天羅地網

標題: 香港中文憑考試題，關於佛學問題 [打印本頁]

作者: alexwush 時間: 2017-1-9 18:58
標題: 香港中文憑考試題，關於佛學問題

作者: alexwush 時間: 2017-1-9 19:00
希望博士補充正確答案

作者: 容燥兒 時間: 2017-1-9 19:10
alexwush網友,

啲小朋友交咗幾多學費同練咗幾耐功?
就算所謂標準答案,
我睇完都會笑都卡卡聲架詐喎.

咩揾啲咁嘢搞?

作者: 容燥兒 時間: 2017-1-9 19:12
時空識班同學唔知有幾多同學識答呢份卷呢?

作者: chriswong 時間: 2017-1-9 19:52
其實個"因" 可以跳遠少少，連繫上"業力"好像恰當點。
看完試卷及答案，感覺好似練武不練功到老一場空。
時空識班訓練我們去觀緣起，很少說到理論，不過我想我能在此卷拿到幾分，因不是標準答案。

作者: chrisX9 時間: 2017-1-9 21:42
即使攞滿分，只係一介書生，前途未卜，呢個天知曉！

天網案例，在岸上面熟讀游泳指南，吾等於懂游水嘛。

作者: alexwush 時間: 2017-1-9 22:04
吳克儉當敎育局長，竟有問緣起法是什麼的問題。佢應唔應該落台呢，估勿論答咗呢d問題，識咗用唔得到，以上問題對學生來説是很有啟發性的

作者: 容燥兒 時間: 2017-1-9 22:35
陰謀論睇，吳得掂比郭博士鬧咁耐。
可能條氣chok住，揾啲佛學嘢較飛。

良好意願地睇，，，，，，，佢都係快啲落台啦。

作者: 容燥兒 時間: 2017-1-9 22:38
佢應引用自己為題目，比學生觀察。

佢搞國民教育緣起係乜，點樣阻止佢犯惡業。

同埋點樣可以埋個靚尾，我相信學生會踴躍作答。
但全部好低分，因為同標準答案有出入得好緊要。

作者: chrisX9 時間: 2017-1-9 23:13
當真？

吳得掂都忽然好學？

咁就干趣話過佢知啦！

天作業猶可恕，自作業不可活。

明未？！

作者: Yul 時間: 2017-1-10 00:36
本帖最後由 Yul 於 2017-1-10 00:38 編輯

中觀：解讀龍樹菩薩《中論》27道題

識答其中一題都不得了

作者: 容燥兒 時間: 2017-1-10 02:00
我睇完條題都汗顏，根本中學生邊識答呢。

識答，都未必明白箇中道理。
呢個吳克儉，通勝都唔識，就學人考佛學。

佢真係唔知個醜字點寫

作者: erict 時間: 2017-1-10 17:59
　　正話剛巧去三聯書局，睇到地理及西史課程及雞精書，非常得人驚。例如：
一，只側重近百年香港發展，幾乎沒有提鴉片戰爭及清朝史，一開始就係自強運動，至於點解有自強運動，幾乎沒有提，呢類剪片式教育，無頭無尾，真係可以去大連買隻鑊。
二，講地震，完全沒有講因為係板塊移動（Plate tectonic theory）再加埋板塊漂移（Continental Drift），再沒有講因為三種情況而衍生不同的地殼變動，只係一味講有地震，點搞？有咩事發生等等。
三，呢樣真係大鑊，出於果本雞精書，害死人。個標準答案係為了防止損失，叫人買保險。果D學棍嘅害人之處係無常識，天災颱風地震等等大自嘅自然災害，在保險一般條例定係act of god，無得賠。因為好多的士佬在八號風球做生意又大吉利是撞車的話，保險唔會賠。

　　吳克儉呢個仆街將教育搞到咁，中學生六年，真係讀埋呢D課程，大件事。佛學科目小弟唔識，但單單係地理及西史兩科，包你越讀越低能，仲要係有好多係砂糖溝沙，真係大件事。

　　如果今天時光倒流......不如讀完中三之後，無家底無人事的話，書依然照讀，再開始學一些技能，為未來謀生做準備。真係寸D講一句，就西史呢一科而言，我可以大膽講，對比二十年前，今天的DSE連都唔知有無我果期中三水準。

作者: 容燥兒 時間: 2017-1-10 22:59
[size=36.0276px]三，呢樣真係大鑊，出於果本雞精書，害死人。個標準答案係為了防止損失，叫人買保險。果D學棍嘅害人之處係無常識，天災颱風地震等等大自嘅自然災害，在保險一般條例定係act of god，無得賠。因為好多的士佬在八號風球做生意又大吉利是撞車的話，保險唔會賠

以上呢段，再睇就諗到嚴重性。
會令小朋友買咗保驗就可以四個大字。

加以為有保驗就可以大安旨意。

作者: 容燥兒 時間: 2017-1-10 23:02
我哋堂堂比人鬧，基礎嘢好緊要。

如果最基礎都係啲咁㗎質素教育。
恐怕未同外國鬥跑，就自爆在起線上。

吳得掂條粉友，重未死得?
好似好奇怪

作者: erict 時間: 2017-1-11 00:48

容燥兒發表於 2017-1-10 22:59
三，呢樣真係大鑊，出於果本雞精書，害死人。個標準答案係為了防止損失，叫人買保險。果D學棍嘅害人之處係 ...

開名, 因為本雞精書害死好多學生. 本書叫Last Minute...Geography, 細細本, 好似係$25. 三聯有售. 你可以去睇下, 打開Earthquake果一版, 去睇方案, solution定係唔知咩, 總之係earthquake果個課題.

果個Last Minute係一系列, 有好多科目, 有興趣不妨睇睇, 甚至可以告訴身邊朋友, 要小心.

作者: 容燥兒 時間: 2017-1-11 16:30
本帖最後由容燥兒於 2017-1-11 17:58 編輯

身邊有好多同學，都比人襟住砌。

明知呢啲學校教埋啲落水犬嘢。

但都吹佢哋唔賬。我都係話，去信啲落水犬學校。
申請唔交功課，上課可以缺席等等。

但我無兒無女講呢就型。人哋作為家長緊唔會咁做。眼白白睇住佢哋害死下一代。

作者: 容燥兒 時間: 2017-1-11 16:32
我又有兩個外甥，過幾年就入學。

到時到我眼冤。

作者: erict 時間: 2017-1-11 19:45
　　如果純講西史及地理科，前者的標準答案及各題目作答要求，我都可以大膽講，而家DSE程度比起我果期只係挨近中三四水準。即係停留在認生字及terms，例如法國大革命發生在1789年，導火線係巴士汀監獄事件，而無講之前法國已經爛到不堪，又無講三級議會，又無講左右派係咩等等，即係剪片式教學，而香港好多學生，不論在電視及網上言論，都唔會有興趣知道咩為之歷史，有咩e郁，拋出一句，考試唔考，搞掂。讀埋D剪片嘢而唔係由一到十去了解，基本上等於瞎子摸象，就係死喺呢度。如果剪片式教學再加砂糖溝沙，係咪好大鑊？

歡迎光臨天羅地網 (http://139.162.60.118/)