天羅地網

標題: 請教郭博士－－有關實相 [打印本頁]

作者: erict 時間: 2017-3-3 02:05
標題: 請教郭博士－－有關實相
　　如看到某行業運作的產品或結果為表徵，從表徵推算或估量到那行業真正運作的關鍵，而這些因由因應不同時間，地點或人物交錯地出現，但本質仍是那一方式進行，十之八九恆之有效，能否稱那種方式就是那個行業的實相？還是那行業的運作慣常盈利程式？

　　謝謝回覆。

作者: alexwush 時間: 2017-3-3 07:11
唔明，請講明該行業

作者: 容燥兒 時間: 2017-3-3 11:41
我估計可能講緊係傳銷

作者: erict 時間: 2017-3-3 12:38
　　二三十年前，Giordano明碼實價，好平。肥佬黎高薪售貨員，稍加培訓，態度友善，非常好口。而肥佬黎之前接受訪問時說，差不多每日盤點，因而調配較好賣的產品到該分店，天天調兵遣將。而如果缺貨，馬上落訂單，務求以最快速度由落單到銷售。肥佬黎做成衣廠出身，深諳成衣行業的弊病，一縮短落單到銷售，生意大好，Giordano就係果陣彈起。

　　約二十年後，戴爾電腦立足中國。可能當時在美國銷售時配合大物流公司如UPS或FedEx合作得法，直接複製到中國。經營模式跟Giordano差不多，就是任用態度好又好口的客戶服務及技術支援。但Dell更提升到有客戶落單才叫合作伙伴馬上生產電腦。由客戶落單到可以用到果副電腦，只需三五天時間。戴爾電腦曾擊敗同業，是世界上銷售電腦第一名。

　　依樣畫葫蘆，GAP在中國發展，以其網頁推銷，又極可能因應客戶需求，有訂單至向廠商落單。其運作模式跟Giordano及Dell原則上差不多。
http://www.gap.cn/

　　表面上三家公司中有兩家賣的產品相似，但內裡三家公司在不同時空用極相似方式營運，而其中一樣又非常相似的是銷售員經培訓後非常好口，有耐性解答及回覆客人等等。

　　這三家公司做得出恆之有效又快速調配產品，即使在不同時空（肥佬黎Giordano時維大約198X年到1991-3年左右，Dell大約是2000-2010，GAP只是近幾年在中國大賣），地點（不管是實際銷售點還是網購，肥佬黎是實體舖頭，Dell及GAP則為網購），人物（前線服務員工，大抵都是銷售員或客戶服務，只需稍加培訓，態度友善，有問必答等等）。當然，三家公司都明碼實價，包無搵老襯，老老實實的做生意。

　　如果講以上三家公司用極相似手法營運生意，是否為致勝實相？還是商業運作而能賺錢的盈利程式？

作者: 容燥兒 時間: 2017-3-3 13:37
本帖最後由容燥兒於 2017-3-3 16:26 編輯

我唔敢講係做生意成功的方程式。

但照上面果種做嘢方式，我作為一個顧客。
係有三四間同類鋪頭中，當然首選呢類鋪頭。

快，靚，正。咪浪費我時間。
要返轉頭轉呢換我都唔制。

尤其現代社會啲人褔氣咁薄。
等果一分鐘，就抿死啦。

所以成功，都有佢的原因。

作者: chriswong 時間: 2017-3-3 14:45
服務行業，禮貌、誠信和服務好不是基本要求嗎?
以上3間公司，都在特定的時間，配合特定的地方才有特定的效果。
觀察實相比推測實相更為準確。

作者: erict 時間: 2017-3-3 16:17

chriswong 發表於 2017-3-3 14:45
服務行業，禮貌、誠信和服務好不是基本要求嗎?
以上3間公司，都在特定的時間，配合特定的地方才有特定的效 ...

　　當然。服務態度好，有禮貌，幾時都有著數，重點係三間公司騁請的人都係屬於邊個得閒邊個做果種，學歷要求絕對不大，理論上搵陳大文，張三李四，稍有培訓，已可勝任。

　　以上三間公司以公司貫通各關節位為先，確保每個細節通行無阻，而前線人員大多屬於執行角色。因此，以上三間公司我見是廣義上是行程式。但由於三個不同時空，出現三間極相似的營運模式，因此請益博士。

作者: 容燥兒 時間: 2017-3-3 16:29
講到前線人員培訓好重要。

因為真係一個人一套系統。
唔教套共通程式，撞機情況多到不得了。

真係講肯德基三個字出黎，香港同國內人食嘅都唔同味。做管理真係吹到啤一聲。

作者: chriswong 時間: 2017-3-3 18:02
理論上，哩套系統可以套喺好多公司如老麥、7仔、OK等等.....大型公司或特許經營店。近排最有代表性喺剛上市嘅順豐物流。
眼見哩啲公司成功，喺咪代表其他失敗嘅公司無用哩套系統呢? 管理系統喺重要，但市場嘅需求同推出服務及產品嘅時機更重要。
小公司營運策略，我比較喜歡竹田陽一的蘭徹斯特法則。

作者: cwcheung24 時間: 2017-3-4 01:38
各位賢友, 看完或者就有答案了

http://139.162.60.118/forum.php? ... =%E6%AD%A2%E5%AD%B8

作者: erict 時間: 2017-3-4 01:46
　　其實上述三個例子是舉例，因為我相信可能在某一個範疇，特別在商業世界，會一再重覆出現的情況，以不同形式出現，其實都係同一類型的境況，係隔一段時間就出來，因此才請益博士。

作者: 漢賢 時間: 2017-3-5 09:54
顧客流量
會唔會買既機率
每個月要幾多左右
都有得計算既
至於準唔準就視乎有咩數據同用咩方法去證明
呢啲都歸入統計
個人認為統計學絕對係外國公司比中國公司優勝既絕活

歡迎光臨天羅地網 (http://139.162.60.118/)