好過去搶！每次收「開門睇樓費」　大興租客賺6,000元 - 天羅地網

樓市前景黯淡，小業主各出奇招出貨，近日二手樓市更出現「開門睇樓利是潮」。由於有租客住的放盤單位，若業主賣樓，想開門給客睇樓，必須得到租客同意，急出貨的業主，不惜向租客支付「睇樓費」，屯門大興花園有租客因而10天賺6,000元。

消息指，大興花園2期4座低層A室，實用544方呎，本月初才放盤，叫價400萬元，但由於單位正以月租1.15萬元租予一家庭居住，本月底才搬走，但業主心急賣樓，要求租客開門睇樓，租客同意，但每次要收取500元「開門睇樓費」，業主急出貨只好答應，而睇樓費直接租金扣除。據知，過去十日，租客開門睇樓最少12次，即已收取6,000元睇樓費，相等於逾半個月租金。代理形容租客每次開門收500元，「好過經紀返工」。

2016-4-8 03:40 上傳

中原陳錦明表示，該單位剛成功以381萬元易手，呎價僅7,004元，呎價回到2014年水平。原業主2012年9月以295萬元買入，升值29%。

將軍澳亦出現業主畀睇樓費賣樓。消息指，將軍澳新都城2期5座低層B室，實用644方呎，因有租客住，每次畀500元租客開門睇樓，放盤僅五天，剛成功以600萬元售出，呎價僅9,317元，創屋苑今年新低。

律師梁永鏗表示，租客向業主收取「睇樓費」並沒有觸犯任何法例。因為單位租出去，業主無權入屋，若要求租客開門，可能會阻礙對方時間，「專登搵人返嚟開門」，梁又笑言「如果計我鐘數，500元可能唔止」，很視乎雙方同意及協議。

銀主盤連環減價。消息指，鴨脷洲深灣9號8座中層A室「十按」銀主盤，現減價400萬元至3,500萬元求售，呎價26,061元。大埔比華利山別墅翠樺道雙號屋銀主盤，本月20日翻拍，底價調低14%至1,550萬元。香港仔公屋華貴邨華賢樓中層銀主盤，綠表叫價由88萬元減至78萬元，呎價僅3,750元。