讓子彈飛 ! - 天羅地網 - Powered by Discuz!

用博士論大中華背後有棋局高手操盤說法去推演，安排689上台可能已經係一部棋。佢真係優秀破壞王，無間道。至於邊個係真正金主老細就真係唔知。

一路走來，合理唔做，荒謬先做。短中長有益有利唔搞，一做就死即搞。好人唔用，最仆街個d就用。將香港最強最優良特質強項徹底破壞拋棄。除個別特權份子自己友之外，大部份人搵食都越來越困難。唔講誠信道德，對佢d同黨都過橋抽板，用完即棄(咁都公道d) 。好似夢紅，尚海仔，甚至建制派，鄉下佬等。破壞社會穩定之餘，亦瓦解舊有勢力，睇黎下一步就會對付18萬公務員。真係一個出色既殺破狼。係師承老毛定繼承老毛？唔敢諗。我地以後既MPF應該都凍過水，希望80歲前可以退休。

呢幾年發生一連串事件，已成功撕裂各階層關係，不滿憤怒之火苗早已深種，隨隨便便小事一樁都可以爆Seed。今次旺角事件更讓警民關係徹底撕裂，仇恨正式爆發。不管你有乜私怨，但警察都係香港人，都想自由自在唱K旅行食放題玩下Facebook，之前幾次無謂衝突，眼見大多數執勤既都算係戰戰兢兢咁做野(當然個別case都好有問題)。今次係比人擺上，過一棟。經此一役，以後警方做事將會"非常堅決"。"受惠"既市民又將會"雙倍奉還".... 照咁睇舊年既事似係熱身，開年係升級，再讓鑊氣醞釀一下，以目前既民智/ 經濟環境/政治氣候睇，"核爆"係指日可待。真係大吉利是....