天羅地網

標題: 2016.09.10 郭博士：通識學問 (香港三合會) [打印本頁]

作者: peterau 時間: 2016-9-10 16:54
標題: 2016.09.10 郭博士：通識學問 (香港三合會)
本帖最後由 peterau 於 2016-9-10 17:05 編輯

廣東話資料館 Cantonese Museum

香港三合會
香港三合會組織係源於清代南方三合會。依家，雖然冇直接嘅證據證明香港三合會係大陸南方三合會嘅分支同附屬，但係由香港三合會產生嘅時間，內部採用嘅入會儀式、組織制度，投票選坐館〔龍頭〕方式，早期使用嘅禁條、誓詞同暗語等等，完全可以話佢係由南方三合會輾轉移植而成，兩個係有好密切嘅淵源。
香港主要三合會組織
〔和〕字頭派系　和勝和〔老派〕　　　
和勝和嘅歷史可以追溯到1890年代，當時已經有好多廣東人到香港打工，三邑人、四邑人、客家人、圍頭人（佘佬）團結成幫，佢哋一般自稱或者登記註冊為〔工人自助幫會〕、〔同鄉會〕、〔宗親會〕。1884年第一個堂口正式成立，個名叫做〔和合圖〕，註冊為〔合法社團〕，歸類為〔工人自助幫會〕。
和字頭堂口：　　和勝和、和勝義－勝義堂、和勇義、和義祥、
　　　　　　　　和安祥、和安樂（水房）、和正樂、和群樂、
　　　　　　　　和群義、和群英、合群英、和口英、和利群、
　　　　　　　　和利和、和洪勝、和全勝、和聯勝、和勝堂、
　　　　　　　　和義堂、和合圖（和合桃、硬殼）、和一平、
　　　　　　　　和二平、和友和、和禾黃、和九指、和利廬、
〔14Ｋ〕　　　　洪發山忠義堂，簡稱〔洪門忠義會〕
全名：〔洪發山忠義堂，珠江水白雲香，廣州西關寶華路十四號〕
喺1947年由葛肇煌中將〔國民黨軍統頭領戴笠嘅得力助手〕建立。到1949年因為國民黨喺大陸失去政權由大陸走落香港再次成立，喺1960至1990年幾十年間，14K曾經擁有20萬會員，擴展成為全球華人三大幫會之一。
〔四大〕　　　　四大公司．泊碼頭　　　　
有道〔單馬聯同全港九〕或〔單義聯同全港九〕，即係幾個較為細形嘅幫會，結盟聯合以確保自身利益唔畀大社圑瓜分。佢哋雖然並唔止四個社圑，但係合稱為〔四大公司〕，起初結盟係源於香港監房入面嘅擺檯制度，同一個社圑嘅囚犯會聚埋一齊，叫做〔一張檯〕。
四大公司堂口：　聯樂堂（單耳、單義）、
　　　　　　　　馬交仔、
　　　　　　　　同新和（老同）、同群英、同樂、
　　　　　　　　聯英社（老聯）、聯順堂、
〔聯〕字頭派系　聯勝義、聯勝英、聯飛英、聯鴻英、聯桃英、
〔同〕字頭派系　同群英、同新和、同福堂、
〔東〕字頭派系　東聯社（老東）、東公社、東安堂、東英社、
　　　　　　　　東安社、東安和、東福和、東群社、東群英、
〔潮州、鶴佬〕派系　新義安（老新）
新義安由向前〔民國安全局少將銜顧問〕喺1919年成立，1980年代會員人數有成20萬，90年代開始，唔少成員向大陸擴展，現時係香港第一大黑幫，成員估計約有25,000人。除咗香港外，新義安一般活躍喺英國、比利時、法國同荷蘭、東南亞等，同埋廣東。
潮州、鶴佬堂口：福義興（老福）、新義安（老新）、義勝堂、
　　　　　　　　潮聯義、潮光社、三聖社、中秋月、大好彩、
　　　　　　　　忠信堂、海陸豐互助社、敬義、義群、
〔新〕字頭派系　新興社（新記、新興）、新港堂、新華社、
〔廣〕字頭派系　廣聯勝（老廣、廣聯盛）、廣洪（廣雄）、
　　　　　　　　廣聲堂、廣盛、
〔全〕字頭派系　全一志（老全）、全義軒、全志和、全合群、
　　　　　　　　全聚英、全知然、
三合會已經走入歷史階段，好多都經已畀政府瓦解，依家香港大約有57個三合會組織，大部分屬於細蚊型街頭幫派，絕大部份都係有名無實。不過，呢啲街頭幫派又開始蠢蠢欲動，接近20年幾乎冇出現嘅幫派擰地盤街頭火併，近年又好似有復辟嘅跡象。
有人曾經講笑咁話，可能香港嘅〔三合會〕真係冇曬勢力同名全實亡，大幫大派嘅冇問題同埋已經上曬岸，但係細幫小派就好淒涼囉，佢哋嘅幫眾同社團都要生存，都要搵出路，喺未來嘅日子，呢啲唔同派別嘅江湖中人，只有放棄之前嘅〔三合會〕而走入歷史比較短嘅〔立法會〕。
〔圖：網絡．修〕
〔譯：蕭南仁．2016年9月5日〕
〔香港風情．廣東話資料館〕

https://www.facebook.com/permalink.php?story_fbid=1290783647598511&id=405200279490190&substory_index=0

作者: 關誠子 時間: 2016-11-7 22:30
謝謝分享

歡迎光臨天羅地網 (http://139.162.60.118/)