天羅地網

標題: 豉油碟 [打印本頁]

作者: erict 時間: 2017-3-2 18:40
標題: 豉油碟
　　古語有所謂馬前卒，廣東話有所謂清兵，都有行先死先之眨意。

　　樹仁大學學生會會長，理應是應屆同學中稍稍突出，不論是思維，成績或創見等等。或者，前一兩年聽到什麼自決，港獨等激進言論，身為學生會會長，又或者想到當年五四運動，上世紀七十年代認祖歸宗的火紅年代，例如飯鏟頭阿松，或者到今日都把口唔收嘅城中大班文膽，又可能係八九年同一位置，人稱姑爺仔嘅某前區議會一樣，感覺上如果唔做D嘢，難有江湖地位。當然，加入前一兩年爆紅的黃色冷貓，或者比光頭佬哄兩哄，或者再捧殺，讚多你兩句，真是人民英雄也，公然放火（如果個光頭佬真係有咁做，心腸真係毒）。而處事自以為走精面，燒垃圾桶，以為無傷及路人等等就無事。

　　今天，法官判有罪，九成九九九有案底，廿幾歲人，一世就孭上有案底之身，大公司自然唔會請你，而你父母也因此有憾。十年樹木，百年樹人，差不多二十年供書教學，今天，都可以說是付諸江河，也許，從此走上極端路線，簡稱不歸路，正常工作環境他人當你係異類；在另一邊，光頭佬日日叫港獨，打倒邊個邊個，做晒某方向大人物的禁忌，到現在轉牌頭運動救港，仲可以選完之後遊覽加拿大台灣，食得招積，玩得出色。今天你有事，判有罪？真係四個大字喇！

　　交朋結友，真係非常重要的人生路上環。正是增廣賢文的：
逢人且說三分話，未可全拋一片心。
有意栽花花不發，無心插柳柳成陰。
畫虎畫皮難畫骨，知人知面不知心。
錢財如糞土，仁義值千金。
流水下灘非有意，白雲出岫本無心。
當時若不登高望，誰信東流海洋深。
路遙知馬力，事久見人心。

　　以呢位後生仔今天的遭遇，再身為樹仁大學學生會會長，落得如斯下場......即使做馬前卒，都會稍為想想做事成本，再講得通俗一點，以前黑社會搵人認頭，點都有些少安家費掛？今天，呢位學生會會長得到什麼？從思考，計劃，風險及回報評估，行事及所謂鬼佬成日掛在口邊的exit plan，一樣都睇唔到，反之，佢果班同路人就馬上個個時運高，當睇你唔到，淒唔淒涼？

　　各位一定要非常積極考慮日日看增廣賢文。

http://hk.on.cc/hk/bkn/cnt/news/ ... 0302_00822_001.html

作者: erict 時間: 2017-3-2 18:47
　　呢句真係正：有茶有酒多兄弟，急難何曾見一人。

歡迎光臨天羅地網 (http://139.162.60.118/)