天羅地網

標題: 計啱數，又係一條財路 [打印本頁]

作者: erict 時間: 2016-12-19 20:59
標題: 計啱數，又係一條財路
　　自從湯唯拍過北京遇上西雅圖，可能有不少大陸人深知這個美國綠卡管道。

　　一來坐月子八九成時間在家，請褓母陪坐又係八九成在室內，美國佬深深知道，呢類人在美國產子，九成不會做犯法事，影響治安。二來呢班友在美國，有源源不絕的金錢流入美國，又可以幫一幫就業情況。三來去得美國產子，點都有一個幾毫，呢班人都算係中高檔消費族，家庭用品更不用話下。四來，或會在當地買樓，因為絕少情況在籠屋式一屋十幾人式管理，爭廁所用都爭崩頭。五來呢類人只求安定產子，因為有咩事，分分鐘驅逐出境，將原來計劃打破晒，即係原則上送錢比美國佬使。第六，美國佬都知呢班友係玩廿一點，講嚟講去都係想買個保險，而佢哋又有米，攞張綠卡傍身。

　　美國產子，在多方面都合乎美國利益，難怪近年來美國佬都隻眼開隻眼閉。美國佬真係醒，既然有錢搵又知你班友九成九唔會搞事，用一用灰色地帶，當睇唔到，又或者一年一兩次掃盪交功課。點指兵兵，就睇吓邊個唔好彩喇。難道美國佬都識時空識？

　　反觀香港班契弟真係唔掂，樣樣揸正嚟做，不懂人情世故，連雞蛋仔阿伯七十幾歲都拉上法庭。有時，圍死城池之害，就係迫死對方無寸進，既然無路可走，唯一拼死跟對手肉搏，不是你死就是我亡。所以，當年陳濟棠都故意留一缺口，比你班藍螞蟻走。

　　看到美國產子，再回想陳濟棠的手法，想起昔日英國佬管香港如何高明。在街邊擺賣一定係犯法，非常清楚。但可能上頭下命令，能夠維持到社會秩序的話，留人家一條生路搵食。好多人從前就係擺街邊養大一家幾口。

　　今天，樣樣揸到正，完全沒有轉彎餘地，又深知不少仆街政府佬同各大財團勾結，亦有人大隻當眾講官商鄉黑，好多後生仔或其他人睇得非常清楚，敢怒而不敢言。到了市面上有幾個仆街日日話港獨，蝗蟲等等，好多市民眼見社會不平，諗得唔夠透徹，就會支持好多假港獨人士，投射自己對現實不滿。早一兩年，港獨之所以有市場，大部份源自大家都好難搵到食。

　　中國歷史，有不少案例是因為民不聊生而引起不滿，繼而所謂作反。其中有不少原因皆於搵唔到食，市面上太黑暗，官商勾結到不能再接受的程度。昨天，看到胡官墟市節中有提重開攤檔給各人一個機會盡展所長，誠然絕對是好事。希望胡官跟英國佬咁多年，應該吸收不少英國佬的管治手法，天下太平。因為，舊日香港，特別是八十年代，處處見生氣，人人有工開，不知幾happy。人人開心，快樂生活，偽港獨或什麼本土自決廢話，一定無市場。

　　假如胡官一系人接任，雖未如博士口中的上等政綱，但都起碼係一個好開始，絕對係好事。如能接受博士講，中港經濟上融合，可望更好。

babysitting.png (492.37 KB, 下載次數: 131)

歡迎光臨天羅地網 (http://139.162.60.118/)