箭，而表面係雞毛，你得罪佢，死咗都唔知發生咩事。
三，十隻手指有長短，你極小可能揸到雙天雙地雙九至尊；一間公司各人都有長處高低，重點在於用人。人多唔係一定做到嘢，所謂輸人唔輸陣，妥善用人，發揮到長處，至係高手。
四，即使你昔日在高處，其實，在低位嘗試打滾，係一種歷練，更對你自己係一個gesture，話比自己聽，真真正正做到大丈夫能倔能伸。人生，要過好多好多關，過到呢一關，你個心態會有好大改變，你會更成熟，更明白如果有日你在高位，班手足點諗，由上而下的經驗，非常寶貴。
五，即使你在眼前見到係獅子撲兔之勢，但睇真D？有時係強陣以待，實際上不外如是。正好像天九，又出天，又出地，有時嚇窒你，其實最後果三四隻係細路哥。
六，人真係要有立足之處，至可以夠薑睇遠好多，再籌謀，隨時隨地變陣換招，再重整兵力等等。終日在浮沙上，華而不實，日日心荒荒，確實唔係路。正如手上只有天，九仔，其他細路仔，不如將兩個大牌守到最後，望結牌最穩陣。

最重要係天九實戰，真真正正可以善用團隊精神：天九，地八，人七，鵝五。大人拖細路，又可以拖一，又可以一膽拖兩腳，兩大兩小都仲得，講實戰，令對手殺個措手不及。現實中，根本一模一樣。你玩天九睇唔到對手牌，在現實中，又何嘗不是一樣？

　　感謝郭博士介紹天九遊戲。

歡迎光臨天羅地網 (http://139.162.60.118/)