天羅地網

標題: 30- 11 - 2015 郭博士兩個趣味題目 [打印本頁]

作者: 容燥兒 時間: 2015-11-30 18:34
標題: 30- 11 - 2015 郭博士兩個趣味題目
第一題：當手機快要沒有電的時候，有一些人會突然間心跳加速.... 請問大家對該狀況有什麼解決方案？

第二題：有一對情侶拍施已經兩三年了，一直都十分安定.... 男方突然碰上了公司裁員，女方就此提出分手.... 請問大家對該狀況有什麼解決方案？

作者: alexwush 時間: 2015-11-30 18:55
1，有機會熄咗電話，恭喜曬
2，恭喜曬，不能共患難者早d散水好過

作者: 平常心 時間: 2015-11-30 18:58
第一題：1. 念心經，心境平靜下來。
2. 學習隨之而安心態。
3. 帶著備用電池

第二題：男方：了解女方分手的原因，是否有其他因素而非因裁員之故？如果係裁員而被女方提出分手。分吧！一生之中高低起跌，如果只可富貴不可共患難的女人，你是否願意經歷多次離合？早走早着⋯⋯何處天涯無芳草。

如果男方非她不娶的話，努力搵工，經濟許可的話可創业！
男婚女嫁，你情我願，一個願打一個願挨，兩個人的事，當時人鐘意便行。娶吧！
沒有最好解決方案！因為我們不是當時人！

作者: WilWilQ 時間: 2015-11-30 19:17
第一題: 到便利店充電
第二題: 女友腳頭唔好, 她的離開代表男人已經轉運, 及早離開!

作者: 莊得智 時間: 2015-11-30 20:20
第二題

1﹣有時情侶分手，不一定因為金錢，可能是因為另一半已偷偷愛上別人或者已經不愛你，有可能是在你運氣不好時二件事同時發生，這時候男人諗唔通會一直覺得問題出現在自已身上影響生活廢事自已估估下，如果發生在我身上，我會約女方食最後一餐飯，畢竟好黎好去大家話晒係埋一齊2，3年，如果到時你見女既變左另一個人你自然唔會再依戀，如果覺得對方沒變可能是大家緣份夠或是自已不夠努力，大家腳步不一致，但可以做住朋友，自己以後應該更加努力。

2﹣比少少錢搵個正過佢既女人扮係自已條女影相，貼上社交網站，證明比佢睇，我冇左你唔會唔掂，等佢估估下嬲餐飽，自己就努力搵個第2個。

作者: 大樹人 時間: 2015-11-30 20:28
答第二條問題先。

我比人裁員，唔等同我無積蓄喎。
唔使走咁快下話?

另一個睇法，人哋未必係因為裁員飛你，
香港哋，拍拖兩三年，叫老夫老妻，悶㗎嘛。
散好正常。

開香檳啦，識過件。
家下第同發達，，，，，，老婆

作者: 大樹人 時間: 2015-11-30 20:55
本帖最後由大樹人於 2015-11-30 20:58 編輯

有人叫代貼。

第一題，記得帶尿袋(儲電器)，咁就唔緊張，唔緊張唔心跳

作者: 郭輝 時間: 2015-11-30 21:17
[color=rgba(0, 0, 0, 0.701961)]兩個問題都應該事前做準備，不是出事後搵解決方案。

[color=rgba(0, 0, 0, 0.701961)]好難想像有人會因為電話就快冇電而心跳加速。但係因乜解會攪到心跳加速？等緊重要電話定趕住打電話落飛買馬？如果係主要因素係「人」，呢位朋友似乎不太習慣孤獨，少與自己交朋友；如果因素係「物」，相信心靈少了份寄託，先會連就冇電都可以攞黎煩一餐。

[color=rgba(0, 0, 0, 0.701961)]第二個畸屎，呢位女朋友決定相當果斷務實。一間公司要裁員，只會裁冇X用既伙記，要成為一個冇X用既伙記，更加唔會係一日鍊得成；反之，一隻fit馬根本唔會有裁員既機會發生係佢身上，更何況會連公司裁員都話比女友知，所以呢位朋友係時候反省反省，係咩缺點令自己財色雙失。

作者: chrisX9 時間: 2015-11-30 22:29
1. 立刻把電話關掉，說服自己，不斷同自己講 ........ 只是關機，吾係無電，咁就無事架啦。

2. 除非女方已有新發展，否則，分手？吾洗當真！三年時間吾會白過 ..... 要學習正向思維。

其間大家要保持朋友關係，照常約會行街食飯，伺機上床，跟住搵到新工作，又再復合。

再之後 ..... ！？？由閣下決定

作者: schumannsiu 時間: 2015-11-30 22:44
答一:放低手機，做平甩功，平行返個血壓先。
答二:放低前度，去僱員再培訓局學返門手藝，揾返份工先。

作者: wookawah 時間: 2015-12-1 00:22
第一題：常備後備電源就冇心跳加速。冇就下次袋多舊電就安心啦。

第二題: 盡量投入地去看一齣心愛電影，在放映期間，盡管有笑有淚，盪氣迴腸，完埸後從暗室走到光明的街上，就等如重回正常生活，剛才戲中種種都煙消雲散。一段感情就好像一齣戲，不論結局如果，總是會有完場時刻，感覺太過強烈並無太大意義，如能重新上路，以欣賞角度來期待下一齣好戲，人生將更美好。

作者: WilliamChan 時間: 2015-12-1 00:30
1. 飛線到警務處
2. 被裁員即是有機會發達，條女飛你先即是無手尾跟,
仲唔快啲同班老友去威吓先！

作者: marcoss 時間: 2015-12-1 00:59
第一題：當手機快要沒有電的時候，有一些人會突然間心跳加速.... 請問大家對該狀況有什麼解決方案？
>>>>>>>>> 直接關機, 當無件事好了..

第二題：有一對情侶拍施已經兩三年了，一直都十分安定.... 男方突然碰上了公司裁員，女方就此提出分手.... 請問大家對該狀況有什麼解決方案？
>>>>>>>>> 對方已提出分手, 能再拍拖的基會已很細, 不如放眼將來, 重過新生活.

作者: man6552000 時間: 2015-12-1 01:56
本帖最後由 man6552000 於 2015-12-1 02:12 編輯

1. 試吓深呼吸幾吓(好似郭博士以前講過可以利用呼吸調節心跳),先定吓神,再諗吓邊度可以幫部手機上電.
日間時份,好多大商場都有得免費义電,不過就要浪費時間企定定係度. 如果無時間等嘅話,可以去手機舖用佰幾蚊買個尿袋頂住當,邊行邊义.
如果深夜時間,四圍舖頭商場都關哂門,而要急用打電話,試吓截部的士,同個的士司機講係附近打個round,另外再俾多十元八塊過佢,幫手插條USB線頂住,打俾對方告知手機無電;如果係約咗佢見面嘅話,就直接講低約佢時間地點,仲要叫佢帶埋個尿袋俾你用.

2. 如情況許可可以傾到計,要同對方了解係咩原因?
係唔係唔鍾意自己唔夠上進心,厭棄自己無出息,而放棄呢段感情?
定係俾壓力自己盡快搵工?
如果係前者,真係自己檢討吓,而且以後要積極工作,睇吓有冇得復合.
如果係後者就更加努力搵工.

情況最差,呢段感情真係無得挽回嘅話,無論如何都要盡快搵過份工投入工作,將來可能會有一段(或者好多段)更好嘅情緣.

郭博士出呢兩條題,好似要話俾大家知世事無常,要有心理準確隨時要面對人生各種大小挑戰.

作者: SharisMa 時間: 2015-12-1 09:24
1. 轉換成省電模式,深呼吸,對自己說All is well,總有辦法解決

2.念祝福文,這是人生轉捩點而已,有失才得,有了經驗,下一步更好

最簡單---"放下"---

作者: Horatio 時間: 2015-12-1 10:14
1.依家手機多數係智能電話，又whatsapp又FB, 手機無電心跳加速係因為驚同個社群脫離左，驚冇左手機就有人搵唔到佢佢搵唔到人，最好當然係適當熄機，需要先要拎黎用。
2.失戀失業係雙重打擊黎，個男人會好易自殺。仲年輕，可以建議佢讀下書，上下課程，俾佢接觸翻多Ｄ人；如果年紀大，有少少錢可以出國行下，散下心。

作者: panic_lau 時間: 2015-12-1 11:24
1)去買充電器去星巴克等地方邊嘆咖啡邊充電,冇錢就好多商場有免費充電,再吾係去大型電器甫扮買電話,邊試機邊叫SALES充電.

2)同女友講公司裁員賠左好多錢比我,約同佢去旅行散散心,如果佢話去就中出即飛, 如果佢叫你慳D洗,呢條女仲溝得過,努力搵工溝返條女吧.

作者: 吳岩鷲 時間: 2015-12-1 14:13
個人覺得第一條問題，係問緊物理現象。
咁唔知有部迷李空氣清新機，唔過唔到骨。

第二條，方向未明，係指救返段感情定唔好咁傷感之類。

救返段感情，就用錢救
有錢有女伴，佢如果都唔睇錢份上，都要尊重人。

如果係要告別傷感，就識個第個。
執正啲，勇敢啲求愛。
最好去學藝術地方識返個，至少無咁有銅臭味先。

作者: ustmark 時間: 2015-12-1 17:33
1. 將手機關掉或只中斷數據部份, 等15分鐘後開番, 睇下有無人搵你, 如果無再關
2. 同女友講有個富婆睇中左自己, 然後買左間公司迫自己就犯, 為保貞節, 咁心被炒

作者: 神輝 時間: 2015-12-1 22:14
1: 買後備電源
2: 找第2個女朋友

作者: chingtoe 時間: 2015-12-2 00:38
1. 換一塊更加少容量的電池，或者每天充電只充3、5成電，借次鍛煉自己每日控制無謂操作與社交。習慣左應該好快有效。

2. 好過日後公司執笠老婆卷錢走路。老細同條女既想法自己都改變吾到，但經此一劫有左時間同埋空間的自由，多左好多時間練功，如果無功練，就去同街邊乞丐一起踎一踎，或者去墳場走一轉。如果有咁既事令自己醒一醒，值得恭喜。

作者: tangeric 時間: 2015-12-2 00:58
答第二條問題：去香檳大廈，請郭博士介紹條女給你，止下咳先。如果有錢的話，再上時空識班增值自己。請郭博士教你點樣揀女朋友…

作者: rayleung 時間: 2015-12-2 15:44
兩條題目其實是帶出”成住壞空”、”生老病死”均屬自然現象，要接受無常無我。
用得手機就肯定會無電，遇到無電時就要懂得找其他電源。<心跳加速都於事無補於事>
情侶拍拖就如人同人往來，總有離開的一天，感情亦是，無法挽留便要放手，再找其他人或讓其他人來找你便是。<公司裁員明顯與真愛情並無關係>

作者: peterau 時間: 2015-12-2 16:02
組員 Raymond Wong 回覆：

題1. 好多商場都可以充電. 甚至身邊好多人都有「尿袋」,找人幫就是了.

題2. 泊車理論. 由她走, 空番個位出來泊另一位女朋友入來

作者: Nelsonlai 時間: 2015-12-2 16:10
第一條；其實用智能電話會這樣，這個人根本就不適合用，都是用回只有打電話功能好一點啊！

作者: Nelsonlai 時間: 2015-12-2 16:20
第二條；那個女的那麼現實，如你到現在才知道，也証明你一點也不了解她，早啲分手應是最好的解決方法。

(除非你沒有了她就會死亡，這樣就無論發生任何事，也不能離開啦)！！！

作者: JanLam 時間: 2015-12-2 22:43
第一題：當手機快沒有電時，可關掉WIFI , 3G , 藍芽等功能，這些功能很耗電，關掉後基本用電很少(即使剩1%電，都可以撑到半個鐘以上)，只用打出或接聽電話，因為有緊急的事都會打電話聯絡，唔用會WHATAPPS等聯絡，若附近有便利店或賣電話的鋪頭，江湖救急去叉一陣，或睇吓電話搵店員幫手叉5分鐘，應可應付一陣。

第二題：我會告訴女友公司生意差要裁員，自己要求自裁的，因為其他同事因家庭或自身原因，比我更加需要份工，而我也是全公司最有能力和能最快搵返到好工的人，所以主動提出自裁，希望她明白。

作者: Yul 時間: 2015-12-3 01:55
第一題：平時充电綫和手提电話放在同一個小袋子中。

第二題 : 將遭遇向想发展的對象傾訴，引起关注轉危為機。

作者: jingiou 時間: 2015-12-3 06:24
1）手機無電，其實隨時買尿袋都得，問問自己心跳加速是不是心理有問題？被手機控制了？冇手機睇 fb message幾個鐘是不是天要跌落黎？人生的意義就是這樣？

2）女友離棄你因為你冇佐事業, 也反問自己如果女友突然冇佐青春, 樣子變了一個80歲阿婆, 全身都是皺紋和老人斑，你還會愛她嗎？愛情是否虛幻？所以還是另外找個和自己目標一致的人，一齊經歷人生.

作者: JasperHo 時間: 2015-12-3 08:47
1) 應建議他們減少用手機的時間, 因手機攝神傷眼, 多用無益. 希望他們唔會依賴手機, 降低手機沒電對自身的心理影響. 少用手機, 電池也不會經常沒電. 如他們不能自制, 只好用外置充機器或多帶電池, 但治標不治本.

2) 解決方法視乎雙方的想法和目標. 應了解女方提分手的原因, 如女方是不能共患難的人就早分早著. 如沒有將來就表示此段孽緣已盡, 不用再纏綿, 祝福對方然後過新生活. 有沒有將來, 男方都應努力搵錢, 最少學一種技能, 那將來的女人就不會因為經濟能力而提分手. 男人多情而長情, 女人專情而絕情. 女人提分手的話多數也不能挽回. 好好放眼未來吧. The best is yet to come.

作者: KYL 時間: 2015-12-3 09:52
第一題: 關機 - 好讓自己休息一下.
第二題: 分手就分手吧! 多謝女方比機會自己去再認識新女朋友.

作者: Oldboy 時間: 2015-12-3 13:24
第一題: 自從有咗大碼勁量充電池, 我都無咗呢方面問題, 同埋市面都出咗唔少小型手動發電機可解危一時。

作者: chenteipeng 時間: 2015-12-3 13:30
第一，應該係電話响唔夠電時，會釋放某種磁場影响心臟。個心有事的朋友，應該選用返最傳統果種電話。

第二，都係跟大隊，女死女還在，响呢個女多男少的世界中，有錢有學識都可以識個廿幾歲的。
呀城城幾叫人羡慕。

裁員事少，補水事大，唔該補返多少黎。
唔係點去旅行散心，識空姐呢?

作者: wwkin 時間: 2015-12-3 16:27
1.試不帶手機出街令他明白沒有手機出街都可正常生活或用傳呼機代替(如還有此服務)
2.如果係郭博士遇到該狀況一定可以令條女自動送去門主動要求復合

作者: wwkin 時間: 2015-12-3 16:35
如果要令條女自動送去門主動要求復合要點1虛榮要點2嫉妒

作者: Goodfortune 時間: 2015-12-3 19:24
第一題:
間題要分兩個層次解決.
人要舒援緊張情緒而出現心跳加速,第一部要深度調整呼吸,深吸一口氣,然後慢慢呼出,反復進行十次.(要視乎地方環境,空氣質量).
繼而按壓穴位(中醫理論-心主神明), 1.腋窩下之极泉穴,2.手法心外之勞宮穴,3.手腕外之內關穴,4.手指末端.,以援解緊張情緒.
然後停一停,想一想
自己有沒有帶後備電池,移動電池(外置).如兩者齊缺,觀察一下,附近環境周邊,有無大少型coffee shop,有些有電腦上網服務,有USB端子和電插蘇.(要帶備USB線或USB線+13A插頭).
如上述都缺,不如 shut down mobile phone.
第二題
人的生出,是等待死亡來臨,是人其中一個夢.就算結為夫妻,總會先行一步機會.
不如籍着此機會,看清楚別人,免至老來時後悔莫及.
然後停一停,想一想,問一問自己,大型購物商場(如walmark),停車場究竟有多少個車位.你會比多少部車停?

歡迎光臨天羅地網 (http://139.162.60.118/)