天羅地網

標題: 見微知著 [打印本頁]

作者: erict 時間: 2017-3-19 20:50
標題: 見微知著
　　妖娥把口唔收，一出口就得罪人，也不知有時說話正正就是鬼拍後尾枕，一語雙關。

　　忍唔住讚對方伙計好，即是對自己團隊講大多是庸材。咁樣講嘢講到出面，即係根本唔當你個團隊係人，但佢永遠唔會諗到，團隊而你係領軍，成敗得失只會算在你一個人頭上。即使做唔到嘢，喺呢個時勢埋你周，同你做嘢，連一點感恩之心都無，正正就係皇家佬心態－－事頭婆（以前港英年代）支人工比你，唔係我，所以，你一定要對我負責。如果有事，當然推番比事頭婆，馬上切割。難怪市面上報紙有傳呢隻妖娥成日A字膊，似乎城中傳言唔係無道理。仲有之前某君撐薯片佬，仲篤妖娥A未膊，今次一講，已曲線證明呢位某君所言非虛。

　　仲要耍D低能小聰明，讚薯片佬下屬叻，即係唔係你薯片佬叻。誰不知史上劉邦未做皇帝之前，係村長或亭長之類，即係類似以前街坊會之類阿頭；劉備偏安西邊做蜀國之前，係織草鞋維生；曹操係太監養子；孔明未出道之前，都係咩溜溜，食地球；韓信未彈起之前，係伙頭。呢D八婆，狗口長不出象牙，仲話唔知咩考第一，連一點做人處世素養都無。呢句話，可以曲線射城中大粒佬，四眼李等等，個個都唔係大學畢業，得罪人都唔知。英雄莫問出處，確實在世上處處可見。口沒遮攔，真係可以好大鑊，死咗都唔知咩事。

　　增廣賢文中有一句：守口如瓶，防意如城。管不好自己咀巴，隨時有劫數。

　　再一次多謝郭博士介紹閱讀增廣賢文。因為，人哋未必欣賞你，但起碼你唔乞人憎先，做到唔乞人憎已是距離成功進了一大步，多謝。

http://hk.apple.nextmedia.com/su ... t/20170319/19962556

歡迎光臨天羅地網 (http://139.162.60.118/)