天羅地網

標題: 28 - 09 - 2015 郭博士出國事題 ~ 習近平出席美國國宴 [打印本頁]

作者: Quattro 時間: 2015-9-28 13:35
標題: 28 - 09 - 2015 郭博士出國事題 ~ 習近平出席美國國宴

郭博士問大家習主席著中山裝出現美國國宴，有乜野隱藏含義呢？

* 答案將於星期四 ( 2015 - 10 - 01 國慶 ) 節目內揭曉

作者: peterau 時間: 2015-9-28 14:46
恢復民國的風氣？叫台灣托管香港？中山裝將成為中國國服？

作者: hugeland 時間: 2015-9-28 16:32
新形大國關系(中山裝代表中國)

作者: 賴鎮華 時間: 2015-9-28 17:10
穿西裝係老江時代, 有D賣國賊feel. 老鄧見美國佬都係穿中山裝, 習主席想話俾美國佬知佢會行老鄧實事求是路線.

作者: 郭輝 時間: 2015-9-28 17:36
本帖最後由郭輝於 2015-9-28 17:53 編輯

其實舊年出訪荷蘭已經著過呢款情侶裝, 呢次國宴再次以呢個款頭出席, 似乎係確認元首國服之標準。

個人意見, 襟位同袖口暗花ok, 但袋巾同暗鈕門呢part可以再優化一下... 驟眼睇, 可能太深色feel唔到有邊part有中國風既味道...

ref.: https://medium.com/@WhiteHouse/i ... -visit-dcfa961861c8

作者: wwkin 時間: 2015-9-28 18:38
共產黨國內自己人春秋二祭先會著中山裝例如閱兵
中國對美國由美帝亡我之心不死的心態轉為友善
外交政策轉為擁抱西方

作者: wookawah 時間: 2015-9-28 19:08
話比人知我果套唔同你果套，我係唔會跟你果套既。

作者: chrisX9 時間: 2015-9-29 18:21
習習深知道鬼頭叫中山裝做毛裝，音示毛和周嘅外交思想 ~ 和平共處五項原則。

作者: tonglingchung 時間: 2015-9-29 18:51
習主席主要是借此講俾美國同台灣聽, 中國對台灣的政策正釋出更大的善意, 中國同台灣是一家人, 應互相扶持。亦藉此告誡美國不應再分化中國及台灣。

作者: Bigbro 時間: 2015-9-29 19:03
檔自己係國父？

作者: 一境性 時間: 2015-9-29 19:10
本帖最後由一境性於 2015-9-29 21:03 編輯

模擬習先生心底果句:

警告你地美國唔好以為今次搞到(間接或直接)中國股市崩盤就似好手然(註2)得戚。同埋唔好用你們鬼佬果套遊戲規則就可以當中國係水魚(雖然事實係!)，比你亂九島(註1)甘舞。

唔好唔記得我地中國轉着西裝都係三幾十年，我們隨時可以轉番著毛裝。等你班鬼佬成日用撤走資金黎威脅我地。搞到我地中國家嘈屋敝我地最多一拍兩散，我地過番以前土豆加牛肉的日子(這是習先生的FF)，我地中國輸得起(真的嗎?)唔知你地美國人得唔得?

習先生模彷鄧小平在當年中英會談嚇窒戴卓爾夫人，好像一模九樣。但當我在電視看見習先生出席聯合國會議時的落泊神態，對比奧巴馬的鬆容自若，就知勝負已分，美國佬理得你習近平著三点式泳衣出席國宴，就係唔舍你中國。
(註一與註二:
九島乃九龍半島的簡稱
手然為握手言和的諧音)

作者: hugeland 時間: 2015-9-29 20:54

一境性發表於 2015-9-29 19:10
模擬習先生心底果句:

警告你地美國唔好以為今次搞到(間接或直接)中國股市崩盤就似好手然得戚。同埋唔好用 ...

習總越來越變樣，好似練左 “葵花寶典”, 實在非常好笑。

其實不單習總如是，習婆亦如是，講英文，一個字 “騎呢 ! “

作者: 伺尋喜樂 時間: 2015-9-29 20:57
本帖最後由伺尋喜樂於 2015-9-29 21:13 編輯

美國人不舍你中國理由何在?(續前文)

就好像一間中式賭場，原本賭的是番攤，排九，魚蝦蟹，大細。外國人根本唔識玩，所以賭黎賭去都係得啲中國客，做極都做唔起。

老闆有見及此，引入了百家樂，廿一點，Showhand等的西式賭法，反應十分熱烈，多了好多西洋及國際賭客，生意愈做愈大。成了世界知名的新賭場。

但與此同時，其他西式賭場生意被分薄了，於是僱用了一班國際老千黎呢個"改革開放"有所成績的賭場搞局。

就係七月份，呢個新賭埸就被老千千走幾十億美金。新賭場老闆一氣之下，向外界宣布:嚴拿老千。否則本賭場在三個月之內取消廿一點、百家樂，Showhand等西式賭台。全部人玩番魚蝦蟹，番攤，牌九。

美國人看在心裡，當然不以為意。你叫你啲國民玩番哂牌九，番攤，魚蝦蟹。That‘s fine! 但麻煩你找清楚改革開放甘多年黎添置西式賭具的費用，同埋擴允賭場所需的貸款。若果唔係對你地中國實施能源及食物禁運，所有在美國做生意及留學的中國人全部驅逐出境。

仲有，取消西式賭台一事不是你習近平一個人說了算。你個賭場改革開放三十年，培養了一大班疊馬仔，艇仔同貴利佬。你習近平一人話唔玩，他們肯嗎?

但奧巴馬當然不會說出來，只是會心微笑。可憐的習主席，行又死，唔行又死，比人重炮將! 早知當日用港幣當法定貨幣定住當先，當年八九十年代返鄉下都照用港幣架啦，你叫曾俊華偷偷地印多几萬億港幣出黎，喑中在大陸流通，唔使大鑼大鼓，入市干預，比外國啲基金佬趙多你幾獲。

甘你中國啲老百姓唔係傻的馬，人民幣低水時咪使港幣囉。港幣低水時咪使人民幣囉。都不知幾甘好玩。

作者: cwcheung24 時間: 2015-9-29 22:10
本帖最後由 cwcheung24 於 2015-9-29 22:21 編輯

若純粹從視覺效果來講。習主席應該著普通西裝，甚至長衫馬褂，甘站在旁邊的奧巴瑪即是變了西餐廳Waiter.
宜家好啦，你要著中山裝，隻色仲要同某酒樓部長差唔多。

變左中菜部部長VS西餐廳Waiter

205129xhbc1zz8xcnkth88.jpg (49.62 KB, 下載次數: 293)

作者: hugeland 時間: 2015-9-29 22:29

cwcheung24 發表於 2015-9-29 22:10
若純粹從視覺效果來講。習主席應該著普通西裝，甚至長衫馬褂，甘站在旁邊的奧巴瑪即是變了西餐廳Waiter.
宜 ...

Obama 就神彩飛楊：習種成個崇禎樣

作者: WilliamChan 時間: 2015-9-30 01:56
西方那套不合中國時,
隨時可以行番自己原本那一套,
讓歐美知道，别以為中國學了西方百多年,
就要一直學下去。
夜總會侍應夠穿西裝打呔啦, "係係係老細!" 成條柒咁！

肥仔最好減吓肥啦, 肥嘟嘟！

作者: Ngdk 時間: 2015-9-30 19:22
古老文明大國，第五大發明：
超級無敵中山裝。
謝謝！

作者: chingtoe 時間: 2015-10-1 05:06
中山裝適合現時狀況，當年孫中山改出世紙做美國人自保搞革命，今日再著出來，有小小借美國過橋既味道

第日腰骨直嘀，著唐裝出席，中國就有運行了

作者: lenlan 時間: 2015-10-1 18:26
小弟愚見，習著中山裝有四種含意：

1. 中山裝其一特色為衫鈕扣到頸，包得好密實，暗示今次見面不會打開心屝跟奧巴馬交流，也無興趣這樣做，仲有向世界暗示今次訪美不是去求美國什麼，反而可能是美國有求於中國，所以習無必要跟奧巴馬同聲同氣(著西裝)博好感。

2. 明示強硬態度，中國各方面不會跟從你們西方，尤其是美國，堅持中國有自己的特色。下次可能著古裝，吹咩？

3. 在南海問題、日本安保、台灣問題的襯托之下，著中山裝暗示中國隨時都有作戰的準備，警告美國不要借周邊問題搞事，因為中山裝其實是由以前西方的軍服發展出來的，所以在這環境之下有作戰的意味。 (中山裝由來，詳見維基：https://zh.wikipedia.org/zh-hk/%E4%B8%AD%E5%B1%B1%E8%A3%85 )。

4. 同時也可籍此在美國什至西方世界刮起一陣中國風 / 中山裝風氣，從而輸出中國風，包括製衣業等，希望重振疲弱的出口經濟。

請指教。

歡迎光臨天羅地網 (http://139.162.60.118/)